Ezek 9:4 - ÎVUKU RÎA ÛVORO MWARO

⁴ na akîmwîra atîrî, “Vîtûkanîria îtûûrarî rîonthe rîa Jerusalemu na wîkîre rûûri mothiûrî ma andû onthe arîa maracaya na mararîra nîûndû wa maûndû marîa macûku marekwa îtûûrarî.”

Ezek 9:4 ပူးပေါင်းရင်းမြစ်များ

Kîam 4:15

Nwatî Ngai-Mûnene nîwerire Kaini atîrî, “Ûguo tîguo. Ûngîkaaûragwa nî mûndû, nîûkaarîvîrîrua maita mûgwanja.” Kwoguo Ngai-Mûnene nîwekîrire Kaini rûûri rwa gûkaania mûndû wa wonthe ûrîa ûgaatûngana nake ndakaamûrage.

2Atha 22:13

“Thiîni mûkaûrie Ngai-Mûnene vandûrî vakwa, na vandûrî va andû onthe a Juda ûvoro wîgiî mandîko ma îvuku rîîrî rîronekire, nîûndû Ngai-Mûnene nîmûrakaru mûno nîtue nîûndû methe metû matiavingia maûndû monthe marîa matwîgiî kûringana na ûrîa îvuku rîîrî riugîte.”

Thaburi 119:136

Methori manyûrûrûkaga kuuma methorî makwa ta rûnjî, nîûndû andû mativingagia watho waku.

Thaburi 119:53

Nînyitagwa nî marakara meengî, rîrîa ngwona andû arîa aganu makiuna watho waku.

Ntha 12:13

Nthakame îrîa mûkaavaka itugîrî cia mîrango nîyo îkeethîrwa îrî rûûri rwa kwonania nyomba irîa mûtûûraga. Nona nthakame nîngaavîtûka mîciî yenyu na mûtikoona ûndû mûcûku ngîverithia andû a Misiri.

Ntha 12:23

Vîndî îrîa Ngai-Mûnene akaavîtûkîrîra vûrûrirî wa Misiri kûraga andû a kuo, nîakoona nthakame itugîrî cia mîrango yenyu. Nake nî akaagiria mûraika ûrîa ûkethîrwa akîûraga andû a Misiri atonya kwenyu nyomba amûûrage.

Ntha 12:7

Nao andû nîmagooca nthakame îmwe ya tûtûrûme mamîvake itugîrî cia mîrango na îgûrû rîa mîrango ya nyomba irîa tûtûrûme tûu tûkaarîrwa.

Isaia 57:15

“Ûguo nîguo Ke Ûrîa ûrî îgûrû mûno, Ke Ûrîa wambararîtue mûno, ûrîa ûtûûraga tene na tene na ûrîa wîtagwa Mûtheru arauga. “Nie mbîkaraga kûu îgûrû kûrîa kûtheru, mbîkaraga na andû athînîku na enyivia. Nîngekîra mîoyo arîa maarî enyivia, na gwîkîra vinya arîa enyivia.

Jeremia 13:17

Nwatî ethîrwa tîmûnthikîrîria, nîngûrîra nîîthithîte nîûndû wa mwîtîîo wenyu; nîndîra na ûrûrû mwîngî ngîtûrûraga methori nîûndû andû a Ngai-Mûnene nîatave.

Ezek 21:6

“Na we mûndû, caya; caya ûrî na kîeva na ûrîtwe nî mwîvoko magîkwonaga.

Ezek 6:11

Ngai-Mûnene augîte atîrî, “Inainia njara ciaku na ûringithie magûrû maku nthî na uuge: Wûi nîûndû wa maûndû marîa marî mûgiro manekwa nî andû a Isiraeli. Andû a Isiraeli nîmakaaûragwa nî mbaara, yûra na mîrimû.

Ezek 9:5

Wa nthikîrîrîtie nîwerire acio engî atîrî, “Mûrûmîrîre kûu îtûûrarî na mûrage andû. Mûtigatigarie mûndû wanarî ûmwe kana mwîguîre mûndû wana ûrîkû ntha.

