Gûco 11:22 - ÎVUKU RÎA ÛVORO MWARO

²² “Mwona mwathîkîra na kinyi maathani mama monthe nîmûvete: kwenda Ngai-Mûnene Ngai wenyu, kûrûmîrîra njîra ciake cionthe, na gûtuîka andû evokeku kûrî ke,

Gûco 11:22 ပူးပေါင်းရင်းမြစ်များ

Kîam 2:24

Kwoguo mûndûmûrûme agaatigaga îthe na ng'ina, akanyitana na mûka na oîrî magatuîka ûmwe.

Thaburi 119:31

We Ngai-Mûnene ndwîre nûmagîrîra matuîro maku ma ciira; ndûkareke njonorithue.

Mathaayo 22:37

Nake Jesû nîwamûcokerie atîrî, “Enda Mwathani, Ngai waku na ngoro yaku yonthe, na mwoyo waku wonthe, wana meciria maku monthe.

Ciîko 11:23

Baranaba aarî mûndû mwaro, wecûrîtwe nî Roho Mûtheru na wîtîkio. Na rîrîa ke aakinyire Antiokia na akîona ûrîa Ngai aarathimîte andû, nîwacanjamûkire mûno na akîmathaitha onthe mekarage mevokete Mwathani vîndî cionthe na ngoro ciao cionthe. Nao andû eengî mûno nîmaatuîkire arûmîrîri a Mwathani.

Gûco 10:20

Tîagani Ngai-Mûnene Ngai wenyu na mûmûtungatagîre wenga. Tuîkani evokeku kûrî ke na mwîvîtage mûkîgwetaga rîîtwa rîake rîonga.

Gûco 11:1

“Endagani Ngai-Mûnene Ngai wenyu vîndî cionthe na mwathîkagîre maûndû marîa aathanîte, mawatho make, irîra ciake, na maathani make.

Gûco 11:13

“Kwoguo, athîkagîrani maathani marîa ngûmûva ûmûnthî; endagani Ngai-Mûnene Ngai wenyu na ngoro yonthe na mûmûtungatagîre na mwoyo wonthe.

Gûco 19:9

nî mûkoongerera matûûra mengî mathatû ma kwîthitha. Ngai-Mûnene akaaramia vûrûri wenyu ethîrwa nî mûkaathîkîra na kinyi maathani monthe marîa ngûmwatha ûmûnthî na mwendage Ngai-Mûnene Ngai wenyu na mûmwathîkagîre.

Gûco 30:20

Mwenda Ngai-Mûnene Ngai wenyu na mwamwathîkîra na mûtuîke evokeku kûrî ke, nî mûgûtûûra vîndî ndaca vûrûrirî ûrîa Ngai-Mûnene Ngai wenyu eerîre methe menyu: Iburahimu Isaka na Jakovu na mwîvîtwa atî nîakaamava.”

Gûco 6:17

Menyagîrîrani mûvingagie Maathani monthe ma Ngai-Mûnene, Ngai wenyu na kinyi, kîrîra gîake na mawatho marîa amwathîte.

2Tim 4:8

Kwambîrîria rîu nîmbîrîgîrîrîte nthûmbî ya ûthingu îrîa ngaavewa mûthenya wa mûthiia nî Mwathani ûrîa ûtucaga ciira na kîvooto. Tî nie nienga ngaavewa kîveo kîu nwatî nîgîkaavewa andû onthe arîa metagîrîra gûka gwake marî na wendo.