Gûco 18:10 - ÎVUKU RÎA ÛVORO MWARO

¹⁰ Gatagatîrî kenyu gûtikethîrwe kûrî na mûndû wa wonthe ûkaaruta mûvîcî, kana mwarî arî îgongoona rîa kûvîvua. Gûtikethîrwe kûrî na mûragûri, mûndûmûgo kana mûringi mbûgû,

Gûco 18:10 ပူးပေါင်းရင်းမြစ်များ

Kîam 44:5

Nîndûî gîtûmire mwîe gîkombe gîa sîlûva Kîam mûnene wakwa na nîkîo aragûraga nakîo? Ûguo mwîkire nî naaî mûno!’ ”

2Atha 16:3

Nwatî eekire maûndû ta marîa meekagwa nî athamaki a Isiraeli. Wana nwa warutire mûvîcî arî îgongoona rîa îtega rîa kûvîvua kûrî mûvuanano, wata ûrîa andû a mavûrûri marîa Ngai-Mûnene eengataga maume vûrûrirî ûrîa andû a Isiraeli maatonyaga meekaga. Ûndû ûcio warî mûcûku mûno.

2Atha 17:15

Nîmaaregire gûtîîa irîra ciake, nîmaaregire kûvingia kîrîkanîro kîrîa Ngai-Mûnene aarûthîte na methe mao ma tene, na matiegua maûndû marîa Ngai-Mûnene, Ngai wao aamakaanîtie. Nîmaagoocire mîvuanano îtarî vata na wanao o ene magîtuîka andû matarî vata rîngî. Nîmaarûmîrîre mîtugo ya mavûrûri marîa maamathiûrûkîrîtie. Ûguo nîguo maregire kwathîkîra maûndû marîa Ngai-Mûnene amaathîte matigeke.

2Atha 17:17

Nîmaarutire ciana ciao cia anake na cia erîtu kûrî ngai cia maveeni, irî matega ma kûvîvua. Nîmaathiîcaga kwa ago na arogi. Nîmeerutîrîte viû gwîka maûndû marîa mataakenagia Ngai-Mûnene, na ûguo nîguo maarakaririe Ngai-Mûnene.

2Atha 21:6

Nîwarutire mûvîcî îgongoona arî îtega rîa kûvîvua. Nîwaragûranagîra, akaringa ciama na akanyitanîra na ago na arogi. Nîwekîre maûndû mengî mûno macûku na agîtûma Ngai-Mûnene arakare.

2Atha 23:24

Mûthamaki Josia nîwarutire kuuma Jerusalemu na Juda arogi, aragûri, na ngai cia mîvuanano, na indo cionthe irîa ciarî mûgiro. Josia eekire ûguo nîguo avingie mawatho marîa mandîke îvukuurî rîrîa mûthînjîri-Ngai Hilikia oonire hekarûrî ya Ngai-Mûnene.

1Maû 10:13

Saûlo aakwire nîûndû ndaarî mwîvokeku kûrî Ngai-Mûnene. Nîwaregire kwathîkîra watho wa Ngai-Mûnene, na nîwathiîcaga kûria ûtaaro kûrî ago,

2Maû 28:3

Nîwarutire magongoona ma kûvîvua ma ûbani Kîamndarî Kîam Hinomu na akîruta anake ake kûrî ngai cia mîvuanano marî matega ma kûvîvua. Aarûmîrîre mîtugo mîcûku ya ndûrîrî irîa Ngai-Mûnene eengatîte kuuma vûrûrirî ûcio vîndî îrîa andû a Isiraeli maatonyaga kuo.

2Maû 33:6

Nîwarutire anake ake marî îgongoona rîa kûvîvua Kîamndarî Kîam mûvîcî wa Hinomu. Nîwarûthire maûndû ma ûragûri, kûringa mbûgû, kûringa ciama na nîwaranagîria na oni maûndû na arogi. Nîwekire maûndû macûku mbere ya Ngai-Mûnene na agîtûma arakare.

Ntha 22:17

Nwatî îthe wa mwîrîtu angîrega gwîtîkîra mûndû ûcio amûvikie, mûndû ûcio nîakaarîva îthe wa mwîrîtu mbeca ciîganîte rûracio rûrîa rûrutagwa nîûndû wa mwîrîtu nthingi.

Ntha 22:18

“Mûtikareke mûndûmûka mûrogi atûûra mwoyo.

Isaia 47:13

Ûtwîre wînogetie mana na mataaro maku meengî. Tiga andû acio mathomaga îgûrû maturî, arîa marî ûûgî wa njata maûke makûvonokie, arîa makûrathagîra wa mweri wa mweri, magakwîra maûndû marîa mageekîka kûrî we.

Jeremia 27:10

Methagîrwa makîmûveenia na nîmagaatûma mûthamue mûvirwe kûraca na vûrûri wenyu. Nie Ngai-Mûnene nîngamwîngata na nîmûgaacûkangua.

