Gûco 2:21 - ÎVUKU RÎA ÛVORO MWARO

²¹ Andû acio maarî eengî na maarî na vinya na araca ta Anaki. Nwatî Ngai-Mûnene nîwamathiririe, nao Aamoni nîmoocire vûrûri ûcio na magîtûûra kuo.

Gûco 2:21 ပူးပေါင်းရင်းမြစ်များ

Gûco 1:28

Tûngîthiî kûu nîkî? Tue nî tûretigîra. Andû arîa twatûmire makathigane, maatwîrire atî vûrûri ûcio ûrî na andû araca na marî na vinya gûtûkîra, na andû acio matûûraga matûûrarî manene marî mairigîre na nthingo ikinyîte îgûrû matuurî, na nîmoonire avîcî a Anaki kuo arîa megana ta marimû!’

Gûco 2:20

(Vûrûri ûyû wîtagwa rîngî vûrûri wa Refaimu, rîîtwa rîîrî nî rîa andû arîa maatûûraga kuo. Aamoni meetaga andû acio Zamuzumimu.

Gûco 2:22

Ngai-Mûnene nîwekîte wata ûguo kûrî andû a Edomu, njiarwa cia Esaû, arîa maatûûraga vûrûrirî ûrîa ûrî irîma wa Edomu, rîrîa aathiririe Aahori, nao andû a Edomu magîoca vûrûri ûcio na magîtûûra kuo na kûu nîkuo matûûraga nginya ûmûnthî.

Gûco 3:11

“Ogu, mûthamaki wa Bashani nîke wenga watigarîte gatagatîrî ka njiarwa cionthe cia Refaimu. Gîtanda gîake gîatumîtwe na cuuma. Kîarî na ûraca wa mita inya (4) na wariî wa mita igîrî (2), kûringana na kîthimi kîrîa Kîamgîrîrîte. Gîtanda kîu nwa kîonagwa Raba, îtûûra înene rîa Aamori.

Atir 11:24

Îigîre kîrîa Kemoshi, ngai yaku îkûveete? Natue nîtwîgwatîra kûrîa Ngai-Mûnene, Ngai wetû atûvete.