Ezira 4:4 - ÎVUKU RÎA ÛVORO MWARO

⁴ Nao andû arîa matûûraga vûrûrirî ûcio nîmaageririe gûtûma andû a Juda mathirwa nî vinya na metigîre gûtuma.

Ezira 4:4 ပူးပေါင်းရင်းမြစ်များ

2Sam 4:1

Rîrîa Ishiboshethu mûvîcî wa Saûlo eegwire atî Abineri nîwaûragîrwe Heburoni, nîwegwire guoya na andû onthe a Isiraeli makîmaka.

Ezira 3:3

Wana ethîrwa nîmeetigagîra andû arîa maatûûraga vûrûri ûcio, nîmaatumire metha ya kîgongoona wa varîa yarî mbere. Nao nîmaacokire makîambîrîria rîngî kûrutîra Ngai-Mûnene matega ma kûvîvua vo kîraûko na kîvwaî.

Ezira 4:5

Nîmaacokire makîrîva anene a thirikari ya Perisia mbeca nîguo macûkangie mîvango yao. Meekarire magîkaga ûguo îvinda rîonthe rîrîa Cairasi eethîrwe arî mûthamaki wa Perisia nginya îvinda rîa wathani wa Dario.

Nehemia 4:11

Nthû cietû cieciragia atî tûtikaamona kana tûmenya ûrîa maavangaga gûtumîrîra wa rîmwe na kwambîrîrie gûtûûraga nîguo wîra wetû ûkinyie mûthiia.

Nehemia 4:2

Nîwaririe arî mbere ya aa mûrwang'ina na mbere ya mbûtû ya athigari a Samaria akiuga atîrî, “Ayahudi aya matanarî na vinya mareka atîa? Marenda gûtuma rûthingo rîngî? Mareciria na njîra ya kûrutîra Ngai magongoona nwa mavote kûrîkia wîra ûcio na mûthenya ûmwe? Nwa mavote gûcokia mathiga ma gûtuma ûrîa meekariî kuuma ciûmbwarî ino maaûmbirwe mavîvua?”

Nehemia 6:9

Meendaga gûtûmakia magîciria nîtûgûtiga kûruta wîra. Nwatî nînavoire ngiuga atîrî, “Ngai tûma ngîe na vinya.”

Jeremia 38:4

Nao anene nîmeerire mûthamaki atîrî, “Mûndû ûyû nîwagîrîrwe nî kûragwa nî ûndû nîathirîtie athigari arîa matigîtwe gûkû îtûûrarî vinya vamwe na andû onthe nîûndû wa kwaria ciugo ta icio. Mûndû ûyû ndacaragia wagîrîru wa andû aya, nwatî amacaragîria maûndû macûku.”

Danieli 10:13

Nwatî mûraika ûrîa ûgitagîra vûrûri wa Perisi nîwareganire nanie îvinda rîa mîthenya mîrongo îîrî na ûmwe. Nake Mikaeli, ûmwe wa araika arîa anene nîwaûkire kûndethia nîûndû natigîtwe tûrî na athamaki a Perisi.

Danieli 10:20

Nîwacokire akîmbûria atîrî, “Nîwîcî kîrîa gîtûmire mbûke kûrî we? Rîu nwanginya njoke ngarûe na mûraika wa vûrûri wa Perisi. Na narîkia kûthiî kûrûa nake, mûraika wa vûrûri wa Ngiriki nîakaaumîra.