Gûco 13:3 - ÎVUKU RÎA ÛVORO MWARO

³ mûtikathikîrîrie mûrathi ûcio kana mûroti ûcio, nîûndû Ngai-Mûnene Ngai wenyu nîke ûramûgeria nîguo amenye kana nîmûmwendete na ngoro yonthe na mwoyo wonthe.

Gûco 13:3 ပူးပေါင်းရင်းမြစ်များ

1Atha 13:19

Kwoguo mûndû ûcio wa Ngai nîmaacokire mûciî marî na mûrathi ûcio mûkûrû na makîrîa na makînyunyanîra nake.

Thaburi 119:2

Kûrathimwa nî arîa marûmagîrîra kîrîra gîake, arîa mamûcaragia na ngoro ciao cionthe;

Thaburi 66:10

We Ngai, nîûtûthimîte; nîûtûgeretie ta ûrîa sîlûva îtheragua na mwaki.

Thaburi 81:7

Vîndî îrîa mwarî mathînarî nîmwangaîre na ngîmûvonokia. Naamûcokerie nîîthithîte mûgamborî wa ngwa. Naamûgererie manjîrî ma Meriba.

Ntha 20:20

Nake Musa nîwerire andû a Isiraeli atîrî, “Tigani kwîgua guoya, nîûndû Ngai aûkîte kûmûgeria na atûme mûmwathîkagîre nîguo mûtikevie.”

Isaia 8:20

Mûgaacokeria andû acio atîrî, “Thikîrîriani ûrîa Ngai-Mûnene aramûthomithia! Mûtikathikîrîrie ago, nîûndû matiaragia ûma.”

Mathaayo 24:24

Nîûndû Mesaya a maveeni na arathi a maveeni nîmakeyumîria. Nîmakoonania ciama na morirû nîguo mangîvota mavîtithie andû arîa Ngai ethuurîrîte.

Ciîko 17:11

Ayahudi arîa maarî Berea nîmeendaga kûmenya maûndû gûkîra arîa maarî Thesalonike. Nao nîmaathikîrîrie ndûmîrîri îo marî na wendi mwîngî, na wa mûthenya wa mûthenya nîmaatuîragia Mandîkorî Matheru nîguo mone kana maûndû marîa Paûlo aaragia maarî ma ma.

1Akor 11:19

(Gûtirî na nganja atî nwa nginya kûgîe na ngaûkano gatagatîrî kenyu nîguo mûndû avotage kwona cararûkû arîa evokeku gatagatîrî kenyu.)

2Akor 8:8

Nie ndiramwîra ûguo takwa nîramwatha. Nwatî na njîra ya ûrîa arîa engî mendete gûtethia, nîrenda kûmenya ûrîa wendo wenyu wana guo ûrî wa ma.

Aefeso 4:14

Tûtigaacoka gûtuîka ta ciana irîa cikanagua na mbere na igaikanua na vuva na ikaveenererua nî arimû a maveeni a mîthemba yonthe. Acio nîo mavîtithagia andû arîa engî nîûndû wa mawara marîa matungîte.

Gûco 6:5

Endani Ngai-Mûnene, Ngai wenyu na ngoro yonthe na mwoyo wonthe, na vinya wenyu wonthe.

Gûco 8:16

Kûu werûrî nîwamûvere mana mûrîe, irio irîa methe menyu matanarûma. Nîwatûmire mwînyivie na akîmûgeria, nîguo mûthiiarî amûrathime na indo mbaro.

Gûco 8:2

Ririkanani ûrîa Ngai-Mûnene aamûtongoririe rûgendo rûraca werûrî kavinda ka mîaka mîrongo îna. Nîwatûmire mwînyivie, akîmûgeria nîguo amenye kîrîa kîrî ngororî cienyu, na amenye kana nîmûkaathîkîra maathani make kana mûtikaamathîkîra.

2Ath 2:11

Nîûndû wa ûguo Ngai nîatûmaga maveeneke nîguo metîkie maûndû ma maveeni.

1Joh 2:19

Andû aya nama matiarî a gîkundi gîetû, kwoguo nîmaatûtigire. Maangîethîrwe marî a gîkundi gîetû nîmangîekaranirie natue. Nwatî nîmaatûtigire nîguo kûonekane waro atî matiarî etû.

1Joh 4:1

Arata akwa, mûtigetîkagie andû onthe arîa maugaga atî marî na Roho. Nwatî ambagani mûkamaroria waro nîguo mûmenye kana roho ûrîa marî naguo umîte kûrî Ngai nîûndû kûrî na arathi eengî a maveeni meyumîrîtie gûkû nthî.

1Joh 4:4

Nwatî mue ciana ciakwa mûrî a Ngai, na nîmûvootete arathi a maveeni. Nîûndû Roho ûrîa mûrî naguo ûrî na vinya gûkîra roho ûrîa wîthagîrwa ûrî gûkû nthî.

Kûguû 13:14

Nayo nîyavenirie andû onthe na njîra ya ciama irîa yaringire îrî mbere ya nyamû îrîa ya mbere. Nyamû îo ya kaîrî nîyathanire andû matume mûviano wa nyamû îrîa ya mbere îrî njîra ya kûmîva gîtîîo. Nyamû îo nî yagurarîtue na rûviû, nwatî yarî mwoyo.

Atir 2:22

Ngaavûthîra ndûrîrî icio kûgeria Aisiraeli nîguo menye kana makambathîkagîra ta ûrîa methe mao ma tene meekaga.”

1Sam 26:19

Mwathi wakwa, rîu thikîrîria ûrîa ndungata yaku îkuga. Ethîrwa nî Ngai-Mûnene ûtûmîte wende kûmbûraga, nînîmûrutîra îtega nîguo agarûre îtua rîake. Nwatî ethîrwa nî andû matûmîte, Ngai-Mûnene arotûma magwatwe nî kîrumi nîûndû nîmamîngatîte ngauma îgairî rîrîa Ngai-Mûnene aatûveere na makiuga atî, ‘Thiî ûgatungatîre ngai ng'eni.’