Gûco 15:11 - ÎVUKU RÎA ÛVORO MWARO

¹¹ Mûkethagîrwa mûrî na athîni vîndî cionthe vûrûrirî wenyu, kwoguo nîramwatha mûmatanavagîre.

Gûco 15:11 ပူးပေါင်းရင်းမြစ်များ

Ntha 23:11

Nwatî mwaka wa mûgwanja rekaga ûvurûke. Kîndû kîrîa kîonthe kîngîkûra kuo ndûgakethe nîguo andû enyu arîa athîni moonage gîa kûrîa. Nakîo kîrîa matigaria nyamû cia kîthaka ikarîcaga. Mûgekaga wa ûguo mîgûndarî yenyu ya mîthavibu na ya mîtamaiyû îrîa îciaraga matunda.

Nthi 19:17

Mûndû ûrîa ûvecaga mûthîni kîndû, nîta gûkovithia Ngai-Mûnene, Ngai-Mûnene nîakaamûrîva nîûndû wa ciîko ciake.

Nthi 22:2

Arîa atongu na arîa athîni megananîtue nî ûndû ûmwe, Ngai-Mûnene nîke wamaûmbire onthe.

Nthi 31:20

Nîavecaga andû arîa athîni, na nîatethagia arîa marî na ûvatari.

Ezek 18:7

ethîrwa ndavinyagîrîria mûndû wana ûrîkû, nîacokagia kîndû kîrîa eranîrîte kûrî mûndû ûrîa marî thirî nake, wana ndacuunaga andû indo ciao, nwatî nîavecaga arîa avûtu irio na arîa matarî na nguo akamava cia gwîkîra.

Mathaayo 26:11

Andû arîa athîni mûkethagîrwa nao vîndî cionthe nwatî mûtikethagîrwa nanie vîndî cionthe.

Mathaayo 5:42

Ethîrwa mûndû nwa akûvoe kîndû mûve, na ethîrwa nwa agûkove kîndû mûkovithie.

Maariko 14:7

Andû arîa athîni mûkethagîrwa nao vîndî cionthe na wa rîrîa rîonthe mûngîenda kûmatethia nwa mûmatethie. Nwatî mûtikethagîrwa nanie vîndî cionthe.

Luka 12:33

Endiani indo cionthe cienyu na mûcoke mûve athîni mbeca icio. Îîthondekereni tûveeti twa mbeca tûrîa tûtangîthira. Îigîreni mûthithû wenyu îgûrû kwa Ngai, kûrîa ûtangînyiva nîûndû gûtirî mwîi ûngîûkinyîra wana kana mûthûa ûngîûcûkia.

Johana 12:8

Mûkethagîrwa mûrî na athîni vingo cionthe nwatî mûtikethagîrwa mûrî nanie vingo cionthe.”

Ciîko 2:45

Mavinda na mavinda etîkia nîmeendagia ithaka wana indo ciao na makagaania mbeca icio kûringana na ûrîa wa mûndû aavataraga.

Gûco 15:7

“Kûngîthîrwa kûrî mûndû wenyu mûthîni îtûûrarî wanarî rîmwe vûrûrirî ûrîa Ngai-Mûnene Ngai wenyu akûmûva, mûtikathunie njara na mûrege kûmûtethia.

Gûco 15:8

Vandû va ûguo tuîkani ataana na mûmûkovithie kîrîa kîonthe angîthîrwa avatarîte.