Ezek 5:12 - ÎVUKU RÎA ÛVORO MWARO

¹² Gîcunjî kîmwe Kîam ithatû Kîam andû enyu, nîmagaakua nî mûrimû mûcûku na yûra marî kûu mûrî; gîcunjî kîmwe Kîam ithatû kîngî nîgîgaakuîra mbaararî kûu îtûûrarî; gîcunjî kîu kîngî Kîam ithatû nîngaakînyagania nthî yonthe na njoke nîkîrûmîrîrie na rûviû.

Ezek 5:12 ပူးပေါင်းရင်းမြစ်များ

Isaia 1:24

Kwoguo Ngai-Mûnene Mwathani mwene vinya wonthe, kîvoti wa Isiraeli arauga atîrî, “Nîngetûrûra marakara makwa kûrî nthû ciakwa, na nîîrîvîrîrie kûrî andû arîa mareganaga nanie.

Jeremia 13:24

Ngaamûnyagania ta macaki, magûrûkîtue nî rûkûngi kuuma werûrî.

Jeremia 14:12

Wana ethîrwa nîmarenyerekia, nie ndikegua mathaithana mao, na wana ethîrwa nîmarandutîra matega ma kûvîvua, na ma irio cia mûgûnda; ndikamamûkîra. Îthenya rîa ûguo, nîkwa ngamaûraga mathire na njîra ya mbaara, yûra na mîrimû.”

Jeremia 15:2

Na mangîkûûria, ‘Nîtûthiî kû?’ Ûkaamera, ‘Nie Ngai-Mûnene mbugîte atî: Arîa matuîrîrîtwe kûûragwa nî mîrimû makaaûragwa nî mîrimû, arîa matuîrîrîtwe kûûragîrwa mbaararî makaaûragîrwa mbaararî, arîa matuîrîrîtwe makaûragwa nî yûra makaaûragwa nî yûra, arîa matuîrîrîtwe gûtavwa mavirwe îthamîriorî nîmagaatavwa mavirwe kuo.’ ”

Jeremia 15:9

Mûndûmûka ûrîa warî na îgweta rîa kwîthîrwa na twana mûgwanja, rîu nîtûrathirire tuonthe wa rîmwe, nî araikirie nthari, riûa rîake rîrathûire kûrî mûthenya. Nîatuîkîte wa gûconorithua na kûnyararwa, nao arîa maatigarire matarî akuû, nîngamatiganîria maûragwe nî nthû ciao. Ûguo nîguo nie Ngai-Mûnene nîrauga.”

Jeremia 21:9

Mûndû wa wonthe ûgatigwa îtûûrarî rîîrî nîakaaûragîrwa mbaararî nî yûra na mûrimû. Nwatî ûrîa ûkaumîra na enenganîre kûrî Akalidei arîa mamûrigicîrîtie, nîakaavonokia mwoyo wake.

Jeremia 24:10

Nîngatûma magîe na mbaara, yûra na manyitwe nî mîrimû mîcûku nginya rîrîa magacûkangua onthe mathire viû vûrûrirî ûrîa namaveere vamwe na methe mao.”

Jeremia 42:22

Kwoguo, rîu menyani nama atî kûndû kûu mwîrirîrîtie kûthiî gûtûûra, nîmûgaakuîra kuo nî mbaara, yûra na mîrimû.”

Jeremia 44:27

Nîngûroria mone atî ngakûretagîra maûndû macûku na ndûkona maûndû maro. Andû onthe a Juda arîa marî Misiri nîmagacûkangua na yûra na mbaara mathire viû.

Jeremia 9:15

Kwoguo Ngai-Mûnene mwene vinya wonthe, Ngai wa Isiraeli arauga atî: Nîngaava andû aya mîtî mîrûrû marîe na nîmave manjî marî na ûrogi manyue.

Jeremia 9:16

Nîngamanyagania mavûrûrirî marîa o wana methe mao mataicî na nîngatûma athigari a mbaara mamarûmîrîrie nginya nîmaûrage nîmathirie viû.”

Ezek 12:14

Arûmîrîri ake arîa mamûtaaraga, na athigari ake onthe a mbaara nîngaamanyaganîria mîenarî yonthe, na nîngaruta rûviû nîmarûmîrîrie.

Ezek 14:17

“Nwa ndûme kûgîe mbaara vûrûrirî, na kûgîe indo njûku cia mbaara ithirie andû wana nyamû cia kîthaka.

Ezek 14:19

“Narîo nîngîtûma mûrimû mûcûku kûu vûrûrirî nîrî na marakara, nîngatûma andû na nyamû ikue,

Ezek 14:21

Ngai-Mûnene arauga atîrî, “Nîngûverithia Jerusalemu na maûndû mana: Mbaara, yûra, nyamû mbaganu cia kîthakarî na mîrimû mîcûku nîguo andû mathire, na nyamû ithire.

Ezek 16:42

Ûguo nîguo ngaavoreria marakara makwa nawe, na nthirie wîru wakwa kûrî we. Nîngaacoka ngire ki na ndigaacoka kûrakara rîngî.

Ezek 21:22

Njararî yake ya ûrîo, gûgaaûka woni wa Jerusalemu. Woni ûcio ûkaamwonia aigithia mîgogo mînene, augîrîrie na mûgambo wa mbaara, aigithie mîgogo mîtungu ya kwomomora ivingo cia Jerusalemu. Nîagetûrûrithia ivumbu nene cia mûthetu ithiûrûrûkîrîtie îtûûra na atume nthingo ndaca na îgûrû cia kûrîrigicîria.

