Gûco 15:5 - ÎVUKU RÎA ÛVORO MWARO

⁵ ethîrwa nîmûkûmwathîkîra na mûrûmîrîre na kinyi maûndû marîa ngûmwatha ûmûnthî.

Gûco 15:5 ပူးပေါင်းရင်းမြစ်များ

Thaburi 19:11

Nî manthomithagia nie ndungata yaku, nî monaga maûndû maro rîrîa namaathîkîra.

Gûco 15:4

“Gûtirî mûndû wanarî ûmwe gatagatîrî ka andû enyu ûkethagîrwa arî mûthîni. Ngai-Mûnene nîakaamûrathima mûrî vûrûrirî ûrîa Ngai-Mûnene Ngai wenyu akûmûva mwîgwatîre ûrî îgai rîenyu,

Gûco 15:6

Ngai-Mûnene Ngai wenyu nîakaamûrathima wata ûrîa aamwîrîre, na mûgaakombithagia mavûrûri meengî indo cienyu, nwatî mûtigaakova kîndû kuuma kûrî vûrûri wanarî ûmwe. Mûkaathaga mavûrûri meengî, na gûtirî vûrûri ûkaamwatha.

Gûco 26:14

Ndiarîa gîcunjî gîa îkûmi vîndî îrîa naacakayaga; kana nîkîruta nîrî na gîko, kana nîkîrutîra akuû. Nîmbathîkîrîte ûrîa wonthe Ngai-Mûnene, Ngai wakwa augîte, na ngeeka maûndû monthe marîa ambathîte mbîke.

Gûco 4:9

Îîmenyagîrîreni na mûtikariganîrwe nî maûndû marîa mwîyonerete na metho menyu; maririkanageni ûtûûrorî wenyu wonthe. Mamenyithanagieni kûrî ciana cienyu na kûrî ciana cia ciana cienyu.

Gûco 6:2

Mavinda monthe marîa mue na njiarwa cienyu mûgûtûûra mwoyo, mûgetigagîra Ngai-Mûnene, Ngai wenyu na mwathîkagîre irîra ciake cionthe na mawatho marîa ngûmûva, nîguo mûtûûre îvinda îraca vûrûrirî ûcio ngûmûva.

Afil 1:27

Rîu, ûndû ûrîa ûrî na vata mûno nî atî mûtûûrage ta ûrîa ûvoro mwaro wa Jesû Kristû ûmwîraga mûtûûre, nîguo wana ethîrwa nîngûka kûmwona kana ndege gûka, nîngegua atî nîmûrûngamîte mwîkindîrîtie na mwî na ngoro îmwe, na atî nîmûrarûa mûnyitanîte vamwe nîûndû wa wîtîkio wa ûvoro ûrîa mwaro.

Josh 1:7

Kwoguo gîa na vinya na ûmîrîrie na wathîkagîre watho wonthe kûringana na ûrîa Musa ndungata yakwa aakwathire. Ndûkagarûrûke na mwena wa ûrîo kana wa ûmotho ume wathorî ûcio. Na wona weka ûguo ûkavootanaga kûrîa kuonthe ûkathiîcaga.