Gûco 19:8 - ÎVUKU RÎA ÛVORO MWARO

⁸ “Ngai-Mûnene Ngai wenyu angîkaaramia vûrûri wenyu wata ûrîa eerîre methe menyu na mwîvîtwa, na amûve vûrûri wonthe ûrîa aamerîîre,

Gûco 19:8 ပူးပေါင်းရင်းမြစ်များ

Kîam 28:14

Njiarwa ciaku nîikengîva ta mûthetu wa nthî. Nîigaatamba mîena yonthe ya nthî. Na njîra ya njiarwa ciaku, nîngaarathima mavûrûri monthe nthî.

1Atha 4:21

Solomoni aarî mûnene wa mavûrûri monthe kuuma rûnjîrî rwa Farati nginya vûrûri wa Afilisiti gûcoka kûthiî mûvakarî wa Misiri. Andû a kuo nîmaarîvaga gooti kûrî Solomoni na nîmaamûtungatîre ûtûûrorî wake wonthe.

Ezira 4:20

Jerusalemu kwîthîrîtwe kûrî na athamaki marî vinya na makîatha vûrûri wonthe ûrîa ûrî mûringo wa Rûnjî rwa Farati na mwena wa îthûîro. Nî maaûnganagia gooti cia mîthemba yonthe.

Ntha 23:31

Nîngekîra mîvaka ya vûrûri wenyu kuuma îriarî rîrîa Îtune nginyagia îria rîa Mediterania, na kuuma werûrî nginyagia rûnjîrî rwa Farati. Nîngaatûma mûvoote andû arîa matûûraga vûrûrirî ûcio, na nîmûkaamengata maume kuo.

Ntha 34:24

Narîkia kwîngata ndûrîrî irîa ciîngî nîngaanenevia vûrûri wenyu. Na vîndî ya irugo icio ithatû rîrîa mûkethagîrwa mûthiîte mbere ya Ngai-Mûnene, Ngai wenyu kûmûgooca, gûtirî mûndû ûkeerirîria vûrûri wenyu.

Gûco 12:20

“Rîrîa Ngai-Mûnene Ngai wenyu akaanenevia vûrûri wenyu wata ûrîa aamwîrîîre na mwîrirîrie kûrîa nyama, nwa mûrîîre wa varîa vonthe mûngîenda.

Gûco 19:7

Kîu nîkîo kîratûma nîmwathe mûkaathuura matûûra mathatû.