Gûco 10:20 - ÎVUKU RÎA ÛVORO MWARO

²⁰ Tîagani Ngai-Mûnene Ngai wenyu na mûmûtungatagîre wenga. Tuîkani evokeku kûrî ke na mwîvîtage mûkîgwetaga rîîtwa rîake rîonga.

Gûco 10:20 ပူးပေါင်းရင်းမြစ်များ

2Atha 18:6

Hezekia nîwetîkîtie Ngai-Mûnene, na ndaanarega kûmwathîkîra, nwatî nîwavingagia maathani monthe marîa Ngai-Mûnene aaveete Musa.

Thaburi 63:11

Mûthamaki nîagaakena, nîûndû Ngai nîamûvecaga ûvootani. Arîa marûthaga ciîranîro rîîtwa rîa Ngai, nîmakaamûkumia, nwatî andû arîa maveenanagia nîmagaakirua.

Ntha 20:7

“Ndûkagwete rîîtwa rîa Ngai-Mûnene, Ngai waku na îtherû, nîûndû nie Ngai-Mûnene ndikaauga atî mûndû ndevîtie ûrîa ûngwetaga rîîtwa na îtherû.

Mûvunjia 12:13

Vuva wa maûndû mama monthe, kûrî na ûndû ûmwe ûtigarîte: tîaga Ngai na mûvingagie Maathani make, nîûndû ûguo nîguo andû onthe magîrîrwe nî gwîka.

Isaia 45:23

Nie nînîvîtîte ngîgwetaga rîîtwa rîakwa, maûndû marîa nîraria nî ma ma, na ndingîgarûrûkwa. Andû onthe nîmagaaturia maru mbere yakwa, na onthe mevîte atî makaanîvokaga.

Jeremia 4:2

na mûngîîvîta mûrî na ûûma, kîvooto na ûthingu, mûkiugaga, ‘wata ûrîa Ngai-Mûnene atûûraga mwoyo,’ vîndî îo mavûrûri nîmakaarathimwa, na magîe na riiri nîûndû wakwa.”

Mathaayo 4:10

Nake Jesû nîwamîrire atîrî: “Uma varî nie Caitani! Mandîko matheru maugîte atîrî, ‘Goocaga Mwathani Ngai waku na ûmûtungatagîre wa ke wenga.’ ”

Luka 4:8

Nake Jesû nîwacokerie ngoma îo atîrî, “Mandîko maugîte atîrî, ‘Goocaga Mwathani Ngai waku na ûmûtungatagîre wake wenga!’ ”

Ciîko 11:23

Baranaba aarî mûndû mwaro, wecûrîtwe nî Roho Mûtheru na wîtîkio. Na rîrîa ke aakinyire Antiokia na akîona ûrîa Ngai aarathimîte andû, nîwacanjamûkire mûno na akîmathaitha onthe mekarage mevokete Mwathani vîndî cionthe na ngoro ciao cionthe. Nao andû eengî mûno nîmaatuîkire arûmîrîri a Mwathani.

Aroma 12:9

Nwanginya wendani wenyu ûtuîke wa ma. Menani ûndû ûrîa mûcûku na mûnyitie na vinya maûndû marîa maro.

Gûco 11:22

“Mwona mwathîkîra na kinyi maathani mama monthe nîmûvete: kwenda Ngai-Mûnene Ngai wenyu, kûrûmîrîra njîra ciake cionthe, na gûtuîka andû evokeku kûrî ke,

Gûco 13:4

Rûmagîrîrani Ngai-Mûnene Ngai wenyu na mûmûtîîage na mwathîkagîre maathani make na mûmwîgucage. Mûtungatagîreni na mwîthagîrwe mûrî evokeku kûrî ke.

Gûco 30:20

Mwenda Ngai-Mûnene Ngai wenyu na mwamwathîkîra na mûtuîke evokeku kûrî ke, nî mûgûtûûra vîndî ndaca vûrûrirî ûrîa Ngai-Mûnene Ngai wenyu eerîre methe menyu: Iburahimu Isaka na Jakovu na mwîvîtwa atî nîakaamava.”

Gûco 4:4

Nwatî andû amwe gatagatîrî kenyu, arîa maarî evokeku kûrî Ngai-Mûnene, Ngai wenyu, marî mwoyo nginya ûmûnthî.

Gûco 5:11

“ ‘Ndûkanagwete rîîtwa rîa Ngai-Mûnene, Ngai waku na îtherû nîûndû Ngai-Mûnene, Ngai waku nîakaaverithia andû arîa magwetaga rîîtwa rîake na îtherû.

Gûco 5:29

Naarî kethîrwa mageciragia ûguo vîndî cionthe, mandîîage na mathîkagîre maathani makwa! Mangîka ûguo, maûndû mao monthe na ma njiarwa ciao makethagîrwa marî maro tene na tene.

Gûco 6:13

Îîtigagîreni Ngai-Mûnene, Ngai wenyu na mûmûtungatagîre na mwîvîtage mûkîgwetaga rîîtwa rîake rîonga.

Josh 23:7

Mûtikagwatanîre na mavûrûri marîa maatigirwe gûkû mûrî. Mûtikagooce ngai ciao cia mîvuanano kana mwîvîta mûkîigwetaga wana kana mwînamîrîre mûrî mbere yacio.

Josh 23:8

Nwatî, îthagîrwani mûrî evokeku varî Ngai-Mûnene, wata ûrîa mûtûûrîte mûrî evokeku nginyagia ûmûnthî.

1Sam 7:3

Nake Samueli nîwerire andû a Isiraeli atîrî, “Ethîrwa nîmûkwenda gûcokerera Ngai-Mûnene na ngoro yonthe, nwanginya mûthengutie ngai cia kûndû kwîngî wana mûvuanano wa ngai îrîa îtagwa Ashitorathu. Îîvecaneni viû kûrî Ngai-Mûnene na mûmûgooce ke wenga, nake nîakûmûvonokia kuuma kûrî Afilisiti.”