Ezek 24:13

Ciîko ciaku cia ûmaramari we Jerusalemu nîcio ikûgwatîtie mûgiro. Nageririe gûkûtheria ûkîrema. Kwoguo nîwîkara ûtarî mûtheru nginya rîrîa ûkegua ûrito wa marakara makwa.

Ezek 33:27

“Marîrie na ûmere nie Ngai-Mûnene nîrauga atî: Wata ûrîa ndûûraga mwoyo, andû acio onthe matûûraga matûûrarî mau momomoku nîmakaaûragwa. Arîa marî mîgûndarî makaarîwa nî nyamû cia kîthaka; na arîa marî kûndû kûrîa kûgitîre na ngurungarî makaaûragwa nî mîrimû mîcûku.

Ezek 36:19

Nînaamatuîrîre kûringana na mîtugo na mîthiîre yao na ngîmanyagania makîthiî mavûrûrirî mageni.

Ezek 43:8

Athamaki ao maatumire mîromo na mbaû cia mîromo ya nyomba ciao cia ûthamaki vakuvî na mîromo ya hekarû yakwa ivakanîtue nî rûthingo. Nîmaagwatirie gîko rîîtwa rîakwa rîtheru na njîra ya maûndû marî magigi marîa meekire, kwoguo nîrî na marakara nînaamathiririe.

Ezek 5:10

Kwoguo, aciari nîmakaarîa ciana ciao mûkîonaga, nacio ciana irîe aciari a cio. Nîmue ngaaverithia, nao arîa magaatigara gatagatîrî kenyu matakuîte nîngamanyagania na mîena yonthe.”

Ezek 5:17

Kwoguo nîngaatûma kûgîe na yûra gatagatî kenyu na nîmûrekerie nyamû cia kîthaka irîe ciana cienyu. Nîmûkeethîrîrua nî mîrimû mîcûku, mbûragano na mbaara cia kûmûthiria. Nie Ngai-Mûnene nînie nauga ûguo.”

Ezek 5:2

Rîrîa mîthenya ya kûrigicîria îtûûra rîa Jerusalemu îkaathira, nîûgoca gîcunjî kîmwe Kîam ithatû ûthiî ûgakîvîvîrie gatagatî ga îtûûra. Na gîcunjî kîmwe Kîam ithatû ûgîtinangîrie mîenarî yonthe ya îtûûra. Nakîo gîcunjî kîu kîngî Kîam kathatû ûkîgûrûkithie na rûkûngi nîûndû nîngaamarûmîrîria njomorete rûviû.

Ezek 6:8

“Kûnarî ûguo, nîngaatûma andû amwe matigare marî mwoyo nîguo kûgîe na arîa makaavonoka kûragwa mbaararî, nao nîmakaanyaganîria mavûrûrirî mengî.

Ezek 7:15

“Nakûu nja kûrî mbaara, nakuo matûûrarî kûrî na mûthiro na yûra. Arîa marî na kûu mîgûndarî magaakua marî mbaararî; na arîa marî îtûûrarî makaathirua nî yûra na mîrimû.

Ezek 7:3

“Mue andû a Isiraeli mûthiia nîûmûkinyîrîte; nîngwîtûrûra marakara makwa kûrî mue. Ngamûtuîra kûringana na mîtugo yenyu, na nîngamûverithia nîûndû wa maûndû menyu macûku.

Alawi 26:33

Nîngaatûma mûrûe mbaara na nîmûnyaganie mavûrûrirî marîa mengî. Vûrûri wenyu nîûgaatiganîrua, na matûûra menyu matigwe marî momokangu.

Amosi 9:4

Mangîkaanyitwa nî nthû ciao mavirwe îthamîriorî, nîngaathana maûragîrwe kuo na rûviû. Nîngaarîthania nao nginyîrîrîtie nîmeeke maûndû macûku na tî maro.”

Amosi 9:9

“Nîûndû nîngaathana na mvûnge andû a Isiraeli mavûrûrirî marîa mengî, ta ûrîa mûndû avûngaga ngano na gîcungi, na nîngaaruta kîndû kîonthe gîcûku.

Zakaria 7:14

Nînaamanyaganirie na njîra ta ya rûkûngi rûnene mavûrûrirî mataicî na magîtûûra kuo marî ageni. Vûrûri ûrîa maatigire watuîkire werû, na gûtirî mûndû wathiîcaga kana akauma kuo. Vûrûri ûcio mwaro gûtirî mûndû watûûrire kuo.”

Gûco 28:65

Mûtikeganîra kana mûgîe na thayû mûrî mavûrûrirî mau, na gûtigaatuîka kwenyu. Ngai-Mûnene nîagaatûma mwîthîrwe mûrî na guoya, mûtarî na kîîrîgîrîro na mûthirîtwe nî mwîvoko.

Kûguû 6:8

Nînaroririe na ngîona mbarathi ya rangi îno nthererûku. Nake ûrîa wathiîte amîkarîrîte eetagwa Gîkuû na Vûrûri wa arîa akuû nîwamûrûmîrîrîte. Nao nîmaaveerwe ûvoti wa kwatha kîmwe gîa icunjî inya cia nthî nîguo maûrage andû na njîra ya mbaara, yûra, mîrimû, na nyamû cia kîthaka.