Gûco 12:18 - ÎVUKU RÎA ÛVORO MWARO

¹⁸ Nwatî mue, ciana cienyu, vamwe na ndungata cienyu cia arûme na cia aka, na Alawi arîa matûûraga matûûrarî menyu, mûkaarîcagîra matega mbere ya Ngai-Mûnene Ngai wenyu mûrî varîa Ngai-Mûnene Ngai wenyu akaathuura va kûgoocagîrwa na nî mûgaakenaga mûgîka maûndû monthe mûrî mbere ya Ngai-Mûnene Ngai wenyu.

Gûco 12:18 ပူးပေါင်းရင်းမြစ်များ

Thaburi 32:11

Mue andû arîa athingu, kenani na mûcanjamûke, nîûndû wa ûrîa Ngai-Mûnene ekîte. Mue arîa mûmwathîkagîra, ugîrîriani mûkenete!

Thaburi 68:3

Nwatî andû arîa athingu nîmakenaga marî mbere ya Ngai; macanjamûkaga na makaina marî na gîkeno.

Nthi 3:17

Njîra cia ûûgî nîikenagia mûndû, na cierekagîra kûrîa kûrî thayû.

Mûvunjia 3:12

Kwoguo nînaamenyire atî ûndû ûrîa mwaro mûndû angîka nî gûkena na gwîkenia ûtûûrorî wake wonthe.

Mûvunjia 5:18

Ûndû ûrîa monete ûrî mwagîrîru na mwaro wa gwîka, nî kûrîa na kûnyua na gwîkenia na indo cionthe irîa mûndû arutîrîte wîra kavinda kanini karîa mûndû agûtûûra gûkû nthî, nîûndû ûguo nîguo Ngai aamûvangîre.

Isaia 12:3

Nîûgaatava manjî ûkenete, kuuma ithimarî cia ûvonokio.”

Ciîko 16:34

Na vuva wa ûguo mûrangîri ûcio wa njeera nîwavirire Paûlo na Sailasi gwake mûciî, na akîmava irio. Nake mûrangîri wa njeera vamwe na andû ake nîmecûrirwe nî gîkeno nîûndû o nîmeetîkîtie Ngai.

Ciîko 2:46

Na wa mûthenya wa mûthenya etîkia nîmaatûnganaga vamwe hekarûrî. Nîmaarîcanagîra marî vamwe kwao mîciî makenete na marî na ûtaana.

1Akor 10:31

Kwoguo ûndû wa wonthe mwîkaga ethîrwa nî kûrîa kana nî kûnyua, îkagani nîguo mûgoocithie Ngai.

Agal 5:22

Nwatî Roho ûciaraga wendani, gîkeno, thayû, gûkirîrîria, gwîkana waro, gûtugana, kwîvokeka,

Gûco 12:14

Varîa Ngai-Mûnene akaathuura mûvîrîgarî ûmwe wa îo yenyu, nîvo mûkaarutagîra matega ma kûvîvua, na nîvo mûgeekagîra maûndû monthe marîa ngûmwatha.

Gûco 12:19

Menyagîrîrani mûtigatiganagîrie Alawi mavinda monthe marîa mûgûtûûra vûrûrirî wenyu.

Gûco 12:5

Ngai-Mûnene Ngai wenyu nîakeethuurîra vandû va kûgoocagîrwa gatagatîrî ka mîvîrîga yenyu yonthe. Vau nîvo mûkaathiîcaga kûmûgoocera.

Gûco 12:7

Mûrî vau mbere ya Ngai-Mûnene Ngai wenyu, mûkaarîcaga na mûgakena mûrî vamwe na andû a mîciî yenyu nîûndû wa maûndû monthe marîa Ngai-Mûnene Ngai wenyu amûrathimîte namo.

Gûco 14:23

Thiîcagani vandû varîa Ngai-Mûnene Ngai wenyu akaathuura va kûgoocagîrwa na mûrîcagîre gîcunjî kîu gîa îkûmi Kîam ngano, ndivei, maguta ma ndamaiyû na marikithathi ma ng'ombe na ma ng'ondu cienyu mûrî vau mbere yake. Îkagani ûguo nîguo mwîrute gûtîîaga Ngai-Mûnene Ngai wenyu vîndî cionthe.

Gûco 15:20

Wa mûndû na mûciî wake mûkaarîcagîra marikithathi mau mbere ya Ngai-Mûnene Ngai wenyu wa mwaka, mûrî vandû varîa Ngai-Mûnene akaathuura va kûgoocagîrwa.

1Sam 1:4

Mûthenya ûrîa Elikana aarutaga kîgongoona, nîwavecaga mûka, Penina icunjî cia nyama. Nîwavecaga ciana cia Penina wanacio.