Gûco 10:21 - ÎVUKU RÎA ÛVORO MWARO

²¹ Nîke mwagîrîrwe nî gûkumia, na nîke Ngai wenyu ûrîa wamûringîre ciama na morirû marîa mwonire na metho menyu.

Gûco 10:21 ပူးပေါင်းရင်းမြစ်များ

2Sam 7:23

Gûtirî andû engî gûkû nthî mekariî ta Aisiraeli, arîa wakûûrire kuuma ûkomborî na ûkîmatua andû aku. Maûndû manene na ma magegania marîa wekire nîûndû wao matûmîte ngumo yaku îtambe nthî yonthe. Nîwengatire ndûrîrî irîa ciîngî wa vamwe na ngai ciacio kuuma kûrîa kuonthe andû aku maavîtûkagîrîra, andû wa acio wakûûrîte kuuma Misiri na magatuîka andû aku.

Thaburi 109:1

We Ngai nîwe ngumagia, ndûgakire!

Thaburi 145:6

Andû makaragia ûvoro wa ciîko ciaku cia vinya, nanie ngaanagîrîra ûnene waku.

Thaburi 148:14

Nîatûmîte andû ake magîe na vinya, nîguo andû ake onthe mamûgooce, andû a Isiraeli arîa endete mûno. Kumiani Ngai-Mûnene!

Thaburi 22:3

Kûnarî ûguo, we wî Mûtheru, nîwe ûthamakagîra Isiraeli na magakûgooca.

Ntha 15:2

Ngai-Mûnene nîke mûngitîri ûrîa ûrî vinya, nîke ûmvonoketie. Nîke Ngai wakwa, na ngaamûkumagia, Ngai wa vava, na ngaainaga ngîgwetaga ûnene wake.

Ntha 34:10

Ngai-Mûnene nîwerire Musa atîrî, “Rîu nîngûrûtha kîrîkanîro na andû a Isiraeli. Nîngeka maûndû ma magegania methorî mao, maûndû matarî manonwa nthî yonthe vûrûrirî wana ûrîkû. Andû onthe nîmakoona maûndû manene marîa nie, Ngai-Mûnene nîngîvota gwîka, nîûndû nîngeka maûndû ma gwîtigîrwa nîûndû waku.

Isaia 60:19

“Riûa rîtigacoka rîngî gûkûmûrîkîra mûthenya, wana kana mweri ûcoka gûkûmûrîkîra mathaa ma ûtukû, nwatî nie Ngai-Mûnene nînie ngaatuîka ûtheri waku wa tene na tene, naguo riiri wakwa ûkûmûrîkagîre.

Isaia 64:3

Rîrîa wekire maûndû ma kûgegania marîa tûterîgîrîre; nîwanyûrûrûkire nthî na ûgîtûma irîma cinaine nî guoya ciakwona.

Jeremia 17:14

Ûi Ngai-Mûnene, mvonia nanie nîngûvona, mvonokia na nîngûvonoka, nîûndû we nîwe ngumagia.

Luka 2:32

Nî ûtheri wa kûguûrîria andû a ndûrîrî wendi waku, na riiri kûrî andû aku a Isiraeli.”

Josh 24:18

Amori nîo maatûûraga gûkû vîndî îo, nwatî Ngai-Mûnene nîwamengatire nîguo tûke tûtûûre gûkû. Kwoguo wanatue tûgaatungatagîra Ngai-Mûnene, nîke Ngai wetû.”

Kûguû 21:23

Îtûûra rîu înene rîtiarî na vata wa riûa kana mweri wa kûrîmûrîkîra, nîûndû riiri wa Ngai na wa Gatûrûme nîguo warîmûrîkagîra na taa warî Gatûrûme.

1Sam 12:24

Athîkagîrani Ngai-Mûnene na mûmûtungatagîre arî wenga na ngoro yonthe mûrî na wîvokeku. Taririkanani maûndû manene marîa ekîte nîûndû wenyu.