Ezek 8:16 - ÎVUKU RÎA ÛVORO MWARO

¹⁶ Kwoguo nîwamvirire kîvarorî Kîam ndarî gîa hekarû. Vakuvî na kîvingo gîa hekarû, gatagatî ga kîthaku na metha ya kîgongoona kwarî na athuuri mîrongo îîrî na atano. Athuuri acio nîmaavuvatîrîte hekarû na makenamîrîria mothiû mao nthî merekerete na mwena wa îrathîro makîgoocaga riûa.

Ezek 8:16 ပူးပေါင်းရင်းမြစ်များ

1Atha 8:29

Menyagîrîra hekarû îno ûtukû na mûthenya. Vandû ava nîwe wathuurire nîguo ûgoocagîrwe vo. Thikagîrîria mavoya makwa vîndî îrîa ngûvoya nîrî hekarûrî îno.

2Atha 16:14

Ahazi nîwarutire metha ya kîgongoona ya gîcango îrîa yamûrîrîtwe Ngai-Mûnene, îrîa yarî gatagatî ka metha yake ya kîgongoona na hekarû na akîmîvira mwena wa rûgûrû wa metha yake ya kîgongoona.

2Atha 21:5

Nîwatumire metha cia kîgongoona cia kûgoocagîra ciûmbe cia îgûrû ivaarorî igîrî cia hekarû ya Ngai-Mûnene.

2Atha 23:11

Nîwarutire mîvuanano ya mbarathi îrîa athamaki a Juda maamûrîrîte riûa, na akîvîvia ikaari cia mbarathi icio na mwaki. Mîvuanano îo ya mbarathi yaigîtwe njîrarî ya hekarû ya Ngai-Mûnene vakuvî na nyomba ya Nathani Meleki, mûnene wa ndungata icio ciîngî kûu nja ya hekarû.

2Atha 23:5

Nîwatigithirie wîra athînjîri-Ngai onthe arîa athamaki a Juda maamûrîte na maarutagîra magongoona kûndû kûrîa gûtûgîru matûûrarî ma Juda na kûndû kûrîa kwarî vakuvî na Jerusalemu; acio nî athînjîri-Ngai onthe arîa maarutagîra Baali, riûa, mweri, njata na indo cionthe cia îgûrû magongoona.

2Maû 29:6

Nîûndû methe metû methîrîtwe matarî evokeku na nîmeekire maûndû macûku mbere ya Ngai-Mûnene, Ngai wetû. Nîmaatiganîrie hekarû îrîa Ngai-Mûnene atûûraga na nîmaavuvatîre Ngai-Mûnene.

2Maû 7:7

Solomoni nîwamûrire gatagatî ga kîvaro kîrîa kîrî mbere ya hekarû ya Ngai-Mûnene. Arî vau nîwarutire magongoona ma kûvîvua na mathunya ma matega ma thayû, nîûndû metha ya kîgongoona ya gîcango îrîa aatumîte ndîngîavotire kwîganîra matega makûvîvua, ma irio na mathuma ma thayû.

Jeremia 2:27

Acio nîo meraga mûtî atî: “We nîwe vava,” na makeera îthiga atî: “We nîwe wanjiarire,” nîûndû nîmandiganîrîtie. Nwatî mavinda ma thîna maugaga atîrî, “Ûkîra na ûtûvonokie!”

Jeremia 32:33

Nîmamvuvatîrîte vandû va kûngarûrûkîra. Wana ethîrwa mbîthîrîtwe ngîmathomithia, nîmaregete kûnthikîrîria na kwathîkîra kîrîra gîakwa.

Jeremia 44:17

Nwatî ûrîa wonthe twîvîtîte nîtûgwîka, nîguo tûgwîka. Nîtûkûvîvîria ngai yetû îrîa îtagwa mûthamaki wa mûndûmûka wa kûu îgûrû, na twîtûrûre ndivei nthî îrî îgongoona kûrî ke wata ûrîa twekaga methe metû, athamaki etû, na atongoria etû tûrî matûûrarî ma Juda na njîrarî cia Jerusalemu. Vîndî îo twarî na irio cia kwîgana, twarî athatûke, na tûtiarî na thîna.

Jeremia 7:18

Ciana ciunaga ngû, methe magakia mwaki, nao aa ng'ina magakanda mûtu wa kûruga mîgate ya ngai ya mûndûmûka îrîa metaga mûthamaki mûndûmûka wa îgûrû. Marutagîra ngai ciîngî matega ma ndivei, nîguo matûme ndakare.

