Gûco 2:31 - ÎVUKU RÎA ÛVORO MWARO

³¹ “Ngai-Mûnene nîwacokire akîmbîra atî, ‘Taroriani, nie nînyambîrîrîtie kûnenganîra mûthamaki Sihoni vamwe na vûrûri wake kûrî mue. Ocani vûrûri wake ûtuîke wenyu.’

Gûco 2:31 ပူးပေါင်းရင်းမြစ်များ

Gûco 1:8

Taroriani, nîngûmûva vûrûri ûyû wonthe mûrona ûrîa Nie, Ngai-Mûnene nerîîre methe menyu ma tene: Iburahimu, Isaka na Jakovu vamwe na njiarwa ciao na mwîvîtwa atî nîngaamava. Thiîni mwînyitîre guo.’ ”

Gûco 2:24

“Twarîkia kûvîtûka vûrûri wa Moabu, Ngai-Mûnene nîwatwîrire atî, ‘Rîu ambîrîriani kûringa rûnjî rwa Arinoni. Nîngûnenganîra Sihoni, mûthamaki wa Aamori kuuma Heshiboni vamwe na vûrûri wake kûrî mue. Mûtharîkîreni na mwoce vûrûri wake.

Gûco 2:30

“Nwatî mûthamaki Sihoni ndetîkîra tûvîtûkîrîre vûrûrirî wake. Ngai-Mûnene, Ngai wenyu nîwamûmirie ngoro, na agîtuîka nthande nîguo tûmûvoote. Kwoguo nîtwamûtharîkîre tûkîmûvoota na tûgîoca vûrûri wake, na nîkuo tûtûûraga nginya ûmûnthî.

Gûco 2:32

Sihoni nîwaumîrire na athigari ake onthe a mbaara kûrûa natue, vakuvî na îtûûra rîa Jahazi.