Ezek 7:8 - ÎVUKU RÎA ÛVORO MWARO

⁸ “Kavinda gatarî karaca nîngûmwîtûrûrîra marakara makwa. Nîmûtuîre ciira kûringana na mîthiîre yaku, na nîûgacokererwa nî maûndû menyu monthe macûku.

Ezek 7:8 ပူးပေါင်းရင်းမြစ်များ

2Maû 34:21

“Thiîni mûkambûrîrie ûtaaro kûrî Ngai-Mûnene na nîûndû wa andû arîa matigarîte Isiraeli na Juda, ûvoro wîgiî ciugo cia îvuku rîîrî rîronekire. Ngai-Mûnene nîarakarîte nîtue nîûndû methe metû matiathîkîra Ngai-Mûnene, matieka kûringana na maûndû monthe marîa mandîke îvukuurî rîîrî.”

Thaburi 79:6

Îtûrûra marakara maku kûrî andû arîa matagwicî, kûrî mavûrûri monthe marîa matakûgoocaga.

Isaia 42:25

Kwoguo nîwametûrûrîre marakara make, na akîmarekereria matharîkîrwe na mbaara. Marakara make maamathiûrûrûkîrie mîena yonthe ta mwaki, nwatî matiataûkîrwa nî gîtûmi; marakara mau maamavîvirie nwatî matiethomithia ûndû.

Jeremia 36:31

Na nîngamûverithia, njiarwa ciake na ndungata ciake nîûndû wa mevia mao. Nîngamaretera atûûri a Jerusalemu vamwe na andû a Juda maûndû monthe macûku marîa naaririe îgûrû rîao na makîrega kwîgua.”

Jeremia 7:20

Kwoguo nie Mwathani Ngai nîrauga atî: rîu nîngwîtûrûra marakara makwa manene gûkû na makinyîre andû na nyamû cia kîthaka mîtî na mîmera yonthe ya nthî. Marakara makwa magaakana ta mwaki ûtangîvoreka.”

Maca 2:17

Ngai-Mûnene nîwîkîte maûndû marîa eendete gwîka, nîavingîtie marîa aaugîte nîageka, kîrîa aavangîte kuuma tene omomorete atarî na ntha. Nîatûmîte nthû ikenerere kûverithua gwaku, nîatûgîrîtie athigari njamba arîa nthû ciaku.

Maca 2:4

Nîwatungire ûta atwerekeretie ta tûrî nthû, nîwaûragire arîa onthe twendete na maatûkenagia. Arî îgemarî rîa mwarî wa Zayuni, nîatwîtîrîrîtie marakara make ta mwaki.

Maca 4:11

Ngai-Mûnene nîwonanirie marakara make, na agîtûrûra marakara make, nîwakanirie mwaki kûu Zayuni, ûrîa wavîvirie mîcingi yakuo.

Ezek 11:21

Nwatî andû arîa ngoro ciao irûmagîrîra indo irîa njûku na kûvoya mîvuanano, nîngaamaverithia kûringana na maûndû mau macûku mekîte. Nie Ngai-Mûnene nînie mbugîte ûguo.”

Ezek 14:19

“Narîo nîngîtûma mûrimû mûcûku kûu vûrûrirî nîrî na marakara, nîngatûma andû na nyamû ikue,

Ezek 16:43

We ndûraririkana maûndû marîa naagwîkire vîndî îrîa warî mwîthî, nwatî nîûndakarîtie na maûndû monthe marîa wîkîte. Kwoguo nie nîngûkûrîvia maûndû mau wekire. Na kinthî ndwongerere maûndû ma waga nthoni îgûrû rîa marîa wekire marî mûgiro?” Ûguo nîguo Ngai-Mûnene arauga.

Ezek 16:59

Tathikîrîria, Ngai-Mûnene araugîte atîrî, “Ngaagwîka wata ûrîa we wekire nîûndû wanyararire mîvîtwa yaku na ûkîthûkia kîrîkanîro.

Ezek 18:30

“Kwoguo mue nyomba ya Isiraeli nie nîngaamûtuîra ciira, wa mûndû kûringana na njîra ciake, ûguo nîguo Mwathani Ngai augîte. Îrireni na mûgarûrûke mûtigane na maûndû mau menyu macûku mûreka na mûtikareke mevia menyu mamûcûkangia.

Ezek 20:13

Nwatî andû a Isiraeli nîmaareganire nanie marî werûrî. Matiarûmîrîra irîra ciakwa nwatî nîmaaregire mawatho makwa, marîa mûndû angîmarûmîrîra mangîtûma atûûre mwoyo, na makîrega kûva thavatû ciakwa gîtîîo. Nînacokire ngîciria nîmetûrûrîre marakara nîmathirie viû marî werûrî.

Ezek 20:21

“Nwatî njiarwa ciao nîciatuîkire aremi na ikîregana nanie. Matiarûmîrîra irîra ciakwa na matiathîkîra mawatho makwa marîa mûndû amarûmîrîra matûmaga atûûra mwoyo. Nîmaaregire kûva thavatû ciakwa gîtîîo. Nînacokire ngîciria nîmetûrûrîre mang'ûrîka makwa nîguo nthirie marakara makwa kûrî o marî werûrî.