Ezek 9:6

Ûragani athuuri arîa akûrû na arîa anini, mûrage anake na erîtu, ciana na aka, nwatî mûtikavutie mûndû ûrî na rûûri ûthiû wake. Ambîrîriani hekarûrî yakwa.” Kwoguo nîmaambîrîrie kûraga athuuri arîa maarî mbere ya hekarû.

Amosi 6:6

Mûnyunyaga ndivei na mbakûri, na mûkevaka maguta manungi waro mûno, nwatî mûtiîgucaga kîeva nîûndû wa gûcûkangua gwa Isiraeli.

Zefania 1:12

Vîndî îo nîngoca taa na nthiî Jerusalemu ngîcaragia; Nîngaverithia andû arîa meganaga na makeîraga na ngoro atî, ‘Ngai-Mûnene ndarî ûndû ekaga: mwaro kana mûcûku.’

Zefania 3:18

ta mûthenya wa kîrugo” Ngai-Mûnene arauga atîrî, “Nîngakûnthengutîria mathîna, nîguo ndûkegucage nthoni nîûndû wamo.

Malaki 3:16

Nao arîa magocaga Ngai-Mûnene nîmaranîrie o ene, nake Ngai-Mûnene akîgua ûrîa maaragia. Narîo îvuku nîrîaigirwe mbere ya Ngai-Mûnene rîandîkîtwe marîîtwa ma arîa mamûgoocaga na mamwathîkagîra.

2Akor 1:22

Ke nîwekîrire rûûri rwake kûrî tue rwa kwonania atî tûrî ake, na nîwekîrire Roho wake ngororî cietû wa gûtwonia nama kîrîa kîonthe atwigîrîte.

2Akor 12:21

Nînîramaka atî rîrîa ngaaûka rîngî Ngai wakwa nîagaatûma njonoke nîrî mbere yenyu. Nanie nîngeguîra andû engî kîeva arîa meevirie na matirî merira maûndû macûku marîa meekire ta ûmaraa na merirîria macûku ma mwîrî.

Agal 6:17

Ngîrîkia, mûndû wana ûrîkû ndakanthînie nîûndû irema irîa nîrî nacio mwîrîrî cionanagia atî nie nîrî ngombo ya Kristû.

Aefeso 4:30

Na mûtikegwithie Roho Mûtheru wa Ngai kîeva. Roho nî rûûri rwa Ngai rwa kwonania atî mûrî ake. Ngai aamûveere Roho nîguo onanie na ma atî nîakaamûtethûra rîrîa mûthenya wa mûthiia ûgaakinya.

2Tim 2:19

Nwatî mûcingi ûrîa Ngai atumîte ndûngîenyenyeka; na îgûrû rîaguo kwandîkîtwe atîrî, “Mwathani nîwîcî andû ake na mûndû wa wonthe umbûraga Mwathani nwanginya atige gwîka maûndû ma waganu.”

Kûguû 14:1

Ngîcoka ngîroria ngîona Gatûrûme arûngamîte kîrîmarî gîa Zayuni îgûrû. Na vau aarî vaarî na andû ngiri îgana na mîrongo îna na inya. Acio nî arîa maarî na rîîtwa rîake na rîa îthe mandîkîtwe mothiûrî mao.

Kûguû 20:4

Ngîcoka ngîona itî cia ûthamaki kûu îgûrû. Nao arîa maaciîkarîrîte nîmaaveetwe ûvoti wa gûtucanîra. Wana nînoonire mîoyo ya andû arîa maaûragirwe nîûndû nîmaanîrîre ûvoro wa Ngai na ûma ûrîa waguûrirue nî Jesû. Acio matianagooca nyamû kana mûvuanano wayo, na matianekîrwa rûûri rwa nyamû ûthiû kana njararî ciao. Andû acio nîmaagîre na mwoyo rîngî na makîathana marî athamaki vamwe na Kristû kavinda ka mîaka ngiri îmwe.

Kûguû 9:4

Nacio nîcierirwe itigacûkie nyaki, kana mîtî, wana kana mûmera wa wonthe. Cierirwe icûkie tu andû arîa mataarî na mûvûûri wa Ngai ithithiirî ciao.