Gûco 15:10 - ÎVUKU RÎA ÛVORO MWARO

¹⁰ Vecagani mûndû ta ûcio na ûtaana na ngoro ntheru, na Ngai-Mûnene Ngai wenyu akaamûrathimaga mawîrarî menyu monthe.

Gûco 15:10 ပူးပေါင်းရင်းမြစ်များ

Nthi 22:9

Mûndû mûtana nîarathimagwa, nîûndû nîagaanaga irio ciake na athîni.

Mûvunjia 11:1

Iga mbeca ciaku wîrarî wa kûgûra na kwendia, nîûndû vuva wa mîthenya mîîngî nîikaagîa na maciaro.

Isaia 32:8

Nwatî mûndû mûtîîku ekaga maûndû ma gîtîîo, na arûngamagîrîra ûma.

Isaia 58:10

mûvecage arîa avûtu irio, na mûvingagîrie arîa marî na mathîna mavata mao, ûtheri wenyu ûkaaraga kûrîa kûrî nduma, nakîo kîeva kîenyu kîgarûrwe gîtuîke gîkeno.

Mathaayo 25:40

Nake Mûthamaki ûcio nîakaamacokeria atîrî, ‘Nie nîramwîra nama atî, ûndû ûrîa wonthe mwekire mûndû ûrîa mûnini mûno wa ariû a îthe wetû, nî nie mwekire!’

Ciîko 20:35

Nie nînîmwonetie maûndûrî monthe atî wata ûrîa naarutaga wîra nîrî na kîîo kîîngî wa namue nwa nginya mwîkage guo nîguo mûtethagie andû arîa matarî na vinya. Nie nînîmwîrîte mûririkanage ciugo irîa Mwathani Jesû ke mwene aaugire atîrî, ‘Nîkwîthagîrwa kûrî na gîkeno makîria mûndû akîvecana gûkîra akîvewa.’ ”

Aroma 12:8

Ûrîa ûrî na kîveo gîa kûûmanîrîria, nwanginya aûmanagîrîrie. Ûrîa ûrî na kîveo gîa kûvecana indo ciake, nî avecanage na ûtaana. Mûndû ûrîa ûrî na kîveo gîa ûtongoria nî atongoragie na kîîo. Mûndû ûrîa ûrî na kîveo gîa kwîgucanîra ntha nîegucanagîre ntha akenete.

Gûco 14:19

“Mûtikarîe tûnyamû tuonthe tûrîa tûtambaga nthî na tûrî mathagu, nîûndû nî mûgiro.

Gûco 14:29

Irio ino nî cia Alawi nîûndû matiagaîrwa kûndû gwa gûtûûra gatagatîrî kenyu, ageni, ciana cia ndigwa, na aka a ndigwa arîa matûûraga matûûrarî menyu, nîguo monage gîa kûrîa makavaa. Mwîkage ûguo nîguo Ngai-Mûnene Ngai wenyu amûrathimage na akarathima wîra wenyu.

Gûco 15:18

Ndûkegue ûkîûrwa nî vinya ûkîrekereria ngombo yaku, nîûndû ngombo îo îthîrîtwe îgîgûtungatîra îvinda rîa mîaka îtandatû ûkîmîrîvaga nuthu ya mûcara wa mûndû wa kîvarûa. Kwoguo Ngai-Mûnene Ngai waku agaakûrathimagîra maûndû monthe marîa ûgekaga.

Gûco 15:4

“Gûtirî mûndû wanarî ûmwe gatagatîrî ka andû enyu ûkethagîrwa arî mûthîni. Ngai-Mûnene nîakaamûrathima mûrî vûrûrirî ûrîa Ngai-Mûnene Ngai wenyu akûmûva mwîgwatîre ûrî îgai rîenyu,

Gûco 23:20

Nwa mwîtie mûgeni maciaro ma kîrîa mûmûkovithîtie, nwatî mûtigetie Mûisiraeli ûrîa wîngî maciaro. Mwathîkîra watho ûyû Ngai-Mûnene Ngai wenyu nîakaamûrathimîra mawîra menyu monthe marîa mûkaaruta mûrî vûrûrirî ûrîa mûgaatonya mwîgwatîre.

Gûco 24:19

“Rîrîa mwaketha irio na mwatigaria imwe kûu mûgûndarî mûtigaicokere. Icio ikethagîrwa irî cia ageni, ciana cia ndigwa, na aka a ndigwa; nake Ngai-Mûnene Ngai wenyu akaarathimaga mawîra menyu monthe.

Gûco 28:8

“Ngai-Mûnene Ngai wenyu nîakaarathima mawîra menyu monthe, na atûme makûmbî menyu mecûre irio, acoke atûme mwîngîve mûrî vûrûrirî ûrîa akûmûva.

Ahib 13:16

Mûtikariganîrwe nî gwîka waro na gûtethania mûndû na ûrîa wîngî, nîûndû mama nîmo magongoona marîa makenagia Ngai.

1Pet 4:11

Mûndû ûrîa ûvunjagia nwanginya avunjagie ndûmîrîri ya Ngai, na ûrîa ûtungataga nwanginya atungatage na vinya îrîa aveetwe nî Ngai, nîguo Ngai akumague na njîra ya Jesû Kristû maûndûrî monthe marîa mûgeekaga nîûndû riiri wonthe na vinya nî ciake tene na tene. Ameni.