Gûco 14:26 - ÎVUKU RÎA ÛVORO MWARO

²⁶ Mûgaatûmagîra mbeca icio kûgûra kîrîa mûndû endaga ta: ndegwa, ng'ondu, ndivei kana njovi. Wa mûndû na nyomba yake nîmakaarîa indo icio marî mbere ya Ngai-Mûnene Ngai wenyu mûkenete.

Gûco 14:26 ပူးပေါင်းရင်းမြစ်များ

Ezira 7:22

Indo irîa angîvewa ciîthîrwe itavîtûkîtie kilo 3,400 cia sîlûva, kilo 20,000 cia ngano, lita 2,000 cia ndivei, lita 2,000 cia maguta. Naguo cumbî nîavewe wa ûrîa angîenda.

Thaburi 106:14

Marî werûrî nîmecûrirwe nî ngumba nene ya irio, na makîgeria Ngai marî kûu werûrî.

Mûvunjia 9:7

Thiî ûkarîe irio ciaku ûkenete na ûnyue ndivei yaku ûcanjamûkîte, nîûndû Ngai nîetîkîrîte wîra waku.

Mathaayo 21:12

Nake Jesû nîwatonyire hekarûrî na akîrutûrûra arîa onthe meendagia wa vamwe na arîa onthe maagûraga. Ke nîwang'aûranirie metha cia arîa maakûrananagia mbeca, na itî cia arîa meendagia ndutuura.

Maariko 11:15

Rîrîa Jesû na arutwa ake maakinyire Jerusalemu, Jesû nîwatonyire hekarûrî na akîambîrîria kûrutûrûra andû onthe arîa meendagia, wana arîa maagûraga. Nîwang'aûranirie metha cia andû arîa maakûrananagia mbeca wana itî cia andû arîa meendagia ndutuura.

1Akor 10:6

Maûndû mau monthe meekîkire nîguo matuîke kîonereria kûrî tue gîa gûtûkaania atî tûtikeriragîrie maûndû macûku ta ûrîa mekire,

Gûco 12:12

Nîmûgaakena mûrî mbere ya Ngai-Mûnene Ngai wenyu, mue, ciana cienyu, ndungata cienyu cia arûme na cia aka, na Mûlawi ûrîa ûrî îtûûrarî rîenyu, nîûndû tîmûgaîre kûndû gwa gûtûûra ta mue.

Gûco 12:15

“Nwatî nwa mûthînje na mûkarîa nyama cia nyamû cienyu mûrî îtûûrarî rîenyu wa rîonthe. Nwa mûrîe nyamû nyîngî wata ûrîa mûngîvota kûringana na ûrîa Ngai-Mûnene Ngai wenyu amûrathimîte. Andû onthe arîa atheru na matarî atheru, nwa marîe nyama icio wata ûrîa mangîrîa nyama cia nthiia kana ngûrûngû.

Gûco 12:18

Nwatî mue, ciana cienyu, vamwe na ndungata cienyu cia arûme na cia aka, na Alawi arîa matûûraga matûûrarî menyu, mûkaarîcagîra matega mbere ya Ngai-Mûnene Ngai wenyu mûrî varîa Ngai-Mûnene Ngai wenyu akaathuura va kûgoocagîrwa na nî mûgaakenaga mûgîka maûndû monthe mûrî mbere ya Ngai-Mûnene Ngai wenyu.

Gûco 12:7

Mûrî vau mbere ya Ngai-Mûnene Ngai wenyu, mûkaarîcaga na mûgakena mûrî vamwe na andû a mîciî yenyu nîûndû wa maûndû monthe marîa Ngai-Mûnene Ngai wenyu amûrathimîte namo.

Gûco 14:25

endagiani gîcunjî kîu gîa îkûmi mûkînavira mbeca varîa Ngai-Mûnene Ngai wenyu akaathuura va kûgoocagîrwa.

Gûco 26:11

Nîûgaakena nîûndû wa indo cionthe mbaro irîa Ngai-Mûnene, Ngai waku akûvete vamwe na andû a mûciî waku. Wanao Alawi na ageni arîa mûtûûranagia nao nîmagaakena.