Ezek 7:20 - ÎVUKU RÎA ÛVORO MWARO

²⁰ Nîmeetîîaga nîûndû wa ûthaka wa mathiga mao ma goro ma kwîgemia, na nîmaamatûmîre kûthondeka mîvuanano îrî magigi na mîmene mûno. Kwoguo nîngaatûma ûthaka ûcio wao ûtuîke kîndû kîrî mûgiro kûrî o.

Ezek 7:20 ပူးပေါင်းရင်းမြစ်များ

2Atha 21:4

Nîwatumire metha cia kîgongoona hekarûrî ndaarî, kûrîa Ngai-Mûnene aaugîte atîrî, “Rîîtwa rîakwa rîkaagocagîrwa Jerusalemu.”

2Atha 21:7

Nîwaigire mûvuanano wa ngai ya ngai ya Ashera hekarûrî, kûrîa Ngai-Mûnene eerîte Daudi na mûvîcî Solomoni atîrî, “Hekarûrî îno gûkû Jerusalemu, nîkuo nthurîte kuuma kûrî mîvîrîga yonthe ya Isiraeli na nîkuo ngûtûûra ngoocagîrwa.

2Maû 2:9

gwatûra mbaû cia kwîgana nîûndû hekarû îrîa nîrenda gûtuma îkethîrwa îrî nene na ya magegania.

2Maû 36:14

Athînjîri-Ngai na atongoria a andû a Juda nîmeekire maûndû macûku ma kûgooca ngai cia mîvuanano ta marîa meekagwa nî mavûrûri marîa mengî. Kwoguo nîmaagwatirie hekarû ya Ngai-Mûnene mûgiro, îrîa ke mwene aamûrîte kûu Jerusalemu.

Ezira 3:12

Andû eengî nîmaaugagîrîria marî na gîkeno. Nwatî athînjîri-Ngai eengî, Alawi, na anene a nyomba cia andû a Isiraeli arîa maarî akûrû na moonete hekarû îrîa ya mbere, nîmaarîrire mona mûcingi wa hekarû îo ya kaîrî.

Thaburi 48:2

Zayuni, kîrîma Kîam Ngai, nî kîraca na nî kîthaka; îtûûra rîa mûthamaki mûnene nîrîkenagia andû onthe a nthî.

Thaburi 50:2

Ngai nîarakenga arî Zayuni, îtûûra rîrîa rîthaka mûno.

Isaia 30:22

Nîmûgaacoka mûcûkangie mîvuanano yenyu ya gwacwa îrîa îvakîtwe sîlûva na mîvuanano yenyu îrîa îvakîtwe thaavu. Nîmûkaainyagia ta indo irî gîko, mûkiugaga atîrî, “Iroûra!”

Isaia 64:11

Nyomba yetû îrîa ntheru na nthaka, kûrîa methe metû maagûkumagîria, nîîvîvîtue na mwaki îkavîa viû. Nakuo kûndû gwetû kuonthe kûrîa kwarî kûthaka gûtigîtwe kwanangîkîte.

Jeremia 7:14

Kwoguo, nîmbîka hekarû yakwa îrîa mwîvokete na kûndû gûkû naveere methe menyu ta ûrîa nekire Shilo.

Jeremia 7:30

“Andû a Juda nîmekîte maûndû macûku mbere yakwa, nîmekîrîte mîvuanano hekarûrî yakwa na magatûma îgwatwa nî mûgiro.

Maca 1:10

Nthû ciake nîciocire indo ciake cionthe cia goro, nîwonire andû a ndûrîrî magîtonya hekarûrî, kûrîa Ngai-Mûnene aamagirîtie gûtonya.

Maca 2:1

Ngai-Mûnene arî na marakara, nîaigîte andû a Zayuni ndumarî. Ngai-Mûnene nîanyûrûrûkîtie riiri wa Isiraeli kuuma îgûrû nginya nthî. Mûthenya ûrîa aarakarire ndaaririkana kûrîa magûrû make makinyangaga.

Maca 2:7

Ngai-Mûnene nîanyararîte metha yake ya kîgongoona, na akaregana na hekarû yake. Nîarekereretie nthingo cia nyomba cia athamaki ciomomorwe nî nthû, na nîmaanegenete mûno marî hekarûrî ya Ngai-Mûnene, ta înegene rîrîa rîthagîrwa marugarî.

Ezek 11:18

Rîrîa magaacoka vûrûrirî ûcio, nîmakaaruta indo cionthe irîa menete na mîvuanano yonthe kuuma kuo.

Ezek 16:16

Nîwocire nguo imwe ciaku na ûkîgemia kûndû kûrîa warûthîte gwa kûvoera na ûkîvûrîra ûmaraa kuo. Ûndû ta ûcio ndwanoneka rîngî na ndûkooneka.

Ezek 16:19

Irio ciakwa irîa Nie nakûveere, cia mûtu ûrîa mûvinyu, maguta ma ndamaiyû na ûûkî, warutire mîvuanano îo irî îgongoona rîa mûtararûko ûrîa ûnungaga waro nîguo ûmîkenie.” Ûguo nîguo Ngai-Mûnene arauga.

Ezek 23:38

Na twa ûguo wonga, mûthenya wa ûcio nîmaagwatirie vandû vakwa varîa vatheru mûgiro na nîmaaregire gûtîîa thavatû ciakwa.

Ezek 24:21

mbîre andû a Isiraeli atî nîmwîtîîaga na ûnene wa hekarû yake, nîmûmîriragîria na nîmûkenaga nîyo mûno mûkîmîona. Ngai-Mûnene nîakagwatia nyomba îo mûgiro na ciana cienyu cia anake na cia erîtu irîa mwatigire vuva, ikaaûragwa na rûviû.

Ezek 5:11

“Kwoguo, nie Ngai-Mûnene, wata ûrîa ndûraga mwoyo, nîûndû nîmûgwatîtie nyomba yakwa mûgiro na njîra ya gwîka maûndû macûku, nîngaamûrega muonthe ndakwîguîra mûndû wana ûrîkû ntha.

Ezek 7:22

Nîngaamatiganîria nîguo magwatie vandû vakwa varîa vatheru mûgiro, nao acunani matonye kuo na mavagwatie mûgiro.

Ezek 9:7

Nîwacokire akîmera atîrî, “Gwatiani hekarû mûgiro, na kûu kîvarorî Kîamyo mûgwîcûrie ciimba. Thiîni rîu!” Kwoguo nîmaathiîre na makîambîrîria kûraga andû îtûûrarî.

Hagai 2:3

“Kûrî na mûndû wanarî ûmwe gatagatîrî kenyu ûngîririkana ûrîa hekarû îo yarî na riiri? Rîu mwonaga îkariî atîa? Mwonaga takwa îtarî kîndû varî.

Atir 8:24

Gideoni nîwathiîre mbere na kûmeera atîrî, “Mbîtîkîriani nîmûvoye kîndû kîmwe. Nakîo nî atî: Wa ûmwe wa cienyu nîamve icûvî cia matû irîa aatavire.” (Amidiani maarî na icûvî cia matû cia thaavu nîûndû maarî Aishumaeli.)

Atir 8:27

Gideoni nîwarûthire mûvuanano wa thaavu icio na akîwiga Ofira, îtûûrarî rîake. Nao Aisiraeli onthe nîmaatiganîrie Ngai na makîambîrîria kûmîgooca. Nayo nîyatuîkire mûtego kûrî Gideoni na andû a mûciî wake.