Ezek 7:13 - ÎVUKU RÎA ÛVORO MWARO

¹³ Mwendia ndagaacokererwa nî kîndû kîrîa eendirie wana angîtûûra mwoyo, nîûndû marakara ma Ngai magaakinyîra andû onthe. Kwoguo gûtirî mûndû ûgaatigara mwoyo nîûndû wa mevia make.

Ezek 7:13 ပူးပေါင်းရင်းမြစ်များ

Esita 8:8

Ûndû wa wonthe wathanîtwe nî mûthamaki wîkwe na ûgekîrwa mûvûri na caini yake, ndûngîgarûrwa. Kwoguo nwa mwandîkîre Ayahudi ûndû wa wonthe ûrîa mûngîenda. Nwa mwandîke mûgîtûmagîra rîîtwa na mûvûri wa mûthamaki, nîûndû ûndû wa wonthe wathanîtwe nî mûthamaki na ûgekîrwa mûvûri wake ndûngîgarûrîka.”

Ayubu 15:25

Nîûndû nîakûnjagîra Ngai ngundi, na akang'athîria Mwene Vinya Wonthe.

Thaburi 52:7

“Taroriani, mûndû ûtevoka Mwathani arî mûgitîri wake, nwatî aaigire mwîvoko wake varî ûtonga wake mwîngî na akiga ûgitîri wake varî ûtonga wake.”

Mûvunjia 8:8

Gûtirî mûndû ûrî na ûvoti wa kûgiria akua kana ûrî na ûvoti wa mûthenya wa gûkua. Îo nî mbaara tûtangîûra kuuma kûrî yo na waganu ndûngîvonokia mûndû mwaganu.

Ezek 12:25

Nwatî nie Ngai-Mûnene nîngaaragia na ûndû ûrîa naria nîûkaavingua ûtagwîkarîrîria. Kavinda ga ûtûûro wenyu, mue aremi a Isiraeli, ngaragia ûndû na ûgekîka. Nie Ngai-Mûnene nînie mbugîte ûguo.”

Ezek 12:28

Kwoguo meere nie Ngai-Mûnene, mbugîte atî ciugo ciakwa cionthe gûtirî gîgeekarîrîria rîngî. Ûrîa mbarîtie nwanginya wîkîkage. Ûguo nîguo nie Ngai-Mûnene mbugîte!”

Ezek 13:22

“Maveeni menyu nîmathirîtie andû arîa athingu vinya, na ndiendaga kûmathiria vinya. Nîmwîkîrîte andû arîa aganu vinya nîguo matigatige gwîka maûndû ma waganu mavonokie mîoyo yao.

Alawi 25:13

“Indo cionthe irîa ciendetue igaacokerua ene mwakarî ûcio wa mîrongo îtano.

Alawi 25:31

Nwatî nyomba irîa irî icagirî irîa itarî mbirigîre na rûthingo igeekagwa ta mîgûnda. Ene cio nwa maikûûre rîngî na ciagîrîrwe nî gûgaacokua mwakarî wa mîrongo îtano.