Gûco 20:1 - ÎVUKU RÎA ÛVORO MWARO

¹ “Rîrîa mwathiî mbaararî kûrûa na nthû cienyu, na mwone marî na mbarathi, ikaari cia mbaara, na athigari a mbaara eengî kûmûkîra, mûtikametigîre. Ngai-Mûnene Ngai wenyu, ûrîa wamûrutire Misiri akethagîrwa arî vamwe namue.

Gûco 20:1 ပူးပေါင်းရင်းမြစ်များ

Kîam 26:3

Tûûra vûrûrirî ûyû na ngethagîrwa nîrî vamwe nawe na nîngaakûrathima. Nîngaakûva vûrûri ûyû wonthe, we na njiarwa ciaku, na nîngaavingia kîîranîro gîakwa kîrîa neerîre Iburahimu na mwîvîtwa.

2Maû 14:10

Asa nîwathiîre nîguo makarûe na Zera. Nao oîrî nîmaavangire athigari ao mang'ethanîrîte Kîamndarî Kîam Zefatha vakuvî na Maresha.

2Maû 14:11

Asa nîwavoire Ngai-Mûnene, Ngai wake akiuga atîrî, “Ngai-Mûnene gûtirî wîngî wîkariî tawe ûngîvota gûtethia andû arîa matarî vinya makîrûa na arîa marî vinya. Ûûi, Ngai-Mûnene, Ngai wetû, tûtethie nîûndû nîwe twîvokete. Tûkîte kûrûa na athigari aya eengî ûguo rîîtwarî rîaku. Ngai-Mûnene, we wî Ngai wetû. Ndûgetîkîre mûndû akûvoote.”

2Maû 20:12

Ûûi Ngai wetû, verithia andû aya nîûndû tue tûtirî na vinya wa kûrûa na athigari aya eengî ûguo maûkîte gûtûtharîkîra. Tûtiîcî nîtwîka atîa, nwatî we nîwe twetererete ûtûtethie.”

2Maû 20:15

Jahazieli nîwaugire atîrî, “Mûthamaki Jehoshafati na andû onthe arîa mûtûûraga Juda na Jerusalemu, tanthikîrîriani. Ngai-Mûnene augîte atî, mûtigetigîre na mûtikegue guoya nîûndû wa athigari aya eengî ûguo, nîûndû mbaara tî yenyu nî ya Ngai.

Thaburi 118:6

Ngai-Mûnene arî vamwe nanie, gûtirî kîndû nîngîtigîra; mûndû angîvota kûmbîka atîa?

Thaburi 20:7

Andû amwe metîîaga na ikaari ciao cia mbaara, nao engî magetîîa na mbarathi ciao, nwatî tue twîtîîaga na Ngai-Mûnene, Ngai wetû.

Thaburi 23:4

Wana nîngîvîtûkîrîra mûkururî ûrî nduma nene ta ya gîkuû, gûtirî ûgwati nîngîtigîra, nîûndû we Ngai-Mûnene ûrî vamwe nanie. Rûthanju rwaku rwa ûrîthi na mûragi waku nîcio ingitagîra.

Thaburi 46:11

Ngai-Mûnene mwene vinya wonthe arî vamwe natue, Ngai wa Jakovu nîke mûgitîri wetû.

Thaburi 46:7

Ngai-Mûnene mwene vinya wonthe arî vamwe natue; Ngai wa Jakovu nîke mûgitîri wetû.

Thaburi 46:8

Ûkani mwone wîra ûrîa Ngai-Mûnene arutîte, roriani mwone maûndû ma magegania marîa ekîte gûkû nthî.

Ntha 20:2

“Nînie Ngai-Mûnene, Ngai waku ûrîa wakûrutire vûrûri wa Misiri kûrîa warî ûkomborî.

Isaia 31:1

Kaî arîa mathiîcaga Misiri gûcaria ûtethio marî thînarî-î, arîa mevokaga mbarathi nîûndû atî nî nyîngî, arîa mevokaga ikaari ciao cia mbaara nîûndû nî nyîngî, na athigari arîa mathiîcaga matwîte mbarathi nîûndû marî vinya nyîngî, nwatî matiîvokaga Ûrîa Mûtheru wa Isiraeli, kana maûria ûtaaro kûrî Ngai-Mûnene.

Isaia 41:10

Tiga gwîtigîra, nîûndû nîrî vamwe nawe, ndûkegue guoya, nîûndû nînie Ngai waku! Nîngaakwongerera vinya na ngûtethie, nîngaagûtirîrîra na njara yakwa ya ûthingu.

Isaia 43:2

Rîrîa mûkûvîtûkîrîra manjîrî ngethagîrwa nîrî vamwe namue; na mûkîvîtûkîrîra nyûnjîrî itikaamûkîria vinya. Rîrîa mûkavîtûkîrîra mwakirî mûtikaavîa, na rûrîrîmbî rûtikaamûvîvia.

Isaia 7:14

Kwoguo Mwathani ke mwene nîakûmûva rûûri: mwîrîtu nîakaagîa îvu, aciare kaana na agatuîrîre rîîtwa, ‘Imanueli.’

Jeremia 16:14

Ngai-Mûnene arauga atîrî, “Îvinda nîrîgûkinya rîrîa andû matakevîta na rîîtwa rîakwa nie Ngai ûrîa ûtûûraga mwoyo, ûrîa warutire andû a Isiraeli vûrûrirî wa Misiri.

