Gûco 15:2 - ÎVUKU RÎA ÛVORO MWARO

² Mûvango ûcio wa kûrekanîra mathiirî ûkethagîrwa wîkariî û: Mûndû wa wonthe ûkovithîtie mûndû ûrîa wîngî kîndû nwanginya akaamûrekera thirî ûcio, ndagîrîrwe nî gwîtia thirî ûcio. Ngai-Mûnene nîwathanîte thirî ûcio ûrekanîrwe.

Gûco 15:2 ပူးပေါင်းရင်းမြစ်များ

Nehemia 10:31

Ethîrwa ageni nîmakaarete indo kana irio cia mûgûndarî cia kwendia mûthenya wa thavatû kana mûthenya wîngî mûtheru tûtikaaigûra. Mwakarî wa mûgwanja tûkaarekanagîra mathiirî monthe na tûtikaarîmaga mîgûnda yetû.

Isaia 58:3

Andû maraûria atîrî, “Twînyerekagia nîkî, nawe Ngai-Mûnene ndwonaga? Twîimaga irio nîkî, nawe ndûtindanagîra na ûndû ûcio?” Nake Ngai-Mûnene aramacokeria atîrî, “Mûthenya ûrîa mûrenyerekia, mûrûmagîrîra wendi wenyu tu, na mûgakinyîrîria aruti wîra enyu onthe.

Mathaayo 6:12

Twovere mevia marîa twîkîte, wata ûrîa twovagîra arîa matûvîtîrîtie.

Luka 7:42

Nake mûndû ûcio wamakovithîtie mbeca icio nîwamacamîre cio nîûndû nîmaaremirwe nî kûmûrîva. Rîu-î, gatagatîrî ka andû acio aîrî, nî ûrîkû wendire mûndû ûcio wamakovithîtie mûno makîria?”

Gûco 15:1

“Mwakarî wa mûgwanja mûkaarekagîra andû arîa onthe marî na mathiirî menyu.

Gûco 15:3

Nwa ûrandûre mûgeni kîrîa ûngîthîrwa ûmûkovithîtie, nwatî ndwagîrîrwe nî kûrandûra andû enyu.

Gûco 31:10

Nîwamaathire atîrî, “Vîndî cionthe mûthiiarî wa mwaka wa mûgwanja, rîrîa andû marekagîrwa mathiirî, na vîndî ya kîrugo gîa tûnyomba,

Jakuvu 2:13

Nîûndû Ngai ndakeegua ntha agîcirithia andû arîa mategucanagîra ntha, nwatî mûndû ûrîa wîgucanagîra ntha ndageetigîra îtuîro.