Gûco 1:19 - ÎVUKU RÎA ÛVORO MWARO

¹⁹ “Nîtwekire wa ûrîa Ngai-Mûnene, Ngai wetû aatwathire twîke. Nîtwaumire kîrîmarî gîa Sinai na tûkîthiî tûvîtûkanîrîtie werûrî mûnene warî na guoya ûrîa mwonire na vûrûrirî ûrîa ûrî irîma wa Aamori, na tûgîkinya Kadeshi-barinea.

Gûco 1:19 ပူးပေါင်းရင်းမြစ်များ

Jeremia 2:6

Matieyûria atîrî, ‘Arîkû Ngai-Mûnene, ûrîa watûrutire vûrûri wa Misiri, na agîtûtongoria werûrî, vûrûri warî mûmagaru na warî na marima, kûndû gûtaarî manjî na kwarî nduma nene, vûrûri ûtavîtûkagîrîrwa nî mûndû, kana ûgatûûrwa nî andû?’

Ndari 10:12

Nao Aisiraeli nîmaambîrîrie rûgendo makiuma werûrî wa Sinai. Îtu nîrîathiîre rîkîrûngama werûrî wa Parani.

Ndari 13:13

Sethuri mûvîcî wa Mikaeli kuuma mûvîrîgarî wa Asheri,

Ndari 13:26

Nîmaathiîre kûrî Musa, Aroni, na andû onthe a Isiraeli kûu Kadeshi werûrî wa Parani, na makîmeera ûrîa moonire, na makîmoonia matunda ma vûrûri ûcio.

Ndari 14:14

nîmakeera andû arîa matûûraga vûrûri ûyû. Andû a vûrûri ûyû nîmarîkîtie kwîgua atî we, Ngai-Mûnene, wîthagîrwa ûrî vamwe natue, na atî we nîwonekaga rîrîa îtu rîaku rîarûngama îgûrû rîetû. Nîmeguîte atî ûthiîcaga ûrî mbere yetû na gîtugî Kîam îtu mûthenya, na ûtukû ûkathiî na gîtugî Kîam mwaki.

Ndari 32:8

Ûguo nîguo methe menyu ma tene meekire vîndî îrîa naamatûmire kuuma Kadeshi-barinea makathigane vûrûri.

Gûco 1:2

Mûndû aumîte kîrîmarî gîa Sinai athiîte Kadeshi-barinea avîtûkîrîrîte vûrûrirî ûrîa ûrî irîma wa Edomu, aathiîcaga rûgendo rwa mîthenya îkûmi na ûmwe (11).

Gûco 1:20

Na rîrîa twakinyire Kadeshi-barinea, nînaamwîrire atî, ‘Rîu nîmwakinya vûrûrirî ûrîa ûrî irîma wa Aamori ûrîa Ngai-Mûnene, Ngai wetû atûvete.

Gûco 1:7

Ambûrani magema na mûthiî na mbere na rûgendo nginya mûkinye vûrûrirî ûrîa ûrî irîma wa Aamori, na icunjî cionthe irîa ithiûrûrûkîrrîtie vûrûri ûcio: na nîkuo Araba, vûrûri ûrîa ûrî irîma, nthî ya irîma, na Negebu. Mûthiîni vûrûrirî wa Kanaani na mûvîtûke irîma cia Lebanoni mûkinye rûnjîrî rûnene rwa Farati.

Gûco 2:7

“Ngai-Mûnene, Ngai wenyu ethîrîtwe akîmûrathima maûndûrî monthe marîa mwethîrîtwe mûgîka, na akîmûmenyagîrîra rîrîa mwaûrûraga werûrî ûyû mûnene ûguo. Ethîrîtwe arî vamwe namue îvinda rîa mîaka mîrongo îna (40) na mwarî na indo cionthe irîa mwavataraga.

Gûco 32:10

“Aamethîrîrie makîûrûraga werûrî, werû mûtiganîrie na warî na rûkûngi rûnene. Nîwamamenyerere na akîmagitîra, wata ûrîa angîmenyerera riitho rîake ke mwene.

Gûco 8:15

Ngai-Mûnene nwake wamûtongoririe kûu werûrî ûcio mûnene na warî na ûgwati mwîngî wa njoka irîa irî ûrogi na tûng'aurû. Vûrûri ûcio ndwarî na manjî na Ngai-Mûnene nîwatûmire manjî maume îthigarî mûnyue.

Josh 10:41

Joshua aarûire mbaara na akîvootana kuuma Kadeshi-barinea mwena wa îveti nginya Gaza vakuvî na îria rîa Mediterania, na kuuma Gosheni nginya Gibeoni mwena wa rûgûrû.