Jeremia 8:2

Nîmakaanyagarûkua riûarî, mwerirî, na njatarî, irîa mendete na maaitungatagîra, irîa marûmîrîrîte na makagooca. Mavîndî mau matigacokanîrîrua kana mathikwa, makethîrwa mekariî ta mai marî îgûrû rîa nthî.

Ezek 10:3

Mûndû ûcio agîtonya, Akerubi maarûngamîte mwena wa îveti wa hekarû, narîo îtu rîecûrîte nja ya mwena wa ndarî wa hekarû.

Ezek 11:1

Roho wa Ngai nîwanguire na akîmvira kîvingorî Kîam hekarû Kîam mwena wa îrathîro. Vau kîvingorî noonire athuuri mîrongo îîrî na atano. Gatagatîrî kao kwarî Jaazania mûvîcî wa Azuri na Pelatia mûvîcî wa Benaia, atongoria a andû a Isiraeli.

Ezek 23:35

Ngai-Mûnene arauga atîrî, “We nîwariganîrwe nî nie na ûkîmbuvatîra, nîûkaaverithua nîûndû wa ûmaramari waku na ûmaraa waku.”

Ezek 23:39

Nîûndû mûthenya ûrîa maaûragire ciana ciao na makîiruta irî magongoona kûrî mîvuanano, nîmaatonyire vandû vakwa varîa vatheru na makîvagwatia mûgiro. Ûguo nîguo meekire nyombarî yakwa.

Ezek 40:28

Mûndû ûcio nîwacokire akîmbîtûkîrîria kîvingorî Kîam mwena wa îveti na tûgîkinya kîvingorî Kîam mwena wa ndarî. Nîwathimire kîvingo kîu na akîona nîkîeganene na ivingo irîa ciîngî ciarî rûthingorî rwa mwena wa nja.

Ezek 40:6

Nîwacokire akîthiî kîvingorî kîrîa kîerekerete na mwena wa îrathîro. Nîwatwîre na ngathî ciakîo akîthiî agîkîthima, nakîo Kîamrî Kîam mita ithatû (3).

Ezek 43:5

Roho wa Ngai-Mûnene nîwambocire na ûkîmbira kîvarorî Kîam mwena wa ndarî na ngîona atî riiri wa Ngai-Mûnene nîwecûrîte hekarûrî.

Ezek 43:8

Athamaki ao maatumire mîromo na mbaû cia mîromo ya nyomba ciao cia ûthamaki vakuvî na mîromo ya hekarû yakwa ivakanîtue nî rûthingo. Nîmaagwatirie gîko rîîtwa rîakwa rîtheru na njîra ya maûndû marî magigi marîa meekire, kwoguo nîrî na marakara nînaamathiririe.

Ezek 45:19

Mûthînjîri-Ngai nîagoca nthakame îmwe ya nyamû ya îgongoona rîa kûtheria mevia na amîvake itugîrî cia mîrango ya hekarû, na mîenarî îna ya metha ya kîgongoona na itugîrî cia mîvîrîga ya gûtonya kîvarorî Kîam ndarî.

Ezek 46:1

Ngai-Mûnene nîwambîrire atîrî, “Kîvingo gîa kîvaro Kîam ndarî kîrîa kîerekerete na mwena wa îrathîro nwanginya kîthagîrwe kîrî kîvinge mîthenya yonthe îtandatû îrîa îrutagwa wîra. Nwatî kîrugûragwe mûthenya wa thavatû na vîndî ya kîrugo gîa karûngamo ka mweri.

Ezek 7:23

“Thondeka nyororo, nîûndû vûrûri wîcûrîtwe nî ûragani na matûûra magecûrwa nî mbaara.

Ezek 8:15

Ngai nîwambûririe atîrî, “Mûndû, nîwona maûndû mau? Nîûkwona wana maûndû mengî marî mûgiro gûkîra mama.”

Joeli 2:17

Gatagatî ka metha ya kîgongoona athînjîri-Ngai arîa matungataga Ngai-Mûnene nî marîre makiugaga atîrî: “Îguîra andû aku ntha we Ngai-Mûnene. Ndûkareke andû arîa engî matûmena, matûmena makîûragia atîrî, ‘Ngai wao arî kû?’ ”

Gûco 17:3

na njîra ya kûgooca na gûtungatîra ngai ciîngî: riûa, mweri kana njata irîa ngananîtie,

Gûco 4:19

Rîrîa mwaroria îgûrû mwona riûa, mweri, na njata, na ciûmbe cionthe cia îgîrû, îîmenyagîrîreni mûtikagwe mageriorî ma gûciînamîrîra mûigooce kana mûitungatîre. Ngai-Mûnene, Ngai wenyu avecanîte indo icio kûrî andû onthe a nthî.