Gûco 13:18 - ÎVUKU RÎA ÛVORO MWARO

¹⁸ ethîrwa mûkaathîkagîra maûndû marîa amwathîte, mûkîvingagia maathani ma Ngai-Mûnene Ngai wenyu monthe marîa ngûmwatha ûmûnthî na mwîkage ûrîa endaga.

Gûco 13:18 ပူးပေါင်းရင်းမြစ်များ

Kîam 22:17

Nama nîngaakûrathima na njiarwa nyîngî ta njata cia îgûrû kana ta mûthanga ûrîa ûrî rûtererî rwa îria. Njiarwa ciaku nîikaavoota nthû ciao.

Thaburi 119:6

Nîngîrûmîrîra maathani maku monthe, ndigaacoka gûconorithua.

Mathaayo 6:33

Nwatî ambani mûcarie Ûthamaki wa Ngai na ûthingu wake, nake nî akaamûva indo icio ciîngî cionthe.

Mathaayo 7:21

“Tî mûndû wa wonthe ûmbîtaga ‘Mwathani, Mwathani’ ûgaatonya Ûthamakirî wa îgûrû, nwatî nî andû arîa tu mekaga wendi wa Vava ûrîa wî îgûrû.

Mathaayo 7:24

“Kwoguo mûndû wa wonthe ûrîa wîgucaga ciugo ino ciakwa na agaciathîkîra ekariî ta mûndû mûûgî ûrîa watumire nyomba yake rûciararî.

Gûco 12:25

Mûtikarîe nthakame nîguo maûndû menyu na ma njiarwa cienyu makaavua nîûndû mûkeethîrwa mûvingîtie ûrîa Ngai-Mûnene endaga.

Gûco 12:28

Menyererani mûno kwathîkagîra maûndû monthe marîa ngûmwatha, nîguo maûndû menyu na ma njiarwa cienyu matûûre marî maro, nîûndû mûkeethagîrwa mûvingîtie ûrîa Ngai-Mûnene Ngai wenyu athanîte.

Gûco 12:32

“Menyagîrîrani mwîkage maûndû monthe marîa ngûmwatha; mûtikongerere kana mûrute wanarî ûndû.

Gûco 13:17

Mûtikeigîre kîndû wanarî kîmwe Kîam irîa ciathanirwe icûkangue, nîguo Ngai-Mûnene athirwe nî marakara. Nîagaacoka amwîguîre ntha na atûme mwîngîve wata ûrîa eerîre methe menyu,

Gûco 14:1

“Mue mûrî ciana cia Ngai-Mûnene Ngai wenyu. Kwoguo vîndî îrîa mûgûcakaya mûtigatemange mîîrî yenyu kana mwenje mwena wa mbere wa ciongo cienyu nîûndû wa mûndû ûrîa ûkuîte, ta ûrîa andû a mavûrûri marîa mengî mekaga.

Gûco 7:26

Mûtikavire ngai icio cia mûvuanano mîciîrî yenyu, nîguo mûtikarumwe ta cio. Nwanginya mûmene na mûnyarare ngai icio cia mîvuanano, nîûndû nî nume nî Ngai-Mûnene.

Josh 7:26

Nîmaacokire makîmwigîrîra mathiga mengî mûno na nîmatûûraga vo wana ûmûnthî. Kîu nîkîo gîatûmire vandû vau vetagwe Kîamnda Kîam Akori nginya ûmûnthî. Nake Ngai-Mûnene nîwathirirwe nî marakara.