Gûco 16:3 - ÎVUKU RÎA ÛVORO MWARO

³ Mîgate îrîa mûkarîcaga kîrugorî gîkî ndîkethagîrwa îkîrîtwe ndawa ya kwimbia, na mûkaarîcaga mîgate îo mîthenya mûgwanja wata ûrîa mwekire vîndî îrîa mwaumaga Misiri na îvenya. Mûgate ûyû ûgetagwa wa mathîna, nîguo mavinda marîa monthe mûgûtûûra mwoyo mûririkanage mûthenya ûrîa mwaumire Misiri.

Gûco 16:3 ပူးပေါင်းရင်းမြစ်များ

1Atha 22:27

Ûmere mamûvingîre njeera na mamûrûmagie tûirio tûnini na manjî, nginya rîrîa ngaacoka nîrî na thayû.”

Thaburi 102:9

Ndîcaga mûu ta irio, ndukanagia methori makwa na kîrîa nyunyaga,

Thaburi 111:4

Nîatûmîte maûndû make ma magegania maririkanagwe; Ngai-Mûnene nî mûtugi na arî ntha.

Thaburi 127:2

Mûrutaga wîra wa mana rîrîa mûkûramûka tene, na mûkamamaga mûrî acerere, mûkîruta wîra na vinya nîguo mwone gîa kûrîa; Ngai-Mûnene avecaga arîa endete gîa kûrîa marî toro.

Ntha 12:11

Mûkaairîa na îvenya na mwîkîrîte nguo ta andû mathiîte rûgendo. Mûkeethîrwa mwîkîrîte iratû magûrû na mûrî na mîragi yenyu njara. Gîkethîrwa kîrî kîrugo Kîam pasaka ya Ngai-Mûnene.

Ntha 12:17

Kûngûagîrani kîrugo Kîam mîgate îtarî mîkîre ndawa ya kwimbia, nîûndû mûthenya ûyû nîguo naarutire mîvîrîga yenyu vûrûri wa Misiri. Kwoguo njiarwa cienyu igaakûngûagîra kîrugo gîkî mûthenyarî ûyû.

Ntha 12:39

Maaumire Misiri na îvenya matarugîte mîgate. Nwatî nîmaakuire mûtu ûtarî mwîkîre ndawa ya kwimbia. Mûtu ûcio nîmaaûrugire mîgate.

Ntha 12:8

Ûtukû ûcio andû a Isiraeli makaarîa nyama cia tûtûrûme ivîvîtue, na irîcanîrue na manyenyi marûrû na mîgate îtarî mîkîre ndawa ya kwimbia.

Ntha 34:18

“Ririkanaga kîrugo Kîam mîgate îrîa îtekîrîtwe ndawa ya kwimbia. Wata ûrîa nakwatha, ûkaarîcaga mîgate îtekîrîtwe ndawa ya kwimbia mîthenya mûgwanja mwerirî wa Abibu. Nîûndû mwerirî wa Abibu nîguo mwaumire Misiri.

Isaia 52:12

Vîndî îno mûtikaauma kuo na îvenya, na mûtikaathiî mûvinyûrîte. Nîûndû Ngai-Mûnene nîke ûkaamûtongoreria, nake Ngai wa Isiraeli nîke ûkaamuma vuva amûgitîrîte.

Alawi 23:6

Mûthenya wa îkûmi na îtano nîguo mûthenya wa pasaka ya Ngai-Mûnene. Mûtiagîrîrwe nî kûrîa mîgate îrî na ndawa ya kwimbia îvinda rîa mîthenya mûgwanja.

Zakaria 12:10

“Njiarwa cia Daudi na andû arîa matûûraga îtûûrarî rîa Jerusalemu nîngaamecûria roho wa kwîgucanîra ntha na wa kûvoya. Nao maaroria ûrîa maamundire, nîmakaamûcakaîra ta ûrîa mûndû acakaagîra mwana wa kîmomwe, na mamûrîrîre na ûrûrû mwîngî ta wa mûndû ûkûrîrîra îrikithathi rîakua.

Ndari 28:17

Mûthenya wa îkûmi na îtano wa mweri nî wa kwambîrîria kîrugo kîrîa gîkaraga mîthenya mûgwanja. Mîthenya îo mûgwanja mûkaarîcaga mîgate îtarî mîkîre ndawa ya kwimbia.

Ndari 9:11

Nîakûngûagîre Pasaka kîvwaî Kîam mûthenya wa îkûmi na îna mweri wa kaîrî, na arîcage mîgate îtekîrîtwe ndawa ya kwimbia na amîrîcanagîrie na mîtî mîrûrû.

Luka 22:19

Nîwacokire agîoca mûgate na arîkia gûcokeria Ngai ngatho, akîwenyûranga na akînengera arutwa ake akiugaga atîrî, [“Ûyû nîguo mwîrî wakwa ûrîa ûvecanîtwe nîûndû wenyu. Îkagani ûguo nîguo mûndirikanage.”

1Akor 5:8

Kwoguo tigani tûkûngûîre kîrugo gîkî tûtarî na mîgate îrî na ndawa îno ngûrû ya kwimbia na nîo wîvia na waganu, nwatî nî na mûgate ûrugîtwe na mûtu ûrarî mwîkîre ndawa ya kwimbia ûrîa arî guo ûtheru na ûma.

Gûco 16:2

Mûkaarutagîra Ngai-Mûnene Ngai wenyu îgongoona rîa pasaka kuuma ndîthiarî yenyu ya mbûri na ng'ombe mûrî varîa Ngai-Mûnene akaathuura va kûgoocagîrwa.

Gûco 4:9

Îîmenyagîrîreni na mûtikariganîrwe nî maûndû marîa mwîyonerete na metho menyu; maririkanageni ûtûûrorî wenyu wonthe. Mamenyithanagieni kûrî ciana cienyu na kûrî ciana cia ciana cienyu.

1Ath 1:6

Nîmwegerekanirie natue na mûkîîgerekania na Mwathani. Nwatî wana ethîrwa nîmwathînîkire mûno, nîmwamûkîre ndûmîrîri îo mûrî na gîkeno kîrîa kiumaga kûrî Roho Mûtheru.

Josh 4:7

Namue nîmûkaamera atî manjî ma rûnjî rwa Jorodani nîmaagaûkanire magîtiga kûvîta rîrîa îthandûkû rîa Kîrîkanîro Kîam Ngai-Mûnene rîaringire rûnjî rwa Jorodani. Mathiga mama makethagîrwa marî kîririkano tene na tene Kîam ûrîa gwekîkire kûrî andû a Isiraeli.”