Jeremia 27:9

Kwoguo mûtikathikîrîrie arathi enyu, aringi a mbûgû enyu, aroti enyu kana arogi enyu. Andû aya onthe mamwîraga mûtigatungatîre mûthamaki wa Babuloni.

Jeremia 32:35

Nîmatumîte metha cia kîgongoona cia Baali Kîamndarî Kîam Hinomu, nîguo marutîre ngai ya Moleku anake ao na erîtu ao marî magongoona. Tînie namaathire meke ûguo, na ûndû ûcio ndûngîatonyire meciriarî makwa, atî nwa meke ûndû ta ûcio ûrî mûgiro wa gûtûma andû a Juda mevia.”

Jeremia 7:31

Nîmatumîte metha cia magongoona ciîtagwa ‘Tofethi’ kûu Kîamndarî Kîam Hinomu, nîguo marutîre ciana ciao cia anake na erîtu kuo irî matega ma kûvîvua. Nie ndiamatha meke ûguo, na ûndû ta ûcio ndwanagîa meciriarî makwa.

Alawi 19:26

“Mûtikarîe nyama irî na nthakame na mûtikaragûrie kana mûragûrîrwe.

Alawi 19:31

“Mûtikathiî kûria ûtethio kûrî ago kana oni maûndû. Mweka ûguo, nî mûkaagwatua mîgiro nî o. Nie nînie Ngai-Mûnene, Ngai wenyu.

Alawi 20:6

“Mûndû angîkaathiî kûria ûtethio kûrî ago na oni maûndû na arege kwîthîrwa arî mwîvokeku kûrî nie, nî ngaamûverithia na nîmwamûranie na andû akwa.

Mika 5:12

Nîngaathiria aragûri onthe arîa mwîthagîrwa nao na nîmûtige mûtarî na mûndû wa kûmwonera maûndû.

Malaki 3:5

Ngai-Mûnene mwene vinya wonthe arauga atîrî, “Nîngaacoka nîmûkuvîvîrie nîguo nîmûtuîre cira. Ngethîrwa nîrî wa mbere kûruta ûira îgûrû rîgiî arogi, itharia, arîa marutaga ûira wa maveeni, arîa mavinyagîrîria arîa mandîkîte, aka a ndigwa, ciana cia ngoriai, arîa matonanagia kîvooto kûrî ageni, na arîa matangoocaga.

Ciîko 19:19

Amwe gatagatîrî ka andû arîa maarutaga wîra wa kûragûranîra nîmaaûnganirie mavuku mao ma ûragûranîri na makîmavîvia andû onthe makîonaga. Mavuku mau maarî na thogora wa sîlûva ngiri mîrongo îtano.

Ciîko 8:9

Nwatî îtûûrarî rîu nîkwarî na mûndû wetagwa Simoni watûûraga aragûraga. Nake nîwamakagia andû mûno akîmeera atî ke nî mûndû wa vata mûno.

Agal 5:20

kûgooca mîvuanano, kûrogana, kûmenana, kûrûa, wîru, marakara, kwîenda, kwamûkana,

Gûco 12:31

Mûtikagoocage Ngai-Mûnene Ngai wenyu ta ûrîa magoocaga ngai ciao, nîûndû mekaga ngai ciao maûndû monthe marîa Ngai-Mûnene athûrîte. Wana nîmarutagîra ngai ciao magongoona ma kûvîvua ma anake na erîtu ao.

1Sam 15:23

Kûregana na Ngai-Mûnene kwîganene na wîvia wa ûragûri, naruo rûng'athio nî wîvia wîganene na wîvia wa kûvoya mûvuanano. Nîûndû nîwaregire gwîka ûrîa Ngai-Mûnene aakwîrire wîke, wanake nîaregete ûtuîka mûthamaki.”

1Sam 28:3

Vîndî îo Samueli aarî mûkuû, na andû onthe a Isiraeli makamûrîrîre na makamûthika îtûûrarî rîake rîa Rama. Nake Saûlo nîwavinyûrîtie ago onthe na oni maûndû makauma Isiraeli.

1Sam 28:7

Saûlo nîwacokire akîra ndungata ciake atîrî, “Njarîriani mûndûmûka mûndûmûgo, nîguo nthiî ngatuîrie ûvoro kuuma kûrî ke.” Nacio ndungata ciake nîciamwîrire atîrî, “Nî varî mûndûmûka ûmwe mûndû mûgo ûrî Endori.”

1Sam 28:8

Kwoguo Saûlo nîwegarûrire nîguo ndakamenyeke na nîwekîrire nguo ciîngî na makîthiî marî na andû engî aîrî kwona mûndûmûka ûcio ûtukû. Nake Saûlo nîwerire mûndûmûka ûcio atîrî, “Ta ragûra na njîra ya roho na ûndetere mûndû ûrîa ngûgweta.”

1Sam 28:9

Nake mûndûmûka ûcio nîwaugire atîrî, “Nama we nîwîcî ûrîa mûthamaki Saûlo ekîte, ûrîa avinyûrîtie ago na arogi makauma Isiraeli. Ûrageria kûnyitithia nîkî nîguo mbûragwe?”