Gûco 12:10 - ÎVUKU RÎA ÛVORO MWARO

¹⁰ Nwatî rîrîa mûkaaringa rûnjî rwa Jorodani mûkinye vûrûrirî ûrîa Ngai-Mûnene Ngai wenyu akûmûva ûtuîke wenyu, nîakaamûva ûvurûko na amûgitîre kuuma kûrî nthû cienyu irîa ikeethîrwa imûthiûrûrûkîrîtie na nîmûgaatûûra na thayû.

Gûco 12:10 ပူးပေါင်းရင်းမြစ်များ

1Atha 4:25

Vîndî îrîa yonthe Solomoni aarî mwoyo, andû a Juda na a Isiraeli kuuma Dani kûthiî nginya Beerisheba maatûûraga na thayû, wa mûndû arî na mîthavibu na mîkûyû yake.

1Atha 8:56

“Ngai-Mûnene arokumua, ûcio ûveete andû ake a Isiraeli thayû wata ûrîa aameerîre. Nîavingîtie ciîranîro ciake cionthe mbaro irîa eeranîre na njîra ya ndungata yake Musa.

1Maû 22:18

“Ngai-Mûnene, Ngai wenyu ethîrîtwe namue na nîamûvete thayû mîena yonthe. Nîamvotithîtie kûvoota andû onthe arîa maatûûraga vûrûri ûyû, na rîu vûrûri ûyû ûrî njararî cia Ngai na cia andû ake.

Thaburi 4:8

Mamaga ûrîrî na nganyitwa nî toro nîrî na thayû, nîûndû we Ngai-Mûnene, nîwe wenga tu ûngitagîra.

Ntha 33:14

Nake Ngai-Mûnene nîwamûcokerie atîrî, “Nîmbîthîrwa nawe, na ngaatûma ûgîe na thayû.”

Nthi 1:33

Nwatî ûrîa ûnthikagîrîria ekaraga arî na thayû, ekaraga atarî na guoya, na atagwîtigîra maûndû macûku.”

Jeremia 23:6

Îvindarî rîake andû a Juda nîmakavonokua, nao andû a Isiraeli matûûre marî na thayû. Agetagwa, ‘Ngai-Mûnene nîke ûthingu wetû.’

Jeremia 32:37

nîngaûngania andû onthe kuuma mavûrûrirî monthe kûrîa namanyaganirie nîûndû wa marakara na mang'ûrîka makwa. Nîngamacokia gûkû na ndûme matûûre kuo marî agitîre.

Jeremia 33:11

andû makiugîrîria macanjamûkîte nî gûkena, andû makiugîrîria marî kîrugorî Kîam ûviki. Nîmûkegua andû makina makenete makîrete maketha ma gûcokia ngatho hekarûrî ya Ngai-Mûnene makiugaga, ‘Kumiani Ngai-Mûnene mwene vinya wonthe, nîûndû nî mwaro, nîûndû wendo wake ûtathiraga nîwa tene na tene.’ Nîngatûma vûrûri ûyû ûgîe na maûndû maro wata ûrîa wekariî mbere. Ûguo nîguo nie Ngai-Mûnene nîrauga.”

Ezek 28:26

Nîmagaatûûra kuo marî agitîre. Nîmagaatuma nyomba kuo na mavande mîtî ya mîthavibu. Magaatûûra marî agitîre nîûndû nîngaaverithia mavûrûri marîa mariganîtie nao marîa maamavinyagîrîria. Na nîmakaamenya atî nie nînie Ngai-Mûnene Ngai wao.”

Ezek 34:25

Nîngaarûtha kîrîkanîro Kîam thayû nacio. Nîngaaruta nyamû cia kîthaka kuuma vûrûrirî nîguo ng'ondu ciakwa itûûre irî ngitîre kûu werûrî na imamage mûtitûrî.

Ezek 34:28

Itigaatavwa nî ndûrîrî ciîngî, kana ciûragwa kana irîwa nî nyamû cia kîthaka. Igaatûûra irî ngitîre na itakûmakua nî kîndû.

Ezek 38:11

ûkiugaga atî, ‘Nîngûtharîkîra vûrûri ûrîa ûrî na icagi itarî ngitîre na rûthingo kûrîa andû matûûraga marî na thayû. Andû a kûu matûûraga icagirî itarî mbirigîre na itarî na mîrango ya kûvinga.’