Zakaria 10:5

Andû a Juda magekara ta athigari njamba marî mbaararî, irîa irangagîrîria nthû ciao ta ndaka njîrarî. Makaarûaga nîûndû Ngai-Mûnene akethagîrwa arî vamwe nao, na nîmagaaconorithia athigari arîa mathiîcaga matwîte mbarathi.

Ndari 10:9

Vîndî îrîa mûrarûa na nthû yenyu îrîa îmûthithûkîrîte kûu vûrûrirî wenyu, vuvagani tûrumbeta na vinya mûno. Nie Ngai-Mûnene Ngai wenyu, nîngaamûtethia na nîmûvonokie kuuma kûrî nthû cienyu.

Ndari 23:21

Gûtirî ûndû mûcûku Ngai-Mûnene onete kûrî andû a Jakovu. Gûtirî îvîtia onete kûrî andû a Isiraeli. Ngai-Mûnene, Ngai wao arî vamwe nao, maugaga atî nîke mûthamaki wao.

Aroma 8:31

Nîtuga atîa îgûrû rîa maûndû mama? Ethîrwa Ngai arî mwena wetû, nû ûngîtûtuma ûthû?

Gûco 1:29

“Nwatî nînaamwîrire atî, ‘Mûtigetigîre andû acio kana mûmake.

Gûco 2:7

“Ngai-Mûnene, Ngai wenyu ethîrîtwe akîmûrathima maûndûrî monthe marîa mwethîrîtwe mûgîka, na akîmûmenyagîrîra rîrîa mwaûrûraga werûrî ûyû mûnene ûguo. Ethîrîtwe arî vamwe namue îvinda rîa mîaka mîrongo îna (40) na mwarî na indo cionthe irîa mwavataraga.

Gûco 20:2

Mbere ya mwambîrîrie mbaara, mûthînjîri-Ngai agaaûkaga mbere yenyu na akarîria andû

Gûco 20:3

akameera, ‘Tathikîrîriani mue andû a Isiraeli! Ûmûnthî nîmûkûthiî kûrûa na nthû cienyu. Mûtikathirwe nî vinya ngoro kana mwîtigîre kana mûtetema kana mûmakue nî o.

Gûco 31:6

Gîani na vinya na mûmîrîrie, mûtigetigîre kana mûrwe nî vinya, nîûndû Ngai-Mûnene Ngai wenyu nîke ûkethagîrwa vamwe namue. Ke ndakaamûtiganîria kana amûrekereria.”

Gûco 31:8

Ngai-Mûnene nîke ûkaamûtongoria na ndakaamûtiganîria. Ndakaamûrekereria na ndakaamûtiganîria; kwoguo mûtigetigîre kana mûrwe nî vinya.”

Gûco 7:1

“Rîrîa Ngai-Mûnene, Ngai wenyu akaamûkinyia vûrûrirî ûrîa mûkegwatîra ûtuîke wenyu, nîakengata andû a mavûrûri mûgwanja arîa marî vinya kûrî mue maume kuo. Namo nî: Ahiti, Agirigashi, Amori, Akanaani, Aperizi, Ahivi na Ajebusi.

Gûco 7:18

Mûtikegue guoya nî o na mûririkane ûrîa Ngai-Mûnene, Ngai wenyu eekire mûthamaki wa Misiri na andû a kuo onthe.

Gûco 7:21

Kwoguo mûtigetigîre andû acio. Ngai-Mûnene, Ngai wenyu arî vamwe namue; nî Ngai mûnene na wagîrîrwe nî gwîtigîrwa.

Gûco 9:3

Kwoguo menyani ûmûnthî atî Ngai-Mûnene, Ngai wenyu nîke ûkûmûtongoria avaana ta mwaki ûrîa ûvîvagia ûkathiria. Mûkîîgwatîra vûrûri ûcio, Ngai-Mûnene nîakaamavoota namue mûmengate na mûmathirie viû wa rîmwe wata ûrîa eeranîrîte.

Josh 1:5

Gûtirî mûndû ûgaakûvoota vîndî îrîa yonthe ûgûtûûra mwoyo. Ngethagîrwa nîrî nawe ta ûrîa nethagîrwa nîrî na Musa. Ndigaagûtiganîria.

Josh 1:9

Ririkana atî nakwatha ûgîe na vinya na ûmîrîrie! Ndûgetigîre kana ûgîe guoya, nîûndû nie Ngai-Mûnene, Ngai waku, ngethagîrwa nîrî nawe kûrîa kuonthe ûkathiîcaga.”

Josh 11:9

Joshua nîwamekire wata ûrîa aathîtwe nî Ngai-Mûnene. Nîwatemangire mîkiva ya magûrû ma mbarathi nîguo itîkaavote kûthiî na akîvîvia ikaari ciacio.

Atir 6:12

Mûraika wa Ngai-Mûnene nîwamumîrîre arî vau na akîmwîra atîrî, “Ngai-Mûnene arî nawe, njamba îno îrî vinya.”

Atir 6:16

Nake Ngai-Mûnene nîwamûcokerie atîrî, “Nîûgwîka guo nîûndû ngethîrwa nîrî vamwe nawe. Ûgacûkangia andû a Midiani takwa marî mûndû ûmwe.”

1Sam 17:32

Nake Daudi nîwerire Saûlo atîrî, “Mwathi wakwa, mûndû wana ûrîkû ndagetigîra Mûfilisiti ûyû! Nie ndungata yaku nîngûthiî kûrûa nake.”