Gûco 2:30 - ÎVUKU RÎA ÛVORO MWARO

³⁰ “Nwatî mûthamaki Sihoni ndetîkîra tûvîtûkîrîre vûrûrirî wake. Ngai-Mûnene, Ngai wenyu nîwamûmirie ngoro, na agîtuîka nthande nîguo tûmûvoote. Kwoguo nîtwamûtharîkîre tûkîmûvoota na tûgîoca vûrûri wake, na nîkuo tûtûûraga nginya ûmûnthî.

Gûco 2:30 ပူးပေါင်းရင်းမြစ်များ

1Atha 12:15

Kwoguo mûthamaki nîwaregire kûthikîrîria andû; nîûndû wendi wa Ngai-Mûnene warî wa kûvingia ûrîa eerîte Jeroboamu, mûvîcî wa Nebati na njîra ya mûrathi Ahija wa Shilo.

2Maû 10:15

Kwoguo mûthamaki ndaathikîrîria wendi wa andû. Ngai-Mûnene, Ngai nîke watûmire gwîkîke ûguo nîguo ciugo irîa ciarirue kûrî Jeroboamu mûvîcî wa Nebati kûvîtûkîra kûrî mûrathi Ahija wa kuuma Shilo ivinge.

Ntha 11:10

Musa na Aroni maaringire ciama ino cionthe mbere ya metho ma mûthamaki. Nwatî Ngai-Mûnene nîwatûmîte ngoro ya mûthamaki yûme nîguo ndakarekererie andû a Isiraeli maume vûrûrirî wake mathiî.

Ntha 4:21

Ngai-Mûnene nîwerire Musa rîngî atîrî, “Wona wacoka Misiri, ûkaaringa ciama cionthe irîa nie ngûvete vinya ûringe mbere ya mûthamaki. Nwatî Nîngaaûmia ngoro ya mûthamaki na ndageetîkîra andû a Isiraeli mathiî.

Ntha 7:14

Ngai-Mûnene nîwacokire akîra Musa atîrî, “Mûthamaki wa Misiri nîaûmîtie ngoro mûno na nîararega kûrekereria andû a Isiraeli mathiî.

Isaia 48:4

Nîûndû nînamenyaga atî we wî mûremi mûno, na kîongo gîaku kîûmîte ta cuuma, naguo ûthiû waku ûgekara ta gîcango.

Maca 3:65

Tiga manyitwe nî kîrumi gîaku, na ûmathirie vinya ngoro.

Ndari 21:23

Nwatî Sihoni ndetîkîria andû a Isiraeli mavîtûkîra vûrûrirî wake. Nîwetire athigari ake a mbaara vamwe na makîthiî Jahazi werûrî na akîtharîkîra andû a Isiraeli.

Ndari 21:33

Andû a Isiraeli nîmaacokire vuva na makîrûmîrîra njîra îrîa yathiîte Bashani. Nake Ogu mûthamaki wa Bashani nîwaumire na athigari ake na makîmatharîkîra marî Ederei.

Ndari 21:34

Nwatî Ngai-Mûnene nîwerire Musa atîrî, “Ndûkamwîtigîre, nîûndû nîngûkûvotithia kûmûvoota, andû ake onthe wana vûrûri wake. Mwîke wata ûrîa wekire Sihoni, mûthamaki wa Amori ûrîa wathanaga Heshiboni.”

Gûco 2:31

“Ngai-Mûnene nîwacokire akîmbîra atî, ‘Taroriani, nie nînyambîrîrîtie kûnenganîra mûthamaki Sihoni vamwe na vûrûri wake kûrî mue. Ocani vûrûri wake ûtuîke wenyu.’

Atir 11:20

Nwatî Sihoni ndetîkîria Aisiraeli mavîtûkîrîra vûrûrirî wake. Vandû va ûguo, Sihoni nîwaûnganirie andû ake onthe vamwe na makîamba magema kûu Jahazi na makîtharîkîra Aisiraeli.