Gûco 10:4 - ÎVUKU RÎA ÛVORO MWARO

⁴ Ngai-Mûnene nîwacokire akîandîka ivengererî icio ciugo wata irîa aandîkîte mbere; nacio nî Maathani îkûmi marîa aamûveere rîrîa aamwarîrie arî mwakirî mûthenya ûrîa mwagomanîte kîrîmarî. Ngai-Mûnene nîwacokire akînengera ivengere icio.

Gûco 10:4 ပူးပေါင်းရင်းမြစ်များ

Ntha 31:18

Rîrîa Ngai aarîkirie kwarîria Musa kîrîmarî Kîam Sinai îgûrû, nîwanengerire Musa ivengere igîrî cia mathiga irî na maathani. Maathani mau nî Ngai ke mwene wamandîkîte.

Ntha 34:1

Ngai-Mûnene nîwerire Musa atîrî, “Rûtha ivengere cia mathiga igîrî wata irîa cia mbere na nîngwandîka ivengererî icio ciugo irîa ciarî ivengererî cia mbere irîa wenyûrangire.

Ntha 34:28

Musa nîwekarire vau varî Ngai-Mûnene mîthenya mîrongo îna ûtukû na mûthenya, na ndaanyua kana arîa kîndû kavinda kau konthe. Nake nîwandîkire ciugo cia kîrîkanîro na nîcio Maathani îkûmi ivengererî cia mathiga.

Gûco 18:16

“Rîrîa mwacemanîtie kîrîmarî gîa Sinai, mwavoire mûkiuga mûtikwenda kwîgua Ngai-Mûnene Ngai wenyu akîaria rîngî, na mûtikwenda kwona mwaki mûnene wake rîngî nîûndû nwa mûkue.

Gûco 9:10

Ngai-Mûnene nîwacokire akîmva ivengere icio igîrî cia îthiga irîa aandîkîte ke mwene maûndû marîa aamwîrire arî mwakirî mûthenya ûrîa mwagomanîte kîrîmarî.