Gûco 17:8 - ÎVUKU RÎA ÛVORO MWARO

⁸ “Kûngîgîa na maciira maûmû gûtuithania kûu matûûrarî menyu ta: kûûragana mûndû atakwenda, gûkararanîria ûndû, kana kûtharîkîra mûndû, thiîcagani vandû varîa Ngai-Mûnene Ngai wenyu akaathuura va kûgoocagîrwa,

Gûco 17:8 ပူးပေါင်းရင်းမြစ်များ

2Sam 15:2

Abusalomu aaramûkaga kîraûko tene, akathiî na akarûngama rûtere rwa njîra vakuvî na kîvingo Kîam îtûûra. Rîrîa rîonthe mûndû angîaûkire vo arî na ciira akîendaga îtuithanue nî mûthamaki, Abusalomu nîwamwîtaga na akamûûria kûrîa aumîte. Nake mûndû ûcio arîkia kûmwîra mûvîrîga ûrîa aumîte,

1Maû 26:29

Kenania wa mbarî ya Iziharu na avîcî ake nîmaaveerwe wîra nja ya hekarû wa gûtongoria andû a Isiraeli na kûmatwithania maciira.

Ntha 18:15

Musa nîwacokerie mûthoniwe atîrî, “Nwanginya mbîke ûguo nîûndû andû maûkaga kûrî nie nîguo mamenye wendi wa Ngai.

Ntha 18:26

Nao nîmaatucagîra andû mavinda monthe. Maciira monthe mavûthû o ene nîo maatucaga. Nwatî maciira marîa manene maatwaragîrwa Musa.

Ntha 21:20

“Mûndû angîringa ngombo yake ya mûndûmûrûme kana mûndûmûka na mûragi na îkue wa rîo, mûndû ûcio nwanginya akaaverithua.

Ntha 21:22

“Arûme makîrûa mangîringa mûndûmûka arî îvu, îvu rîu riume, ethîrwa mûndûmûka ûcio ndaanagîa na mathîna mengî nî akaarîvwa nî mûndû ûcio wamûringire. Narîo îrîvi rîrîa akaaruta rîkethîrwa rîrî rîrîa mûthuuri wa mûndûmûka ûcio akaauga na rîtîkîrwe nî acirithania.

Ntha 21:28

“Ndegwa îngîkaamunda mûndûmûrûme kana mûndûmûka na mvîa na akue, ndegwa îo nîkaarivwa na mathiga îkue. Nacio nyama ciayo itikaarîwa, na mwene yo ndakaaverithua.

Ntha 22:2

“Mwîi angînyitwa akîvunja nyomba yene ûtukû na aûragwe, mûndû ûcio wamûraga ndagaatuîrwa atî nîûraganîte.

Ntha 22:8

Nwatî mwîi ûcio angîrega kûnyitîkana, mwene nyomba ûrîa ûrathithîtue indo nîakaathiî varîa vagoocagîrwa Ngai na nîakaanyua muma nîguo onanie atî ke tîmwîu indo cia mûndû ûcio wîngî.

Ezek 44:24

Kûngîgîa na ngucanio magatuithanagia ciira kûringana na watho wakwa ûrîa ûgîte. Makaarûmagîrîra mawatho ma mîthenya îrîa mîamûre kûringana na mawatho na irîra ciakwa, na mamenyagîrîre thavatû ciakwa ciîthagîrwe irî ntheru.

Hagai 2:11

Nîwamwîrire atîrî, “Îra athînjîri-Ngai matue îgûrû rîgiî ûndû ûyû:

Malaki 2:7

Wîra wa athînjîri-Ngai, nî kûthomithia andû kîrîra Kîam ma Kîam Ngai, na kûthomithia andû maûndû marîa mendaga meke; nîûndû o nîo anjaama a Ngai-Mûnene mwene vinya wonthe.

Ndari 35:11

nîmûkaathuura matûûra marîa mûndû angîthiî kwîthitha angîûraga mûndû ûrîa wîngî atakwenda.

Ndari 35:16

“Nwatî mûndû ûrîa ûkaaringa mûndû ûrîa wîngî na cuuma akue, mûndû ûcio nî mûragani na nwanginya wanake akaaûragwa.

Gûco 1:17

Mûtikathurûkanagie andû rîrîa mûkûmatuîra ciira. Thikagîrîriani ciira wa itonga na athîni ûndû ûmwe. Mûtigetigagîre mûndû, nîûndû îtua rîenyu nîrîo îtua rîa Ngai. Ciira ûrîa mûkaaremagwa nî gûtuithania, mûkaandetagîre ngaûtuithania.’

Gûco 12:11

Ngai-Mûnene Ngai wenyu nîakaathuura vandû varîa akaagoocagîrwa. Vau nîvo mûkaamûviragîra kîrîa kîonthe nîmwathîte ta: matega menyu ma kûvîvua, magongoona, icunjî cia îkûmi, matega ma kwîyendera, na indo irîa mwîranîrîte kûrî Ngai-Mûnene.

Gûco 12:14

Varîa Ngai-Mûnene akaathuura mûvîrîgarî ûmwe wa îo yenyu, nîvo mûkaarutagîra matega ma kûvîvua, na nîvo mûgeekagîra maûndû monthe marîa ngûmwatha.

Gûco 12:5

Ngai-Mûnene Ngai wenyu nîakeethuurîra vandû va kûgoocagîrwa gatagatîrî ka mîvîrîga yenyu yonthe. Vau nîvo mûkaathiîcaga kûmûgoocera.

Gûco 19:17

andû acio oîrî nîmakaathiî varîa Ngai-Mûnene akaathuura va kûgoocagîrwa nîguo matuithanue ciira nî athînjîri-Ngai na atongoria arîa makethîrwa marî wîrarî wa gûtuithania ciira vîndî îo.

Gûco 19:4

Ethîrwa mûndû wa wonthe nwa aûrage mûndû ûtarî nthû yake atakwenda, nwa aûrîre îtûûrarî rîmwe rîa mau na ethîrwe arî mûgitîre.

Gûco 21:5

Athînjîri-Ngai Alawi nîmakaathiî vau wanao, nîûndû Ngai-Mûnene Ngai wenyu amathuurîte nîguo mamûtungatagîre na marathimage andû na rîîtwa rîake. Nîmagaatuithanagia maciira monthe megiî ngarari na mbaara.

Gûco 25:1

“Ethîrwa kûrî na ngarari gatagatîrî ka Aisiraeli aîrî na oîrî mathiî îgootirî nîguo matwithanue, nake mûtwithania ciira atue atî ûmwe tî mwîvia na ûcio wîngî nî mwîvia,