Gûco 2:29 - ÎVUKU RÎA ÛVORO MWARO

²⁹ tûthiî tûringe rûnjî rwa Jorodani na tûkinye vûrûrirî ûrîa Ngai-Mûnene, Ngai wetû atûvete. Njiarwa cia Esaû, arîa matûûraga Edomu na andû a Moabu, arîa matûûraga Ari, nîmaatwîtîkîririe tûvîtûkîrîre vûrûrirî wao.’

Gûco 2:29 ပူးပေါင်းရင်းမြစ်များ

Kîam 19:37

Mwîrîtu ûcio mûkûrû nîwaciarire kavîcî na agîgeta Moabu. Ûcio nîke îthe wa Amoabu nginya ûmûnthî.

Ntha 20:12

“Tîîa aguo na nyûkwe, nîguo ûtûûre mîaka mîîngî vûrûrirî ûrîa Ngai-Mûnene, Ngai waku agûkûva.

Ndari 20:18

Nwatî andû a Edomu nîmaamûcokerie atîrî, “Tue nîtwarega mûvîtûkîrîra vûrûrirî wetû. Mûngîgeria kûvîtûkîrîra kuo, nîtûka na tûmûtharîkîre.”

Gûco 1:8

Taroriani, nîngûmûva vûrûri ûyû wonthe mûrona ûrîa Nie, Ngai-Mûnene nerîîre methe menyu ma tene: Iburahimu, Isaka na Jakovu vamwe na njiarwa ciao na mwîvîtwa atî nîngaamava. Thiîni mwînyitîre guo.’ ”

Gûco 2:9

Ngai-Mûnene nîwambîrire atî, ‘Ndûkathînie andû a Moabu, njiarwa cia Loti, kana mûrûe nao, nîûndû nînîmavete îtûûra rîa Ari, na ndikaamûva wanarî gacunjî ka vûrûri wao.’ ”

Gûco 23:5

Nwatî Ngai-Mûnene Ngai wenyu ndaathikîrîria Balaamu. Vandû va ûguo kîrumi kîu gîacokire gûtuîka kîrathimo kûrî mue; nîûndû Ngai-Mûnene Ngai wenyu nîamwendete.

Gûco 25:15

Tûmagîrani ithimi irîa mbagîrîru na cia ma, nîguo mûtûûre mîaka mîngî vûrûrirî ûrîa Ngai-Mûnene, Ngai wenyu akûmûva.

Gûco 4:1

Musa nîwacokire akîra andû a Isiraeli atîrî, “Kwoguo athîkagîrani mawatho monthe na matuîro ma ciira marîa nîramûthomithia, na nî mûgaatonya na mûtûûre vûrûri ûrîa Ngai-Mûnene, Ngai wa methe menyu akûmûva.

Gûco 4:21

Ngai-Mûnene nîwarakarire nînie nîûndû wenyu na akîîvîta akiuga atî, ndikaaringa rûnjî rwa Jorodani na ndigaatonya vûrûri ûcio mwaro Ngai-Mûnene, Ngai wenyu amûveete ûtuîke îgai rîenyu.

Gûco 4:40

Kwoguo athîkagîrani irîra ciake na maathani make marîa namûva ûmûnthî nîguo maûndû menyu vamwe na njiarwa cienyu magîre na mûtûûre vîndî ndaca vûrûrirî ûrîa Ngai-Mûnene, Ngai akûmûva ûtuîke wenyu tene na tene.”

Gûco 5:16

Tîîa aguo na nyûkwe wata ûrîa Ngai-Mûnene, Ngai waku akwathîte wîkage. Weka ûguo maûndû maku nîmakûvua na nîûgûtûûra vîndî ndaca vûrûrirî ûrîa Ngai-Mûnene, Ngai waku agûkûva.

Gûco 9:6

Kwoguo menyani atî Ngai-Mûnene Ngai wenyu ndaramûva vûrûri ûyû mwaro ûguo nîûndû wa ûthingu wenyu, nîûndû mue mûrî andû aremi.