Ezek 6:7 - ÎVUKU RÎA ÛVORO MWARO

⁷ Andû makaaûragîrwa wa kûu mûrî na nîmûkaamenya atî nînie Ngai-Mûnene.

Ezek 6:7 ပူးပေါင်းရင်းမြစ်များ

2Atha 19:19

Kwoguo we Ngai-Mûnene Ngai wetû, nakûthaitha ûtûvonokie kuuma kûrî andû a Asîria, nîguo andû a mothamaki monthe ma nthî mamenye atî we Ngai-Mûnene tu, nîwe Ngai.”

Ntha 14:18

Na vîndî îrîa ngaamavoota, andû a Misiri nîmakaamenya atî nie nînie Ngai-Mûnene.”

Ntha 14:4

Nie nîngaatûma ngoro yake yûme na nîakamûrûmîrîra. Naguo ûvootani wakwa varî mûthamaki wa Misiri na athigari ake a mbaara ûgatûma ngîa gîtîîo. Nao andû a Misiri nîmagaacoka mamenye atî Nie nînie Ngai-Mûnene.” Na andû a Isiraeli nîmeekire wata ûrîa meerirwe.

Ntha 7:5

Rîrîa ngaakûnjûra njara yakwa îmaûkîrîre na ndute andû a Isiraeli vûrûrirî wao, nîrîo andû a Misiri makaamenya atî nie nînie Ngai-Mûnene.”

Jeremia 14:18

Nîngiumagara nthiî mûgûndarî, monaga ciimba cia andû arîa maûragîrîtwe mbaararî, nathiî matûûrarî monaga andû magîkua nî yûra! Nîûndû arathi na athînjîri-Ngai methîrîtwe makîruta wîra wao vûrûrirî, matarî na ûmenyo.’ ”

Jeremia 18:21

Kwoguo rekereria ciana ciao irîwe nî yûra, tiga maûragîrwe mbaararî, aka ao marokuîrwa nî ciana ciao na athuuri ao. Arûme ao maroûragwa nî mîrimû mîcûku, na anake ao maûragîrwe mbaararî.

Jeremia 25:33

Mûthenya ûcio andû arîa makaûragwa nî Ngai-Mûnene makanyagania kuuma mûthiia ûmwe wa nthî kûthiî ûrîa wîngî. Matigacakaîrwa, matikaûnganua kana mathikwa; makanyagarûkua nthî ta irûndo cia thumu.

Maca 4:9

Kava arîa maaûragîrwe mbaararî, gûkîra arîa maakwire nî yûra, maakwire kavora nî yûra, nîûndû wa gûtura irio.

Ezek 11:10

Ngaamûtuîrîra kûragwa na mûragwe mûrî mûvakarî wa Isiraeli, na nîmûkaamenya atî nînie Ngai-Mûnene.

Ezek 11:12

Nîmûkaamenya atî nie nînie Ngai-Mûnene ûrîa mwaregire kûrûmîrîra mawatho make kana mûvingia irîra ciake, nwatî mwekire kûringana na irîra cia ndûrîrî irîa imûthiûrûrûkîrîtie.”

Ezek 12:15

“Rîrîa ngaamanyagania ndûrîrîrî ciîngî na mavûrûrirî ma kûraca, nîmakaamenya atî nie nînie Ngai-Mûnene.

Ezek 12:19

Îra andû a vûrûri ûyû ndûmîrîri ya Ngai-Mûnene îgiî andû arîa matûûraga Jerusalemu vûrûrirî wa Isiraeli atî, makaarîa irio magîtetemaga na makaanyua manjî makinainaga. Vûrûri wao ndûkethîrwa na kîndû nîûndû andû onthe arîa matûûraga kuo nî aremi.

Ezek 13:14

Nîngoomomora viû rûthingo rûu mwavakire rangi mûcerû, nîguo mathiga ma ruo ma mûcingi matigwe marî ûtherirî. Rûthingo rûu rwagwa, nîrûkamûraga muonthe, na andû onthe nîmakaamenya atî nie, nînie Ngai-Mûnene.

