Ezek 7:9 - ÎVUKU RÎA ÛVORO MWARO

⁹ Ndigaagûcaîra kana ngwîguîra ntha, nîngakûverithia kûringana na mîthiîre yaku mîcûku. Nîûkaamenya atî nînie Ngai-Mûnene mverithanagia.”

Ezek 7:9 ပူးပေါင်းရင်းမြစ်များ

Isaia 9:13

Ngai-Mûnene mwene vinya wonthe averithia andû a Isiraeli, matiamûcokerera.

Jeremia 13:14

Nîngamaringithania mûndû na mûndû ûrîa wîngî, methe nîaringithanie na avîcî ao. Ndikamakirîrîria, ndikamarekia, ndikameguîra ntha, nwatî nîngamacûkangia.”

Jeremia 21:7

Nie Ngai-Mûnene nîrauga atî vuva wa ûguo, nîngaavecana Zedekia mûthamaki wa Juda, ndungata ciake, na andû a îtûûra rîîrî, arîa magatigarua nî mîrimû, mbaara na yûra kûrî mûthamaki Nebukadinezarû wa Babuloni na nthû cienyu irîa ciendaga kûmûraga. Nebukadinezarû akamaûraga na rûviû na gûtirî mûndû ûgaatigara kana arekererue wana kana eguîrwa ntha.”

Jeremia 36:31

Na nîngamûverithia, njiarwa ciake na ndungata ciake nîûndû wa mevia mao. Nîngamaretera atûûri a Jerusalemu vamwe na andû a Juda maûndû monthe macûku marîa naaririe îgûrû rîao na makîrega kwîgua.”

Maca 2:17

Ngai-Mûnene nîwîkîte maûndû marîa eendete gwîka, nîavingîtie marîa aaugîte nîageka, kîrîa aavangîte kuuma tene omomorete atarî na ntha. Nîatûmîte nthû ikenerere kûverithua gwaku, nîatûgîrîtie athigari njamba arîa nthû ciaku.

Ezek 22:22

Wata ûrîa sîlûva îrarûragwa na mwaki, nwaguo mûkaararûrwa mûrî gatagatî ka îtûûra na nîmûkaamenya atî nînie Ngai-Mûnene mbîtûrûrîte marakara makwa kûrî mue.”

Ezek 23:49

Na nîmûkaaverithua nîûndû wa ûmaramari ûcio wenyu na mevia menyu ma kûgooca mîvuanano. Vîndî îo nîmûkaamenya atî nie nînie Mwathani Ngai-Mûnene.”

Ezek 5:11

“Kwoguo, nie Ngai-Mûnene, wata ûrîa ndûraga mwoyo, nîûndû nîmûgwatîtie nyomba yakwa mûgiro na njîra ya gwîka maûndû macûku, nîngaamûrega muonthe ndakwîguîra mûndû wana ûrîkû ntha.

Ezek 7:10

“Taroriani, mûthenya nîmûku; mûthiro wenyu nîmûkinyu. Mbûkanîrîro îcûrîte kûndû kuonthe na mwîtîîo ûkengîva.

Ezek 7:8

“Kavinda gatarî karaca nîngûmwîtûrûrîra marakara makwa. Nîmûtuîre ciira kûringana na mîthiîre yaku, na nîûgacokererwa nî maûndû menyu monthe macûku.

Mika 6:9

Ngai-Mûnene nî areta andû arîa matûûraga îtûûrarî na nîkwagîrîrîte mwîtigîre rîîtwa rîake; ke arauga atîrî: Tathikîrîriani mue mûgomanîte îtûûrarî!

Agal 6:7

Mûtikaveenue, Ngai ndanyûrûragua. Nîûndû mûndû agaaketha kîrîa avandaga.

Kûguû 20:13

Îria nîrîanenganîre arîa maakuîrîrîte kuo. Gîkuû na îcua nacio nîcianenganîre akuû arîa ciarî nao. Na onthe nîmaatuîrîrwe ciira kûringana na ûrîa meekîte.