Gûco 10:19 - ÎVUKU RÎA ÛVORO MWARO

¹⁹ Kwoguo endagani ageni, nîûndû wanamue mwarî ageni vûrûrirî wa Misiri.

Gûco 10:19 ပူးပေါင်းရင်းမြစ်များ

Ntha 22:21

“Mûtikaanavinyîrîrie mûgeni kana mûmûvîtîria, ririkanani atî wanamue mwarî ageni vûrûrirî wa Misiri.

Ezek 47:22

Mûkaûgaa ûtuîke wenyu na mûgaîre andû a ndûrîrî arîa mûtûûranagia nao na magîrîrîte ciana kuo. Andû acio a ndûrîrî mûkaamatua ta andû a Isiraeli na makaagaîrwa mîgûnda nîguo îtuke yao wata andû acio engî a Isiraeli.

Ezek 47:23

Andû a ndûrîrî arîa matûûraga gatagatî kenyu makaagaîrwa mîgûnda mîvîrîgarî îrîa matûûraga. Nînie Mwathani Ngai-Mûnene nauga ûguo.”

Luka 17:18

Anga gûtirî mûndû wîngî wacoka vuva gûcokeria Ngai ngatho tiga mûndû ûyû ûtarî wa gûkû?”

Luka 6:35

Vandû va ûguo, endagani nthû cienyu na mûciîkage waro na mûkombithanagie mûtakûgîa na mwîvoko wa gûkaarîvwa. Namue nîmûkaagîa na îgai rînene na mûtuîke ciana cia Ngai ûrîa ûrî Îgûrû Mûno. Nîûndû Ngai arî ntha kûrî andû arîa matarî ngatho na arîa methagîrwa marî na mîtugo mîcûku.

Agal 6:10

Kwoguo, rîrîa rîonthe twagîa na kanya nîtwagîrîrwe nî gwîka andû onthe maûndû maro, na mûno makîria kûrî arîa metîkîtie wata tue.

Gûco 23:7

“Mûtigatume ûthû na andû a vûrûri wa Edomu nîûndû acio nî aa mûrwanyûkwe. Mûtigatume ûthû na andû a Misiri, nîûndû vîndî îmwe mwarî ageni vûrûrirî wao.

Gûco 23:8

Ciana ciao, kuuma rûciaro rwa kathatû kûthiî na mbere, nwa metîkîrue gûtonya kîûnganorî Kîam andû a Ngai-Mûnene.