Gûco 11:2 - ÎVUKU RÎA ÛVORO MWARO

² Ririkanani ûmûnthî maûndû marîa mwonire Ngai-Mûnene agîka. Mue nîmue mwonire maûndû mau, nwatî tî ciana cienyu. Nîmwonire ûnene wa Ngai-Mûnene Ngai wenyu, vinya wake, ûvoti wake,

Gûco 11:2 ပူးပေါင်းရင်းမြစ်များ

Thaburi 136:12

na vinya wake na ûvoti mwîngî; nîûndû wendo wake ûtathiraga ûtûûraga tene na tene.

Ntha 6:6

Kwoguo îra andû a Isiraeli nie nîramera atî, ‘Nie nî Nie Ngai-Mûnene. Nie nîngûmûvonokia na nîmûrekererie muume ûkomborî wa andû a Misiri. Nîngeka ûndû mûnene na vinya wakwa nîguo ndetere andû a Misiri îvera, na nîngaamûvonokia.

Nthi 22:19

Nîrenda gûkûmenyithia mo ûmûnthî, nîguo wîvokage Ngai-Mûnene.

Isaia 53:5

Nwatî aativirue nîûndû wa mevia metû, aathînirue nîûndû wa waganu wetû. Aaverithirue nîguo tûgîe na mwoyo, na tûkîvonua na njîra ya ivoko irîa aarivirwe.

Ciîko 26:22

Nwatî Ngai nîandethetie. Kwoguo nûngamîte ava ûmûnthî ngîrutaga ûira wakwa kûrî andû onthe, anini na anene. Maûndû marîa nîrauga nîmagwîkîka, nwamo arathi na Musa maaugire atî nîmagekîka namo nî:

Gûco 29:10

“Ûmûnthî, muonthe mûrûngamîte mbere ya Ngai-Mûnene Ngai wenyu: atongoria a mîvîrîga yenyu, anene, arûme onthe a Isiraeli,

Gûco 3:24

‘Mwathani, Ngai-Mûnene, we nîwambîrîrîtie kûmonia, nie ndungata yaku ûnene na vinya waku. Nî ngai îrîkû gûkû nthî kana kûu îgûrû îngîvota gwîka ciîko cia vinya na maûndû manene ta mama wîkîte?

Gûco 4:34

Kûrî ngai yanageria kûthiî kûruta andû vûrûrirî wîngî na kûmatua andû ake ta ûrîa Ngai aamwîkire mûrî Misiri? Ngai-Mûnene, Ngai wenyu nîwatûmîre ûvoti na vinya wake mwîngî wa mûkîonaga. Nîwatûmire andû a Misiri manyitwe nî mûthiro na mbaara, nîwaringire ciama na morirû magîkîka na agîtûma maûndû ma kûmakania mekîke.

Gûco 5:24

na makîmbîra atî, ‘Ngai-Mûnene, Ngai wetû nîwatwonirie riiri na ûnene wake rîrîa twegwire akîaria arî mwakirî! Ûmûnthî nî twona Ngai akîaria na mûndû na îthenya rîa mûndû ûcio gûkua agatûûra mwoyo.

Gûco 7:19

Taririkanani mîthiro îrîa mwonire na metho menyu. Taririkanani ciama na morirû marîa Ngai-Mûnene aaringire na ûvoti na vinya wake ûrîa aatûmîre nîguo amûrute Misiri. Ûguo nwaguo Ngai-Mûnene, Ngai wenyu ageeka kûrî mavûrûri mau mûretigîra.

Gûco 8:19

Na ethîrwa nîmûkaariganîrwa nî Ngai-Mûnene, Ngai wenyu, na mwambîrîrie gûcaria ngai ciîngî cia gûtungatîra na kûigooca, nîramwîra nama atî mweka ûguo nwanginya mûkaathira viû.

Gûco 9:26

Nînavoire Ngai-Mûnene ngîmwîra atîrî, ‘Ûûi Ngai-Mûnene Ngai, ndûgacûkangie andû aku arîa wakûûrire na ûkîmaruta Misiri na vinya waku mûnene.

Josh 24:31

Andû a Isiraeli nîmaatûûrire magîtungatagîra Ngai-Mûnene matukû monthe marîa Joshua aarî mwoyo na vîndî ya atongoria arîa maatûûranîtie nake na moonete maûndû monthe marîa Ngai-Mûnene eekîte nîûndû wa andû a Isiraeli.