Gûco 12:7 - ÎVUKU RÎA ÛVORO MWARO

⁷ Mûrî vau mbere ya Ngai-Mûnene Ngai wenyu, mûkaarîcaga na mûgakena mûrî vamwe na andû a mîciî yenyu nîûndû wa maûndû monthe marîa Ngai-Mûnene Ngai wenyu amûrathimîte namo.

Gûco 12:7 ပူးပေါင်းရင်းမြစ်များ

1Maû 29:22

Kwoguo mûthenya ûcio andû nîmaarîre na makînyua makenete mûno marî mbere ya Ngai-Mûnene. Nîmaacokire magîtua Solomoni mûvîcî wa Daudi mûthamaki riita rîa kaîrî. Nîmeetîrîrie Solomoni maguta mbere ya Ngai-Mûnene makîmûtua mwathi wao na Zadoku agîtuîka mûthînjîri-Ngai.

Nehemia 8:9

Rîrîa andû onthe meegwire ûrîa watho waugire nîmaambîrîrie kûrîra. Nehemia ûrîa warî mûnene, Ezira mûthînjîri-Ngai na mwandîki, na Alawi arîa maathomithagia andû watho nîmaacokire makîra andû onthe atîrî, “Ûmûnthî nî mûthenya mûtheru wa Ngai-Mûnene, Ngai wenyu. Kwoguo mûtikaarîre kana mwîgue kîeva.

Mûvunjia 3:12

Kwoguo nînaamenyire atî ûndû ûrîa mwaro mûndû angîka nî gûkena na gwîkenia ûtûûrorî wake wonthe.

Mûvunjia 3:13

Andû magîrîrwe nî kûrîa na kûnyua na gwîkenia na indo irîa macarîtie nîûndû indo icio nî Ngai ûmavete.

Mûvunjia 5:18

Ûndû ûrîa monete ûrî mwagîrîru na mwaro wa gwîka, nî kûrîa na kûnyua na gwîkenia na indo cionthe irîa mûndû arutîrîte wîra kavinda kanini karîa mûndû agûtûûra gûkû nthî, nîûndû ûguo nîguo Ngai aamûvangîre.

Isaia 23:18

Mbeca irîa rîkaagîa nacio ikaamûrîrwa Ngai-Mûnene. Mbeca icio itikaigwa, nwatî nîigaatûmîrwa nî arîa magoocaga Ngai-Mûnene kûgûra irio nyîngî na nguo mbaro.

Isaia 62:9

Nwatî mue mwaikethire nîmue mûkaairîcaga, na mûngumagie, nie Ngai-Mûnene. Namue arîa mûvivaga ndivei îo, nîmue mûkaamînyunyaga mûrî ivaarorî cia hekarû yakwa.”

Ezek 44:3

Mûnene ûrîa ûrathana nwa atonye athiî akarîe irio irîa nyamûre mbere ya Ngai-Mûnene. Agaatonyera na akaumîrîra mûrangorî ûrîa ûrî kanyombarî ga gûtonya hekarûrî.”

Joeli 1:16

Irio cietû nî njûkangie, gûtirî na gîkeno nyombarî ya Ngai.

Joeli 2:26

Nîmûrîa irio nyîngî na mwîganie, na mûkumie Ngai-Mûnene, Ngai wenyu, ûrîa wîkîte maûndû ma kûmakania kûrî mue, andû akwa matigaaconorithua rîngî.

Alawi 23:40

Mûthenya wa mbere, nîmûgooca matunda marîa maro mûno kuuma mîtîrî yenyu ya matunda, mvûa cia mîtî ya mîkîndû, mvûa cia mîtî îrîa îrî mathangû meengî, na cia tûmîtî tûrîa tûrî maûa tûmeraga tûrûnjîrî na mûgaakumia Ngai-Mûnene, Ngai wenyu îvinda rîa mîthenya mûgwanja.

Malaki 2:13

Îgûrû rîa maûndû mau monthe, nîmûconjoretie metha ya kîgongoona ya Ngai-Mûnene na methori, mûkîrîra mûgîcaaga nîûndû ndatindanagîra na magongoona menyu, kana amamûkîra.

Ciîko 2:46

Na wa mûthenya wa mûthenya etîkia nîmaatûnganaga vamwe hekarûrî. Nîmaarîcanagîra marî vamwe kwao mîciî makenete na marî na ûtaana.

Gûco 12:12

Nîmûgaakena mûrî mbere ya Ngai-Mûnene Ngai wenyu, mue, ciana cienyu, ndungata cienyu cia arûme na cia aka, na Mûlawi ûrîa ûrî îtûûrarî rîenyu, nîûndû tîmûgaîre kûndû gwa gûtûûra ta mue.

Gûco 12:18

Nwatî mue, ciana cienyu, vamwe na ndungata cienyu cia arûme na cia aka, na Alawi arîa matûûraga matûûrarî menyu, mûkaarîcagîra matega mbere ya Ngai-Mûnene Ngai wenyu mûrî varîa Ngai-Mûnene Ngai wenyu akaathuura va kûgoocagîrwa na nî mûgaakenaga mûgîka maûndû monthe mûrî mbere ya Ngai-Mûnene Ngai wenyu.

Gûco 12:8

“Mûtigeeka maûndû ta ûrîa tûrameka rîu rîrîa îvinda rîu rîgaakinya, nîûndû wa mûndû areka wa ûrîa akwona kwagîrîrîte,

Gûco 14:23

Thiîcagani vandû varîa Ngai-Mûnene Ngai wenyu akaathuura va kûgoocagîrwa na mûrîcagîre gîcunjî kîu gîa îkûmi Kîam ngano, ndivei, maguta ma ndamaiyû na marikithathi ma ng'ombe na ma ng'ondu cienyu mûrî vau mbere yake. Îkagani ûguo nîguo mwîrute gûtîîaga Ngai-Mûnene Ngai wenyu vîndî cionthe.

Gûco 14:26

Mûgaatûmagîra mbeca icio kûgûra kîrîa mûndû endaga ta: ndegwa, ng'ondu, ndivei kana njovi. Wa mûndû na nyomba yake nîmakaarîa indo icio marî mbere ya Ngai-Mûnene Ngai wenyu mûkenete.

Gûco 15:20

Wa mûndû na mûciî wake mûkaarîcagîra marikithathi mau mbere ya Ngai-Mûnene Ngai wenyu wa mwaka, mûrî vandû varîa Ngai-Mûnene akaathuura va kûgoocagîrwa.

Gûco 26:11

Nîûgaakena nîûndû wa indo cionthe mbaro irîa Ngai-Mûnene, Ngai waku akûvete vamwe na andû a mûciî waku. Wanao Alawi na ageni arîa mûtûûranagia nao nîmagaakena.

Gûco 27:7

Vau nîvo mûkaarutîra Ngai-Mûnene, Ngai wenyu magongoona ma thayû na mûmarîîre vo mûkenete.

Gûco 28:47

Ngai-Mûnene Ngai wenyu nîwamûrathimire na indo nyîngî, nwatî mûtiamûtungatîra mûkenete na mûrî na ngoro ntheru.

Afil 4:4

Îkaragani mûkenete mûrî ûrûmwe na Mwathani vîndî cionthe. Na nîngûmwîra rîngî atî mwîkarage mûkenete.