Ezek 8:11 - ÎVUKU RÎA ÛVORO MWARO

¹¹ Mbere ya mîvuanano îo kwarî na athuuri mîrongo mûgwanja a Isiraeli, na Jaazania mûvîcî wa Shafani arûngamîte vamwe nao. Wa mûndû agwete kathaani ga kûvîvîria ûbani, na ndogo ya ûbani nîyaumaga îkiunûkagia.

Ezek 8:11 ပူးပေါင်းရင်းမြစ်များ

2Atha 22:12

na akîatha mûthînjîri-Ngai Hilikia, Ahikamu mûvîcî ma Shafani, Akibori mûvîcî wa Mikaia, Shafani mwandîki, na Asaia ndungata ya mûthamaki akîmeera atîrî,

2Atha 22:14

Kwoguo mûthînjîri-Ngai Hilikia, Ahikamu, Akibori, Shafani, na Asaia nîmaathiîre kûrî mûndûmûka ûmwe mûrathi wetagwa Hulida, mûka wa Shalumu, mûvîcî wa Tikiva. Tikiva aarî mûvîcî wa Harihasi. Harihasi nîke wamenyagîrîra nguo cia hekarû. Vîndî îo Hulida aatûûraga Jerusalemu, îtûûrarî rîa kaîrî. Nao nîmaaranîrie nake,

2Atha 22:3

Mwakarî wa îkûmi na înana (18) Josia arî mûthamaki, nîwatûmire mwandîki Shafani, mûvîcî wa Azalia, Azalia mûvîcî wa Meshulamu hekarûrî na akîmwîra atîrî,

2Atha 22:8

Hilikia, mûthînjîri-Ngai mûnene nîwerire Shafani ûrîa warî mwandîki atîrî, “Nîmonire îvuku rîa watho hekarûrî ya Ngai-Mûnene.” Hilikia nîwacokire akînengera Shafani îvuku rîu, nake akîrîthoma.

2Atha 25:22

Nebukadinezarû, mûthamaki wa Babuloni nîwathuurire Gedalia mûvîcî wa Ahikamu atuîke mûnene wa andû onthe arîa maatigîtwe vûrûrirî wa Juda. Ahikamu aarî mûvîcî wa Shafani.

2Maû 26:16

Rîrîa mûthamaki Uzia aagîre vinya, nîwambîrîrie gwîtîîa. Mwîtîîo ûcio wake nîwatûmire acûkangue nîûndû nîwaregire kwathîkîra Ngai-Mûnene, Ngai wake na nîwathiîre hekarûrî kûvîvia ûbani metharî ya kîgongoona ya kûvîvîria ûbani.

2Maû 26:19

Vîndî îo mûthamaki Uzia aarûngamîte hekarûrî vakuvî na metha ya kîgongoona ya kûvîvîria ûbani anyitîte kanyûngû ga kûvîvîrua ûbani. Nake nîwarakarirue nî athînjîri-Ngai acio na vîndî wa îo nîwanyitirwe nî mûrimû mûcûku wa ngothi ûthiûrî wake athînjîri-Ngai makîonaga.

2Maû 34:20

Nîwacokire akîatha Hilikia, Ahikamu mûvîcî wa Shafani, Abudoni mûvîcî wa Mika, Shafani, karani na Asaia ndungata ya mûthamaki atîrî,

Ntha 24:1

Ngai-Mûnene nîwacokire akîra Musa atîrî, “Unûkia ûke kîrîmarî varî nie, we na Aroni na Nadabu na Abihu, na atongoria mîrongo mûgwanja a Isiraeli. Na mûrî wa varaca mwînamîrîre na mûngooce.

Ntha 24:9

Nao Musa, Aroni, Nadabu, Abihu, na atongoria mîrongo mûgwanja a Isiraeli nîmaaunûkirie kîrîmarî

Isaia 44:13

Mûvundi wa mbaû athimaga rûvaû, akarûkurura na karamu; nîacokaga akarûtenderia na randa. Nîacokaga akarûtenderia na randa rûgîe na mûvuanano ta wa mûndû na ûrî mûthaka, nîguo wîkarage varîa wigîtwe.

Jeremia 19:1

Ngai-Mûnene ambîrire atîrî, “Thiî, ûgûre nyûngû ya yûmba na woce atongoria amwe a andû a Isiraeli na athînjîri-Ngai arîa akûrû,

Jeremia 19:4

Nîmbîka ûguo nîûndû andû onthe nîmandiganîrîtie na makagwatia vandû ava mûgiro na njîra ya kûvîvîria ngai ciîngî ûbani, irîa o wana methe mao kana athamaki a Juda mataicî. Nîmecûrîtie nthamake ya andû matarî na mavîtia gûkû.

Jeremia 26:22

Mûthamaki Jehoiakimu nîwacokire agîtûma Elinathani mûvîcî wa Akibori vamwe na arûme engî mathiî Misiri nîguo magîre Uria.

