Gûco 11:17 - ÎVUKU RÎA ÛVORO MWARO

¹⁷ Mûngîkaagooca ngai ciîngî, Ngai-Mûnene nîakaarakara nîmue na atige kuurithia mbura na mîgûnda yenyu îng'aare na îtige kuuma kîndû. Nîmûgaacoka mûkuîre kuo narua, wana ethîrwa vûrûri ûcio Ngai-Mûnene akûmûva nî mwaro.

Gûco 11:17 ပူးပေါင်းရင်းမြစ်များ

1Atha 17:1

Mûrathi Elija wa kuuma Tishibe ya Gileadi nîwerire mûthamaki Ahabu atîrî, “Rîîtwarî rîa Ngai-Mûnene, Ngai wa Isiraeli ûrîa ûtûûraga mwoyo, ûrîa ndungataga, gûtikethîrwa kûrî na îme kana mbura îvinda rîa mîaka îno îrûmîrîrîte nginya rîrîa ngaauga.”

1Atha 8:35

“Vîndî îrîa ûkaagiria mbura yure nîûndû wa ûrîa andû aku makeethîrwa makûvîtîrîtie, na macoke merire na makûvoye marî na wînyivia marî hekarûrî îno,

2Maû 6:26

“Vîndî îrîa ûkaavinga matu ma mbura îtige kuura nîûndû wa ûrîa andû makethîrwa makûvîtîrîtie na macoke merire na makûvoe marî na wînyivia merekerete hekarûrî îno,

2Maû 7:13

Vîndî îrîa navinga matu mbura ndîkaure, kana natûma ngige irîe irio irîa mûvandîte mîgûndarî, kana natûma mûthiro kûrî andû akwa,

Ayubu 12:15

Angîgiria mbura yure kûgîcaga na thano nene, angîtîkîra mbura yure kûgîcaga na mwîcûro wa manjî.

Alawi 26:19

Nî ngaathiria vinya ûcio ûtûmaga mwîtîîe. Gûtikethîrwa na mbura na gûtirî irio igaakûra vûrûrirî wenyu.

Alawi 26:20

Wana mwaruta wîra na kîîo kînene atîa, wîra wenyu ndûkaamûtethia, nîûndû gûtirî irio igaakûra vûrûrirî wenyu na mîtî ya kuo ndîgaaciara maciaro.

Amosi 4:7

Nînagiririe mbura yure rîrîa mwamîvatarîte mûno. Nînatûmire mbura yure îtûûrarî rîmwe nwatî ngîgiria yure îtûûrarî rîu rîngî. Mbura yauraga mûgûndarî ûmwe nwatî mûgûnda ûcio wîngî ûkaûmagara.

Gûco 31:20

Nîngaamavira vûrûri wîcûrîte îriia na ûûkî, ûrîa nerîîre methe mao na mwîvîtwa atî nîngaamava. Nîmakaarîa kîrîa kîonthe makaavatara na matûûre makenete. Nwatî nîmakaagarûrûka na magooce ngai ciîngî na maitungatîre. Nîmakaaregana nanie na maune kîrîkanîro kîrîa naarûthire nao.

Gûco 4:26

Ûmûnthî nîngwîta îgûrû na nthî ituîke aira atî, mwarega kûmbathîkîra mûrî vûrûrirî ûcio mûthiîte gûtûûra, nîmûkaathirua viû. Mûtigaatûûra kuo îvinda îraca, nwatî nîmûkaathirua viû.

Gûco 6:15

Mweka ûguo, Ngai-Mûnene, Ngai wenyu ûrîa ûtûûraga gatagatîrî kenyu nîakaarakara na amûthirie viû gûkû nthî nîûndû ke nî Ngai wî wîru.

Gûco 9:19

Nînetigagîra marakara na mang'ûrîka marîa Ngai-Mûnene aarî namo nîûndû wenyu marîa mangîatûmire amûthiria. Nwatî Ngai-Mûnene nîwanthikîrîrie wa rîngî.