Ezek 13:21

Wana nîngatembûranga itambaa cia gwîkunîkîra, na mvonokie andû akwa kuuma njararî cienyu na matigacoka gûtuîka ta nyamû cia kûguîmwa nîmue rîngî na nîmûkaamenya atî, nie nînie Ngai-Mûnene.

Ezek 13:23

Kwoguo, mue mûtigaacoka kwona cioneki icio cia maveeni rîngî kana mûragûria. Nîngaavonokia andû akwa kuuma kûrî mue, na nîmûkaamenya atî, nie nînie Ngai-Mûnene.”

Ezek 13:9

Nîngaaverithia arathi arîa monaga cioneki itarî cia ma na marathaga maûndû ma maveeni. Matikethîrwa marî a gîkundi Kîam andû akwa vîndî îrîa makagomana gûtua ciira, kana mûtaranîrue na andû a Isiraeli. Matigaatonya vûrûrirî wa Isiraeli, na nîmakaamenya atî, nie nînie Ngai-Mûnene.

Ezek 14:8

Nîngaaregana nake na ndûme atuîke ûndû wa kwaragua na atuîke rûûri kûrî andû. Nîngaacoka nîmûrute gatagatî ka andû akwa; namue nîmûkaamenya atî, nie nînie Ngai-Mûnene.

Ezek 15:7

na nîngaamaverithia. Nîmakaaûra maume kûrî mwaki, nwatî makaavîvua nî mwaki, na nîmûgaacoka mûmenye atî nie nînie Ngai-Mûnene.

Ezek 20:26

Nînamagwatirie mûgiro na njîra ya matega mao na ngîtûma maruta marikithathi mao marî magongoona ma kûvîvua. Nînatûmire macûkangue nîguo mamenye atî nînie Ngai-Mûnene.

Ezek 20:38

Andû arîa aremi na arîa mevagia nîngaamaruta gatagatî kenyu. Nîngaamaruta kuuma vûrûrirî ûrîa matûûraga, nwatî ndigetîkîra matonya vûrûrirî wa andû a Isiraeli. Nîmûgaacoka mûmenye atî nie nînie Ngai-Mûnene.

Ezek 20:42

Rîrîa ngaamûcokia vûrûrirî wa Isiraeli, vûrûri ûrîa nerîrîre methe menyu na mwîvîtwa atî nîngaamava, nîmûkaamenya atî nie nînie Ngai-Mûnene.

Ezek 20:44

Mue andû a Isiraeli nîmûkaamenya atî nie Ngai-Mûnene nînie mbîkîte maûndû mau monthe nîûndû wa rîîtwa rîakwa nie mwene. Ndikethîrwa nîmwîkîte kûringana na ûrîa mwagîrîrwe nîgwîkwa nîûndû wa wîvia wenyu, wana kana kûringana na maûndû menyu marîa macûku.” Ûguo nîguo Ngai-Mûnene augîte.

Ezek 22:16

Namo maûndû marîa ûgeeka nîmagaatûma wîgwatie gîko ndûrîrî icio ikîonaga, nwatî nîûkaamenya atî Nie nînie Ngai-Mûnene.”

Ezek 23:49

Na nîmûkaaverithua nîûndû wa ûmaramari ûcio wenyu na mevia menyu ma kûgooca mîvuanano. Vîndî îo nîmûkaamenya atî nie nînie Mwathani Ngai-Mûnene.”

Ezek 24:24

Ezekieli nîagaatuîka rûûri kûrî mue. Mûgeeka maûndû monthe kûringana na ûrîa ke eekire. Rîrîa maûndû mau makaavinga nîmûgaacoka kûmenya atî nînie Mwathani Ngai-Mûnene.”

Ezek 24:27

Mûthenya wa ûcio nîûkaavota kwarîria mûndû ûrîa ûkaavonoka na ndûkaaremwa nî kwaria rîngî. Nawe nîûgaatuîka rûûri kûrî o, na nîmakaamenya atî Nie nînie Ngai-Mûnene.”