Jeremia 26:24

Nwatî Jeremia ethagîrwa akîgitîrwa nî Ahikamu mûvîcî wa Shefani, nîguo ndakarekererue kûrî andû aûragwe.

Jeremia 29:3

Elasa mûvîcî wa Shafani, na Gemaria mûvîcî wa Hilikia, nîo Zedekia mûthamaki wa Juda aatûmire mavirîre Nebukadinezarû mûthamaki wa Babulonia maarûa îo Jeremia andîkîte akauga atîrî:

Jeremia 36:10

Baruku nîwathomere andû onthe ciugo cia Jeremia irîa ciandîkîtwe îvukuurî rîa gîkûnjo, arî nyombarî ya Ngai-Mûnene kanyombarî ka Gemaria mûvîcî wa Shafani ûrîa warî mwandîki. Kanyomba kau kaarî mwena wa îgûrû vakuvî na mwîrîga mûcerû wa nyomba ya Ngai-Mûnene.

Jeremia 44:21

“Mue, methe menyu ma tene, athamaki na atongoria enyu, vamwe na andû a vûrûri, nîmaarutire magongoona matûûrarî ma Juda, na varavararî cia Jerusalemu. Nwatî Ngai-Mûnene nîwamenyire maûndû mau na ndaariganîrwa.

Jeremia 5:5

Nîngûthiî kûrî anene na mbarie nao, nîûndû nîmaicî ûrîa Ngai-Mûnene endaga, nîmaicî watho wa Ngai wao.” Nwatî onthe nîmareganîte na Ngai-Mûnene; na makarega kûmwathîkîra.

Jeremia 52:27

Nake Nebukadinezarû mûthamaki wa Babuloni nîwamarivire na akîmaûragîra îtûûrarî rîa Ribula vûrûrirî wa Hamathi. Ûguo nîguo andû a Juda maatavirwe na makîthamua kuuma vûrûrirî wao.

Jeremia 7:9

Nî mwîaga, mûkaûragana, mûkatharia, mûkarutîra Baali magongoona na mûkagooca Ngai irîa mûtaicî.

Ezek 20:1

Mûthenya wa îkûmi wa mweri wa gatano, mwaka wa mûgwanja kuuma twathiî îthamîriorî, athuuri amwe a Isiraeli nîmaaûkire kûrî nie. Nîmeekarire nthî mbere yakwa makîenda gûtuîria wendi wa Ngai-Mûnene kuuma kûrî nie.

Ezek 8:10

Nînatonyire ndaarî na ngîroria. Rûthingorî gwecûrîte mbica cia nyamû cionthe irîa ikurumaga na irî mûgiro na mîvuano îrîa andû a Isiraeli maagoocaga.

Ezek 9:6

Ûragani athuuri arîa akûrû na arîa anini, mûrage anake na erîtu, ciana na aka, nwatî mûtikavutie mûndû ûrî na rûûri ûthiû wake. Ambîrîriani hekarûrî yakwa.” Kwoguo nîmaambîrîrie kûraga athuuri arîa maarî mbere ya hekarû.

Danieli 9:8

Ngai-Mûnene, tue, athamaki etû, aathani etû, na methe metû, tûrî na gîconoko nîûndû nîtûkûvîtîrîtie.

Ndari 11:16

Ngai-Mûnene nîwerire Musa atîrî, “Nyûnganîria athuuri mîrongo mûgwanja arîa wîcî atî nî atongoria a andû a Isiraeli na mûke mûrûngame îgemarî rîa Ngai-Mûnene.

Ndari 11:25

Ngai-Mûnene nîwacokire akînyûrûrûka arî îtuurî na akîarîria Musa. Nîwocire gîcunjî Kîam roho ûrîa aaveete Musa na akîûvecana kûrî athuuri acio mîrongo mûgwanja. Nao athuuri acio magîa na roho ûcio, nîmaambîrîrie kwaria ta arathi, nwatî gwa kavinda kanini.

Ndari 16:17

Wa mûndû gatagatîrî kenyu agooca kanyûngû ga kûvîvîrua ûbani, na ekîre ûbani na aûvire metharî ya kîgongoona.”

Ndari 16:35

Naguo mwaki nîwaumire îgûrû na ûgîûka ûkîvîvia andû magana maîrî ma mîrongo îtano (250) arîa maategagîra Ngai-Mûnene ûbani.

Ndari 7:50

Thaani îmwe ya thaavu ya ûrito wa ngiramu îgana rîa îkûmi (110 g) îcûrîte ûbani,

Luka 10:1

Vuva wa ûguo, Mwathani nîwathuurire andû engî mîrongo mûgwanja na aîrî, na akîmatûma aîrî aîrî mathiî mbere yake matûûrarî monthe na kûndû kuonthe kûrîa ke aageerie kûthiî.