Gûco 11:21 - ÎVUKU RÎA ÛVORO MWARO

²¹ Mweka ûguo, mue vamwe na ciana cienyu nî mûgaatûûra vîndî ndaca vûrûrirî ûrîa Ngai-Mûnene eerîre methe menyu atî nîakaamava, na mûgaatûûra kuo tene na tene.

Gûco 11:21 ပူးပေါင်းရင်းမြစ်များ

Thaburi 72:5

Arotûûra kavinda karaca ta riûa, na atûûra ta mweri kûrî njiarwa cionthe.

Thaburi 89:30

“Nwatî ethîrwa njiarwa ciake itikaathîkîra watho wakwa, na marege kûrûmîrîra matuîro makwa ma ciira,

Nthi 3:16

Ûûgî ûvecaga mûndû ûtûûro mûraca, na nîûvecaga mûndû ûtonga na gîtîîo.

Nthi 3:2

Nîûndû nîmagaatûma mîthenya yaku yongerereke, na ûtûûre mîaka mîîngî ûrî mûthatûke.

Nthi 4:10

Mwana wakwa, thikîrîria na wîtîkîre ûrîa nîrakwîra, na nîûgûtûûra mîaka mîîngî.

Nthi 9:11

Ûûgî nîagaatûma ûtûûre mwoyo îvinda îraca, na nîagaatûma ûtûûre mwoyo mîaka mîîngî.

Isaia 65:20

Gûtikaagîa ciana igûkua irî ngenge rîngî, nao andû arîa akûrû matigaakua matakinyîtie kavinda kao. Mûndû angîkua akinyîtie ûkûrû wa mîaka îgana akoonagwa arî wa mwîthî, na angîkua atakinyîtie ûkûrû wa mîaka îgana akoonagwa arî mûrume.

Gûco 11:9

Namue nîmûgaatûûra kavinda karaca vûrûrirî ûcio wîcûrîte îriia na ûûkî, vûrûri ûrîa Ngai-Mûnene eerîrîre methe menyu wa vamwe na njiarwa ciao atî nîakaamava.

Gûco 4:40

Kwoguo athîkagîrani irîra ciake na maathani make marîa namûva ûmûnthî nîguo maûndû menyu vamwe na njiarwa cienyu magîre na mûtûûre vîndî ndaca vûrûrirî ûrîa Ngai-Mûnene, Ngai akûmûva ûtuîke wenyu tene na tene.”

Gûco 5:16

Tîîa aguo na nyûkwe wata ûrîa Ngai-Mûnene, Ngai waku akwathîte wîkage. Weka ûguo maûndû maku nîmakûvua na nîûgûtûûra vîndî ndaca vûrûrirî ûrîa Ngai-Mûnene, Ngai waku agûkûva.

Gûco 6:2

Mavinda monthe marîa mue na njiarwa cienyu mûgûtûûra mwoyo, mûgetigagîra Ngai-Mûnene, Ngai wenyu na mwathîkagîre irîra ciake cionthe na mawatho marîa ngûmûva, nîguo mûtûûre îvinda îraca vûrûrirî ûcio ngûmûva.

Kûguû 20:6

Gûkena na kûrathimwa nî arîa makethîrwa marî vamwe na arîa Ngai akariûkia vîndî ya kûriûka kwa mbere. Acio matigaakua gîkuû gîa kaîrî, nîûndû makethîrwa marî athînjîri-Ngai a Ngai na Mesaya, na matuîke aathani vamwe nake mîaka ngiri îmwe.