Ezek 38:8

Vuva wa mîaka mîîngî nîûgetwa ûthiî ûkatharîkîre vûrûri kûrîa andû maaretirwe vamwe kuuma mavûrûrirî mengî na matûûraga matarî na guoya wa mbaara. Nîûkaatharîkîra irîma cia Isiraeli irîa mbererî ciarî werû na maganjo vandû va kavinda karaca, nwatî rîu andû onthe matûûraga marî agitîre.

Gûco 11:31

Rîu mûrî vakuvî kûringa rûnjî rwa Jorodani mûthiîte kwîgwatîra vûrûri ûrîa Ngai-Mûnene Ngai wenyu akûmûva. Mwegwatîra vûrûri ûcio na mûtûûre kuo,

Gûco 3:27

Unûkia ûthiî kîrîmarî Kîam Pisiga îgûrû, ûcoke ûrorie mwena wa îthûîro, wa rûgûrû, wa îveti na wa îrathîro; ûrorie waro na metho maku, nîûndû ndûkaaringa Jorodani ûthiî vûrûrirî ûcio.

Gûco 33:12

Ûvoro wîgiî mûvîrîga wa Benjamini nîwaugire atîrî, “Ûyû nîguo mûvîrîga ûrîa Ngai-Mûnene endete, ke ekaraga aûgitîrîte, ekaraga aûrigicîrîtie vîndî cionthe, na atûûranagia nao vîndî cionthe.”

Gûco 33:28

Kwoguo andû a Isiraeli matûûraga marî na thayû, njiarwa cia Jakovu itûûraga itarî na thîna, vûrûrirî wîcûrîte ngano na ndivei, kûrîa mbura yuraga kuuma îgûrû.

Gûco 4:22

Nie ngaakuîra vûrûrirî ûyû, ndikaaringa rûnjî rwa Jorodani, nwatî mue nîmûkaaringa mûthiî mûkegwatîre vûrûri ûcio mwaro ûtuîke wenyu.

Gûco 9:1

“Tathikîrîriani, mue andû a Isiraeli! Ûmûnthî mûrî vakuvî kûringa Jorodani mûkegwatîre mavûrûri manene na marî na vinya kûrî mue. Matûûra ma mavûrûri mau nî manene na nîmaairigîre na nthingo nginya matuurî.

Josh 11:23

Kwoguo Joshua nîwanyitire vûrûri wonthe kûringana na ûrîa Ngai-Mûnene aathîte Musa. Nake Joshua nîwavere andû a Isiraeli vûrûri ûcio ûtuîke wao na nîwaûgaanirie icunjî kûringana na mîvîrîga ya andû a Isiraeli. Nao andû a Isiraeli magîtiga kûrûa.

Josh 14:1

Ûyû nîguo mûtaratara wa ûrîa vûrûri wa Kanaani wagaanirue gatagatîrî ka andû a Isiraeli. Vûrûri ûcio warî mwena wa îthûîro wa rûnjî rwa Jorodani. Mûthînjîri-Ngai Eleazaru, Joshua mûvîcî wa Nuni na atongoria a mbarî cia mîvîrîga ya Isiraeli nîmaagaire vûrûri ûcio kûringana na andû ao.

Josh 3:17

Nao athînjîri-Ngai arîa maakuuîte îthandûkû rîa kîrîkanîro Kîam Ngai-Mûnene nîmeekarire marûngamîte gatagatî ka rûnjî rwa Jorodani kûrîa manjî maavûîte nginya rîrîa andû onthe a Isiraeli maaringire.

Josh 4:12

Nao arûme a mûvîrîga wa Reubeni na mûvîrîga wa Gadi na arûme a nuthu ya mûvîrîga wa Manase marî na indo cia mbaara, nîmaaringire mbere ya andû acio engî wata ûrîa Musa aamaathîte.

1Sam 7:12

Samueli nîwacokire agîoca îthiga, na akîrîvanda vau gatagatî ka Mizipa na Sheni, na akîrîtuîra rîîtwa akîrîta “Îthiga rîa Ûtethio,” na akiuga atîrî, “Ngai-Mûnene nîatûtethetie nginya ûmûnthî.”