Ezek 43:3 - ÎVUKU RÎA ÛVORO MWARO

³ Kîoneki gîkî gîekariî ta kîrîa nonete rîrîa Ngai aaûkîte gûcûkangia îtûûra rîa Jerusalemu, na ta kîrîa nonete rûnjîrî rwa Kebari. Nînacokire ngîîgwîthia ngîturumithia ûthiû wakwa nthî.

Ezek 43:3 ပူးပေါင်းရင်းမြစ်များ

Jeremia 1:10

Rîu nînakûva wathani îgûrû rîa mavûrûri na mothamaki, nîguo ûmakûûre na ûmomomore, ûmacûkangie na ûmagwîthie, ûmatume na ûmavande.”

Ezek 3:23

Kwoguo nînaûkîrire na ngîthiî kûndû kûrîa kwarî kwaraganu. Nîrî kûu nînonire riiri wa Ngai-Mûnene ûrûngamîte mbere yakwa wata ûrîa noonete rûnjîrî rwa Kebari. Nînacokire ngîturumithia ûthiû wakwa nthî.

Ezek 32:18

“Mûndû, cakaîra mwîngî wa Misiri, ûmaikie nthî, Misiri yo mene na erîtu a mavûrûri marîa marî îgweta. Maikie vûrûri wa arîa akuû mathiî vamwe na arîa manyûrûrûkaga kwa arîa akuû.

Ezek 44:4

Mûndû ûcio nîwacokire akîmbira mwena wa mbere wa hekarû tûvîtûkîrîrîte mûrangorî wa mwena wa rûgûrû. Nînaroririe na ngîona hekarû îcûrîte riiri wa Ngai-Mûnene, ngîcoka ngîturumithia ûthiû wakwa nthî.

Ezek 8:4

Nînacokire ngîona riiri wa Ngai wa Isiraeli vo wata ûrîa noonete nîrî kûndû kûrîa kwaraganu.

Ezek 9:1

Nînacokire ngîgua Ngai augîrîria na mûgambo mûnene akiuga atîrî, “Arîa makûthiî kûverithia îtûûra rînene nîmaûke vakuvî wa mûndû anyitîte indo ciake cia mbaara.”

Ezek 9:10

Kwoguo nie, ndikaamarekera kana nîmeguîra ntha. Ngaamaverithia kûringana na ûrîa mekîte.”

Ezek 9:3

Riiri wa Ngai wa Isiraeli nîwaumîte îgûrû kûrî Akerubi kûrîa wekaraga na ûkathiî kîvingorî gîa hekarû. Ngai nîwacokire agîta mûndû ûrîa wekîrîte nguo mbaro na warî na kîndû gîa kwandîka

Ezek 9:5

Wa nthikîrîrîtie nîwerire acio engî atîrî, “Mûrûmîrîre kûu îtûûrarî na mûrage andû. Mûtigatigarie mûndû wanarî ûmwe kana mwîguîre mûndû wana ûrîkû ntha.