Ezek 7:4 - ÎVUKU RÎA ÛVORO MWARO

⁴ Ndikamûcaîra na ndikamwîguîra ntha, nwatî nîngamûverithia kûringana na mîtugo yenyu. Nîngamûverithia nîûndû wa maûndû marîa marî magigi mwîkîte, na nîmûkaamenya atî nie nînie Ngai-Mûnene.”

Ezek 7:4 ပူးပေါင်းရင်းမြစ်များ

Jeremia 13:14

Nîngamaringithania mûndû na mûndû ûrîa wîngî, methe nîaringithanie na avîcî ao. Ndikamakirîrîria, ndikamarekia, ndikameguîra ntha, nwatî nîngamacûkangia.”

Jeremia 16:18

Nîngatûma marîve thirî wa mevia mao maita maîrî, nîûndû nîmagwatîtie vûrûri wakwa mûgiro na ngai cia mîvuano irîa itarî mwoyo na magecûria vûrûri wakwa na maûndû marî magigi.”

Jeremia 25:14

Andû a Babuloni nîmagaatuîka ngombo cia mavûrûri mengî na athamaki engî. Nîngamaverithia kûringana na maûndû macûku marîa meekire.”

Ezek 11:21

Nwatî andû arîa ngoro ciao irûmagîrîra indo irîa njûku na kûvoya mîvuanano, nîngaamaverithia kûringana na maûndû mau macûku mekîte. Nie Ngai-Mûnene nînie mbugîte ûguo.”

Ezek 12:20

Matûûra marîa marî na andû magaatigwa marî manangîku na vûrûri ûtuîke werû. Namue nîmûgaacoka mûmenye atî, nie nînie Ngai-Mûnene.”

Ezek 16:43

We ndûraririkana maûndû marîa naagwîkire vîndî îrîa warî mwîthî, nwatî nîûndakarîtie na maûndû monthe marîa wîkîte. Kwoguo nie nîngûkûrîvia maûndû mau wekire. Na kinthî ndwongerere maûndû ma waga nthoni îgûrû rîa marîa wekire marî mûgiro?” Ûguo nîguo Ngai-Mûnene arauga.

Ezek 22:31

Kwoguo nînîmetîrîrîtie marakara makwa. Nîmaavîvîtie na mwaki wa mang'ûrîka makwa kûringana na mavîtia mao ngamathiria.” Ûguo nîguo nie Ngai-Mûnene mbugîte.

Ezek 23:31

Nîwarûmîrîre mîthiîre îrîa yarî na mwarwanyûkwe, kwoguo gîkombe kîrîa aanyuîrîre nîkîo wanawe ûkanyuîrîra.”

Ezek 23:49

Na nîmûkaaverithua nîûndû wa ûmaramari ûcio wenyu na mevia menyu ma kûgooca mîvuanano. Vîndî îo nîmûkaamenya atî nie nînie Mwathani Ngai-Mûnene.”

Ezek 24:14

Nie Ngai-Mûnene nînie mbugîte ûguo. Îvinda nîkinyu rîa kûvingia ûrîa mbugîte. Ndikeericûkwa na ndigaakwîguîra ntha. Ngaagûtuîra ciira kûringana na mîthiîre yaku na ciîko ciaku.” Ûguo nîguo Ngai-Mûnene Ngai augîte.

Ezek 33:29

Rîrîa ngaatûma vûrûri ûtuîke werû nîûndû wa maûndû marîa marî mûgiro meekire, nîmakaamenya atî nie nînie Ngai-Mûnene.”

Ezek 5:11

“Kwoguo, nie Ngai-Mûnene, wata ûrîa ndûraga mwoyo, nîûndû nîmûgwatîtie nyomba yakwa mûgiro na njîra ya gwîka maûndû macûku, nîngaamûrega muonthe ndakwîguîra mûndû wana ûrîkû ntha.

Ezek 6:14

Nîngaakûnjûra njara yakwa nîguo njûkangie vûrûri wao kûrîa matûûraga ûtuîke îganjo, kuuma werûrî nginya îtûûrarî rîa Ribula rîrîa rîrî mwena wa rûgûrû. Nao nîmagaacoka mamenye atî nie nînie Ngai-Mûnene.”

Ezek 6:7

Andû makaaûragîrwa wa kûu mûrî na nîmûkaamenya atî nînie Ngai-Mûnene.

Ezek 7:27

Mûthamaki nîagaacakayaga, na mûtongoria athirwe nî kîîrîgîrîro. Andû a vûrûri nîmagaatetemaga nî guoya. Nie nanie ngaamekaga maûndû kûringana na mîthiîre yao na nîngaamatuîra ciira wata ûrîa magîrîrwe nî gûtuîrwa, na nîmakaamenya atî nînie Ngai-Mûnene.”

Ezek 7:3

“Mue andû a Isiraeli mûthiia nîûmûkinyîrîte; nîngwîtûrûra marakara makwa kûrî mue. Ngamûtuîra kûringana na mîtugo yenyu, na nîngamûverithia nîûndû wa maûndû menyu macûku.

Ezek 7:9

Ndigaagûcaîra kana ngwîguîra ntha, nîngakûverithia kûringana na mîthiîre yaku mîcûku. Nîûkaamenya atî nînie Ngai-Mûnene mverithanagia.”

Ezek 8:18

Kwoguo nîngamaverithia nîrî na marakara. Ndikaamacaîra kana nîmeguîra ntha. Wana mangîkaavoya maugîrîrîtie ndikaamathikîrîria.”

Ezek 9:10

Kwoguo nie, ndikaamarekera kana nîmeguîra ntha. Ngaamaverithia kûringana na ûrîa mekîte.”

Hosea 12:2

Ngai-Mûnene arî na ciira na andû a Juda; na nîakûverithia Juda nîûndû wa ciîko ciake njûku, na amûrîve nîûndû wa ciîko ciake mbaro.

Hosea 9:7

Mîthenya ya kûverithania nî mîkinyu, mîthenya ya kwîrîvîrîria nîmîkinyu; andû a Isiraeli nwa nginya mamenye mûthenya ûcio. Mue mugaga atî, “Mûrathi nî kîrimû na mûndû ûrîa ûrî na Roho arî na ngoma.” Mugaga ûguo nîûndû wa mevia menyu meengî, na nîûndû wa rûmena rwenyu rûnene îgûrû rîake.

Amosi 7:8

Nake Ngai-Mûnene nîwambîrire atîrî, “Amosi, ûrona ndûî?” Nanie nînamûcokerie atîrî, “Nîrona kabirû.” Ngai-Mûnene nîwacokire akîmbîra atîrî, “Taroria! Nînaiga kabirû gatagatî ka andû akwa a Isiraeli. Ndingîricûkwa rîngî îgûrû rîgiî kûmaverithia.

Zakaria 11:6

Ngai-Mûnene augîte atîrî, “Ndigûcoka kwîguîra andû a gûkû nthî ntha rîngî. Nîndiganîria wa mûndû njararî cia mûndû ûrîa wîngî na nîmatiganîrie wa mûndû njararî cia mûthamaki wake. Nao nîmakaavinyîrîria nthî, na gûtirî mûndû ngaavonokia njararî ciao.”

Ahib 10:30

Tue nîtwîcî ûrîa waugire atîrî, “Kwîrîvîrîria nî gwakwa, nie nîngerîvîria,” na agîcoka akiuga, “Mwathani nîke ûgaatuîra andû ake.”