Gûco 14:21 - ÎVUKU RÎA ÛVORO MWARO

²¹ “Mûtikarîe nyamû wa yonthe îkuîte mûvûvû. Nwatî nwa mûmîve ageni arîa matûûraga matûûrarî menyu mamîrîe, kana ageni arîa mavîtûkîte, nîûndû mue mûrî andû amûre a Ngai-Mûnene Ngai wenyu. “Mûtikaruge koori na îriia rîa ng'ina.

Gûco 14:21 ပူးပေါင်းရင်းမြစ်များ

Ntha 19:6

andû nyamûrîrîtwe na mûndungatagîre mûrî athînjîri-Ngai.”

Ntha 22:30

Ûkaamvecaga îrikithathi rîaku rîa ng'ombe, na rîa ng'ondu. Ûkaarekaga marikithathi ma njamba mekare na ng'ina mîthenya mûgwanja na mûthenya wa kanana ûkîndutîra mo.

Ntha 23:19

“Retageni nyombarî ya Ngai-Mûnene, Ngai wenyu maketha marîa maro ma mbere ma irio cia mîgûnda yenyu. “Ndûkaruge koori ka mbûri kana ka ng'ondu na îriia rîa ng'ina.

Ntha 34:26

“Mwaka wa mwaka mûretage nyombarî ya Ngai-Mûnene irio cia mbere cia maketha ma mîgûnda. “Mûtikaaruge koori ka mbûri kana kagondu na îria rîa ng'ina.”

Ezek 4:14

Nînacokire ngiuga atîrî, “We Ngai-Mûnene! Nie ndianegwatia mûgiro; kuuma nîrî mûnini ndiarîa nyama cia nyamû îkuîte mûvûvû kana yûragîtwe nî nyamû ya kîthaka, wana kana ndîa nyama cia nyamû îrî mûgiro.”

Ezek 44:31

Athînjîri-Ngai matiagîrîrwe nî kûrîa nyama cia gîconi kana cia nyamû wa yonthe îkuîte yo mene kana yûragîtwe nî nyamû îngî.”

Danieli 12:7

Mûndû ûcio wekarîte mwena wa îgûrû wa rûnjî ekîrîte nguo mbaro, nîwaûkîrîrie njara ciake cioîrî na îgûrû. Nînaacokire ngîgua akîîvîta na rîîtwa rîa ûrîa ûtûûraga tene na tene akiuga atî, ‘Nî kavinda ka mîaka îthatû na nuthu. Vîndî îo andû arîa atheru a Ngai nîmagaatiga kûnyamarua na nîrîo maûndû monthe makethîrwa makîvinga.’

Danieli 8:24

Ke nîakaagîa na vinya mûno. Nwatî tî ûvoti wake ke mwene. Nîagaacûkangia maûndû meengî na manene, na avootanage maûndûrî marîa ageekaga. Nîagaacûkangia andû arîa marî îgweta vamwe na andû a Ngai.

Alawi 11:40

Nake mûndû ûrîa ûkaarîa nyama cia kimba kîu, nwanginya akaathambia nguo ciake, nwatî akethîrwa arî mûgiro nginya kîvwaî; mûndû wa wonthe ûgaakuua kimba nwanginya akaathambia nguo ciake, nwatî akethîrwa arî mûgiro nginya kîvwaî.

Alawi 17:15

“Mûndû wa wonthe, wana ethîrwa arî Mûisiraeli kana mûgeni, ûrîa ûkaarîa nyama ya nyamû îkuîte mûvûvû kana yûragîtwe nî nyamû cia kîthaka, nwanginya akaathambia nguo ciake, ethambie, na ekare atarî mûtheru nginya kîvwaî. Vuva wa ûguo, nîakaathera.

Alawi 22:8

Mûthînjîri-Ngai ndagîrîrwe nî kwîgwatia gîko na njîra ya kûrîa nyama cia nyamû wa yonthe îkuîte mûvûvû kana yûragîtwe nî nyamû cia kîthaka. Nyamû ta icio nwa imûgwatie gîko. Nie nînie Ngai-Mûnene.

Ciîko 15:20

Vandû va ûguo, tue nîtwagîrîrwe nî kwandîka maarûa kûrî o tûmere maûndû mama. Matikarîcage irio irîa irî na mûgiro nîûndû nîciîthagîrwa itegeretwe mîvuanano: matigekage ciîko cia ûmaraa: matikarîcage nyama cia nyamû irîa ciîthagîrwa ithioretwe ngingo itagwîtûrûra nthakame; na matikaarîcage nthakame.

Aroma 12:2

Mûtikagarûrûke atî nîguo mwîkare ta andû a gûkû nthî, nwatî îtîkîrani Ngai agarûre meciria menyu viû nîguo matuîke macerû. Mweka ûguo mûkaavotaga kûmenya wendi wa Ngai. Mûkaavotaga kûmenya ûndû ûrîa mwaro na ûngîmûkenia na ûrîa mûkinyanîru.

Gûco 14:2

Mue mûrî andû atheru a Ngai-Mûnene Ngai wenyu, na amwamûrîte gatagatîrî ka mavûrûri marîa mengî monthe ma nthî nîguo mûtuîke andû ake kîûmbe.

Gûco 14:20

Nwatî nwa mûrîe tûnyamû tuonthe tûrî mathagu na tûtheru.

Gûco 7:6

Mue mûrî rûrîrî rûtheru rwa Ngai-Mûnene, Ngai wenyu. Ngai-Mûnene, Ngai wenyu aamûthuurire gatagatîrî ka andû onthe a nthî mûtuîke andû ake kîûmbe.

1Pet 1:16

Mandîko matheru maugaga atîrî, “Tuîkani andû atheru, nîûndû wananie nîrî mûtheru.”