Gûco 20:19 - ÎVUKU RÎA ÛVORO MWARO

¹⁹ “Rîrîa mwarigicîria îtûûra îvinda îraca mûkîenda kûrîîgwatîra, mûtigateme mîtî ya matunda îrîa îrî îtûûrarî rîu. Nwa mûrîcage matunda ma mîtî îo, nwatî mûtikamîteme. Mîtî tî nthû cienyu.

Gûco 20:19 ပူးပေါင်းရင်းမြစ်များ

2Atha 3:19

Nîmûkegwatîra matûûra mao monthe marîa mairigîre vamwe na matûûra mao monthe marîa maro; nîmûgaatema mîtî yao yonthe ya matunda, mûthike ithima cionthe cia manjî, na mûcûkangie mîgûnda îrîa yonthe mînoru na njîra ya gwîcûria mathiga kuo.”

2Atha 3:25

na magîcûkangia matûûra mao marîa maro. Rîrîa maavîtûkagîrîra mîgûndarî îrîa mînoru, andû onthe a Isiraeli nîmaaikirie mathiga mîgûndarî îo, nginya mûthiiarî vûrûri ûcio ûkîthîrwa wîcûrîte mathiga, nîmaacokire makîthika ithima cionthe cia manjî na magîtema mîtî yonthe ya matunda. Mûthiiarî îtûûra rînene rîa Kiri Heresi nîrîo tu rîatigarire, nao andû arîa maaikagia mathiga na ikûtha nîmaarîthiûrûrûkîrie na makîrîgwatîra.

Jeremia 6:6

Ngai-Mûnene mwene vinya wonthe arauga atîrî, “Kûrani mîtî yarîo, ûmbani mûthetu ivumbu ithiûrûrûkîrîtie Jerusalemu. Nwanginya îtûûra rîîrî rîverithue, nîûndû rîcûrîtwe nî kûvinyanîrîria.

Mathaayo 21:19

Rîrîa oonire mûtî wa mûkûyû mûkîrarî wa njîra, nîwathiîre varî guo nwatî akîona ûtarî na maciaro tiga mathangû matheri. Kwoguo ke nîwawîrire atîrî, “We ndûrî vîndî ûgaaciara ngûû rîngî.” Naguo mûkûyû nîwaûmire wa rîmwe.

Mathaayo 3:10

Ngai nîmûvarîriu îthanwa rîa gûtema mûtî; mûtî wa wonthe ûtaciaraga maciaro maro, nîûgaatemwa na wikue mwakirî.

Gûco 20:18

Mwarega kûmaûraga, nîmakaamûthomithia mîtugo mîcûku ya kûvoya ngai ciao cia mîvuanano, na mwîthîrwe mwîkîte mevia mbere ya Ngai-Mûnene Ngai wenyu.

Gûco 20:20

Nwatî nwa mûteme mîtî îrîa îtarîcagwa nîguo mûtume nayo rûthingo rwa kûthiûrûkîria îtûûra rîu nginya rîrîa mûkaarîvoota.

Gûco 26:6

Andû a Misiri nîmaatûvinyîrîrie, magîtûnyamaria na magîtûrutithia wîra wa ûkombo.