Ezek 25:17

Nîngaamaverithia nîrî na marakara mûno na nîmakaamenya atî nie nînie Ngai-Mûnene.”

Ezek 26:6

Nao andû arîa marî matûûrarî marîa mariganîtie narîo na kûu mîgûndarî nîmakaaûragwa na mviû cia njûra, na andû a Turo nîmakaamenya atî, nie nînie Ngai-Mûnene.”

Ezek 28:23

Nîngaatûma mîrimû îtûûrarî rîu na nthakame îtûrûrwe tûcîrarî twa rîo. Rîkaatharîkîrwa kuuma mîena yonthe nî nthû, na andû arîa makaaûragwa makaagwa wa kûu îtûûrarî, na nîmûkaamenya atî nie nînie Ngai-Mûnene.”

Ezek 30:26

Nîngaanyagania andû a Misiri kûrî ndûrîrî ciîngî na ndûme maûrîre mavûrûrirî monthe ma nthî. Nao nîmakaamenya atî, nie nînie Ngai-Mûnene.”

Ezek 32:15

Rîrîa ngaatûma vûrûri wa Misiri wanangîke na ûtuîke werû, na indo ciao cionthe itavwe na ndûme andû akuo onthe maûragwe, nîmakaamenya atî nie nînie Ngai-Mûnene.

Ezek 35:15

wata ûrîa we wakenire rîrîa vûrûri wa Isiraeli wanangirwe. Kwoguo ûguo nîguo ngaagwîka. Kîrîma gîa Seiru nîgîgaatuîka werû, wana vûrûri wonthe wa Edomu. Nao nîmakaamenya atî, nie nînie Ngai-Mûnene.”

Ezek 38:23

Kwoguo, mavûrûri meengî nîmakaamenya atî, nie nînie Ngai-Mûnene na nîngoonania ûnene na ûtheru wakwa kûrî ndûrîrî nyîngî.”

Ezek 6:13

Ciimba ikaanyagania kûrîa ngai ciao cia mîvuanano irî mîenarî yonthe ya metha ciao cia magongoona, tûrîmarî tuonthe na irîmarî cionthe; mîtîrî yonthe mînene na mîtî îrîa mîruru ya mîvuru kûrîa maarutagîra magongoona marîa maanungaga waro ma gûkenia ngai ciao cia mîvuanano.

Ezek 6:6

Matûûra menyu monthe nîmagaacûkangua na kûndû kwenyu kûrîa gûtûgîru kwomomorwe, nîguo metha cienyu cia magongoona itiganîrue na icûkangue. Na ngai cia mîvuanano ciunangwe ithire viû. Metha irîa mûvîvagîria ûbani nîkaunangwa wana indo cionthe irîa marûthîte ithire viû.

Ezek 6:8

“Kûnarî ûguo, nîngaatûma andû amwe matigare marî mwoyo nîguo kûgîe na arîa makaavonoka kûragwa mbaararî, nao nîmakaanyaganîria mavûrûrirî mengî.

Ezek 7:4

Ndikamûcaîra na ndikamwîguîra ntha, nwatî nîngamûverithia kûringana na mîtugo yenyu. Nîngamûverithia nîûndû wa maûndû marîa marî magigi mwîkîte, na nîmûkaamenya atî nie nînie Ngai-Mûnene.”

Ezek 7:9

Ndigaagûcaîra kana ngwîguîra ntha, nîngakûverithia kûringana na mîthiîre yaku mîcûku. Nîûkaamenya atî nînie Ngai-Mûnene mverithanagia.”

Ezek 9:7

Nîwacokire akîmera atîrî, “Gwatiani hekarû mûgiro, na kûu kîvarorî Kîamyo mûgwîcûrie ciimba. Thiîni rîu!” Kwoguo nîmaathiîre na makîambîrîria kûraga andû îtûûrarî.