Gûco 1:45 - ÎVUKU RÎA ÛVORO MWARO

⁴⁵ Kwoguo nîmwarîrîre Ngai-Mûnene nîguo amûtethie. Nwatî Ngai-Mûnene nîwaregire kûmûthikîrîria kana kûmûtethia.

Gûco 1:45 ပူးပေါင်းရင်းမြစ်များ

Ayubu 27:8

Mûndû ûrîa ûtaicî Ngai ethagîrwa na kîîrîgîrîro kîrîkû rîrîa Ngai amûtiganîria, rîrîa Ngai ooca mwoyo wake?

Ayubu 27:9

Rîrîa akaanyitwa nî thîna, Ngai nîakaathikîrîra kîrîro gîake?

Thaburi 66:18

Kethîrwa nînaaregire kûvera mevia makwa, Mwathani ndangîanthikîrîrie.

Thaburi 78:34

Vîndî îrîa Ngai aûraga andû amwe, acio engî nîmaamûcokagîrîra; nîmeriraga na makamûvoya na kinyi.

Nthi 1:25

Mue nîmûregete ûtaaro wakwa wonthe, na nîmûregete gwîtîkîra ngîmûkaania.

Nthi 1:28

Nîmûgaacoka mûmbîte, nwatî ndikaamwîtîka. Mûkaanjaria na kinyi, nwatî mûtikaamona.

Luka 24:27

Jesû nîwacokire akîmeereithia maûndû marîa mamwîgiî na maarîtue Mandîkorî Matheru, kwambîrîria na mavuku ma Musa nginya marîa maandîkirwe nî arathi onthe.

Johana 9:31

Tue nîtwîcî atî Ngai ndathikagîrîria evia, nwatî nîathikagîrîria mavoya ma andû arîa mamwîtigîrîte na mavingagia wendi wake.

Ahib 12:17

Mue, nîmwicî atî vuvarî, Esaû nîwendaga îthe amûrathime. Nwatî îthe ndaamûrathima, nîûndû Esaû ndaavota kwona ûndû wa kûgarûra ûrîa eekîte wana ethîrwa nîwaûcaragia akîrîraga methori.