Gûco 16:21 - ÎVUKU RÎA ÛVORO MWARO

²¹ “Watumîra Ngai-Mûnene Ngai wenyu metha ya kîgongoona, ndûkaarûthe mûvuanano wa ngai ya Ashera mwenarî wayo.

Gûco 16:21 ပူးပေါင်းရင်းမြစ်များ

1Atha 14:15

Ngai-Mûnene nîakaaverithia na ainainie vûrûri wa Isiraeli, ta ûrîa kamûthanje kainainaga karî rûnjîrî. Nîakengata andû a Isiraeli kuuma vûrûrirî ûyû mwaro, ûrîa aaveere methe mao ma tene na amanyagie kûraca na Rûnjî rwa Farati nîûndû nîmarakarîtie Ngai-Mûnene na njîra ya kûrûtha mûvuanano wa Ashera, ngai ya mûndûmûka.

1Atha 16:33

Nîwacokire akîrûtha Ashera, mûvuanano wa ngai ya nga. Ahabu nîwarakaririe Ngai-Mûnene, Ngai wa Isiraeli makîria ya andû onthe arîa maarî athamaki a Isiraeli mbere yake.

2Atha 17:16

Nîmaaunire mawatho monthe ma Ngai-Mûnene Ngai wao, makîîrûthîra mîvuanano îîrî ya tûcaû twa Cuuma îrî mîrarûre. Wana nwa maarûthire mûvuanano wa ngai ya nga ya Ashera, na makagoocaga indo cionthe cia îgûrû, na magatungatîra Baali.

2Atha 21:3

Nîwatumire rîngî kûndû gwa kûgoocagîrwa ngai cia mîvuanano kûrîa îthe Hezekia aacûkangîtie; nîwatumire metha cia magongoona cia Baali na akîrûtha mûvuanano wa ngai ya nga ya Ashera, ta ûrîa Ahabu mûthamaki wa Isiraeli eekîte. Makîria ya ûguo, Manase nwa wagoocaga ciûmbe cionthe cia îgûrû na agaitungatîra.

2Atha 21:7

Nîwaigire mûvuanano wa ngai ya ngai ya Ashera hekarûrî, kûrîa Ngai-Mûnene eerîte Daudi na mûvîcî Solomoni atîrî, “Hekarûrî îno gûkû Jerusalemu, nîkuo nthurîte kuuma kûrî mîvîrîga yonthe ya Isiraeli na nîkuo ngûtûûra ngoocagîrwa.

2Maû 33:3

Nîwatumire rîngî kûndû gwa kûgoocagîrwa ngai cia mîvuanano kûrîa îthe, Hezekia oomomorete. Nîwatumire metha cia magongoona cia Baali, akîrûtha mîvuanano ya Ashera, ngai ya mûndûmûka na akîgooca ciûmbe cionthe cia îgûrû.

Ntha 34:13

Îthenya rîa ûguo, nîmûkaatharia metha ciao cia magongoona na munange itugî na mîvuano Ashera, ngai yao ya mûndûmûka.

Alawi 26:1

Ngai-Mûnene nîwerire andû a Isiraeli atîrî, “Mûtikerûthîre ngai cia mîvuanano kana mûvuanano wa îthiga rîrî riumie atî nîguo mûigoocage. Nie nînie Ngai-Mûnene, Ngai wenyu.

Gûco 7:5

Kwoguo nîmûkoomomora metha ciao cia magongoona, na munange itugî cia ngai ciao, na mûtemange mîvuanano ya Ashera, na mûvîvie mîvuanano yao ya kumua.

Atir 3:7

Aisiraeli nîmeekire maûndû macûku mbere ya Ngai-Mûnene. Nîmaariganîrwe nîke na magîtungatîra ngai cia mîvuanano cia Baali na Asherothu.