Ezek 20:33

Ngai-Mûnene arauga atîrî, “Wata ûrîa ndûûraga mwoyo, nîngaamwatha na vinya, na ûvoti wakwa wonthe nîrî na marakara.

Ezek 20:8

Nwatî nîmaareganire nanie na makîrega kûnthikîrîria. Gûtirî wanarî ûmwe wao watecanîrie maûndû marîa marî mûgiro meeriragîria, kana matiganîria mîvuanano ya kûgooca ya Misiri. Ngîcoka ngiuga nîngûmetûrûrîra mang'ûrîka makwa nthirie marakara makwa kûrî o marî vûrûrirî wa Misiri.

Ezek 22:31

Kwoguo nînîmetîrîrîtie marakara makwa. Nîmaavîvîtie na mwaki wa mang'ûrîka makwa kûringana na mavîtia mao ngamathiria.” Ûguo nîguo nie Ngai-Mûnene mbugîte.

Ezek 24:14

Nie Ngai-Mûnene nînie mbugîte ûguo. Îvinda nîkinyu rîa kûvingia ûrîa mbugîte. Ndikeericûkwa na ndigaakwîguîra ntha. Ngaagûtuîra ciira kûringana na mîthiîre yaku na ciîko ciaku.” Ûguo nîguo Ngai-Mûnene Ngai augîte.

Ezek 30:15

Nîngaarîtûrûrîra îtûûra rîa Pelusiumu rîrîa rîgitîre mûno vûrûrirî wa Misiri marakara makwa na nthirie mwîngî wa Thebesi.

Ezek 33:20

Nwatî mue andû a Isiraeli mugaga atî, ‘Njîra cia Mwathani tî cia kîvooto.’ Ngaatuîra wa mûndû kûringana na mîthiîre yake.”

Ezek 6:12

Arîa marî kûraca makarwara na makue. Arîa marî vakuvî makaaûragîrwa mbaararî, nake ûrîa ûkaavonoka maûndû mau maîrî akaaûragwa nî yûra. Ûguo nîguo ngaathiria marûrû makwa kûrî o.

Ezek 7:27

Mûthamaki nîagaacakayaga, na mûtongoria athirwe nî kîîrîgîrîro. Andû a vûrûri nîmagaatetemaga nî guoya. Nie nanie ngaamekaga maûndû kûringana na mîthiîre yao na nîngaamatuîra ciira wata ûrîa magîrîrwe nî gûtuîrwa, na nîmakaamenya atî nînie Ngai-Mûnene.”

Ezek 7:9

Ndigaagûcaîra kana ngwîguîra ntha, nîngakûverithia kûringana na mîthiîre yaku mîcûku. Nîûkaamenya atî nînie Ngai-Mûnene mverithanagia.”

Ezek 9:10

Kwoguo nie, ndikaamarekera kana nîmeguîra ntha. Ngaamaverithia kûringana na ûrîa mekîte.”

Ezek 9:8

Na rîrîa maaûragaga andû, nînatigirwe nîrî nienga na nînegwîthirie ngîturumithia ûthiû wakwa nthî na ngîrîra ngiugaga atîrî, “Ûûi Ngai-Mûnene, nîkwa ûkûthiria andû onthe a Isiraeli arîa matigarîte ûgîtûrûrîra Jerusalemu marakara maku?”

Danieli 9:11

Andû onthe a Isiraeli nîmaaunire watho waku, na makîrega gûkwathîkîra. Tue nîtwakûvîtîrie we Ngai-Mûnene na tûkîrega kwathîkîra Watho ûrîa waveere ndungata yaku Musa. Kwoguo tûrî anyite nî kîrumi na matuîro marîa mandîke wathorî wa Musa, ndungata yaku.

Danieli 9:27

Mûtongoria ûcio nîakaarûtha kîrîkanîro kîrûmu na andû eengî îvinda rîa mîaka mûgwanja. Îvinda rîa mîaka îthatû na nuthu, nîakaarûngamia matega na magongoona. Vandû varîa vatheru Mûno hekarûrî, nîvakaarûngamua kîrîa kîrî mûgiro nginya rîrîa ûrîa wakigire vo agaacûkangua wata ûrîa Ngai aavangire.’ ”

Hosea 12:3

Mbere ya Jakovu aciarwe nîwagianire na mûrwang'ina; na atuîka mûndû mûgima nîwagianire na Ngai.

Hosea 5:10

Atongoria a Juda mekariî ta andû arîa macenjagia mîvaka ya Mîgûnda. Nie nîngametîrîria marakara makwa ta manjî.

Nahumu 1:6

Nû ûngîvota gwîtirîria marakara ma Ngai-Mûnene? Nû ûngîvota gwîtirîria ûrûrû wa marakara make? Mang'ûrîka make metûrûragwa ta mwaki; na nîenyûrangaga mathiga inuku.

Kûguû 14:10

wa nake nîakaanyua ndivei ya mang'ûrîka ma Ngai, îkîrîtwe gîkomberî Kîam marakara make îtarî ndwekie! Andû onthe arîa mageeka ûguo nîmakaaverithua na mwaki na ûviriti marî mbere ya araika arîa atheru na mbere ya Gatûrûme.