Ezek 9:5 - ÎVUKU RÎA ÛVORO MWARO

⁵ Wa nthikîrîrîtie nîwerire acio engî atîrî, “Mûrûmîrîre kûu îtûûrarî na mûrage andû. Mûtigatigarie mûndû wanarî ûmwe kana mwîguîre mûndû wana ûrîkû ntha.

Ezek 9:5 ပူးပေါင်းရင်းမြစ်များ

1Atha 18:40

Elija nîwathire andû acio atîrî, “Nyitani arathi a Baali; na mûtikareke wanarî ûmwe wao aûra!” Nao andû nîmaanyitire arathi onthe a Baali, na Elija nîwaugire manyûrûrûkue karûnjîrî ga Kishoni na akîmaûragîra vo.

Ntha 32:27

Nake nîwamerire atîrî, “Ngai-Mûnene, Ngai wa Isiraeli augîte mûndû wonthe wa cienyu oce rûviû rwake na mûthiî kûndû kuonthe gûkû mwambîte magema na mûthiî mîîrîgarî yonthe. Mûndû nîaûrage mûrwang'ina, mûrata wake, na mûndû ûrîa mariganîtie nake.”

Isaia 13:18

Nîmakaaûraga andû ethî na mîguî yao, matikeguîra ciana ntha, kana macaîre ciana cia ngenge.

Isaia 22:14

Ngai-Mûnene mwene vinya wonthe nîwanguûrîrie akîmbîra atîrî, “Nama, mûtikoverwa wîvia ûyû nginya rîrîa mûgaakua.” Ûguo nîguo Ngai-Mûnene mwene vinya wonthe augîte.

Isaia 5:9

Nîmbîguîte Ngai-Mûnene mwene vinya wonthe akiuga atîrî, “Nama nyomba nyîngî igaatigwa irî ntheri, nyomba nene na mbaro itarî na andû a gwîkara kuo.

Jeremia 9:21

Nîûndû gîkuû nîgîtonyererete ndiricarî cietû, nîgîtonyete nyombarî cietû irîa mbaro, nîkîûragîrîte ciana njîrarî cia îtûûra, na gîkathiria andû ethî thokorî.

Ezek 24:14

Nie Ngai-Mûnene nînie mbugîte ûguo. Îvinda nîkinyu rîa kûvingia ûrîa mbugîte. Ndikeericûkwa na ndigaakwîguîra ntha. Ngaagûtuîra ciira kûringana na mîthiîre yaku na ciîko ciaku.” Ûguo nîguo Ngai-Mûnene Ngai augîte.

Ezek 43:3

Kîoneki gîkî gîekariî ta kîrîa nonete rîrîa Ngai aaûkîte gûcûkangia îtûûra rîa Jerusalemu, na ta kîrîa nonete rûnjîrî rwa Kebari. Nînacokire ngîîgwîthia ngîturumithia ûthiû wakwa nthî.

Ezek 5:11

“Kwoguo, nie Ngai-Mûnene, wata ûrîa ndûraga mwoyo, nîûndû nîmûgwatîtie nyomba yakwa mûgiro na njîra ya gwîka maûndû macûku, nîngaamûrega muonthe ndakwîguîra mûndû wana ûrîkû ntha.

Ezek 7:4

Ndikamûcaîra na ndikamwîguîra ntha, nwatî nîngamûverithia kûringana na mîtugo yenyu. Nîngamûverithia nîûndû wa maûndû marîa marî magigi mwîkîte, na nîmûkaamenya atî nie nînie Ngai-Mûnene.”

Ezek 7:9

Ndigaagûcaîra kana ngwîguîra ntha, nîngakûverithia kûringana na mîthiîre yaku mîcûku. Nîûkaamenya atî nînie Ngai-Mûnene mverithanagia.”

Ezek 8:18

Kwoguo nîngamaverithia nîrî na marakara. Ndikaamacaîra kana nîmeguîra ntha. Wana mangîkaavoya maugîrîrîtie ndikaamathikîrîria.”

Ezek 9:10

Kwoguo nie, ndikaamarekera kana nîmeguîra ntha. Ngaamaverithia kûringana na ûrîa mekîte.”

Ezek 9:4

na akîmwîra atîrî, “Vîtûkanîria îtûûrarî rîonthe rîa Jerusalemu na wîkîre rûûri mothiûrî ma andû onthe arîa maracaya na mararîra nîûndû wa maûndû marîa macûku marekwa îtûûrarî.”

Ezek 9:6

Ûragani athuuri arîa akûrû na arîa anini, mûrage anake na erîtu, ciana na aka, nwatî mûtikavutie mûndû ûrî na rûûri ûthiû wake. Ambîrîriani hekarûrî yakwa.” Kwoguo nîmaambîrîrie kûraga athuuri arîa maarî mbere ya hekarû.

1Sam 9:15

Naguo mûthenya ûmwe mbere ya Saûlo aûke, Ngai-Mûnene nîwarîrîtie Samueli na akamwîra atîrî,