Ezek 43:2 - ÎVUKU RÎA ÛVORO MWARO

² Riiri wa Ngai wa Isiraeli nîwaûkire umîte na mwena wa îrathîro. Naguo mûgambo wa Ngai warî ta mûrurumo wa manjî ma îria, nayo nthî nîyagîre na ûtheri wa riiri wake.

Ezek 43:2 ပူးပေါင်းရင်းမြစ်များ

Isaia 17:12

Aia, ûcio nî mûrurumo wa andû eengî, mararuruma ta ûrîa îria rîrurumaga. Aia, nî mûrurumo wa ndûrîrî, irî na mûrurumo ta wa manjî meengî.

Isaia 6:3

Wa ûmwe wa Aserafi acio etaga ûrîa wîngî akiugaga atîrî, “Mûtheru, mûtheru, mûtheru! Ngai-Mûnene, mwene vinya wonthe nî mûtheru! Riiri wake wîcûrîte nthî yonthe.”

Ezek 1:24

Nînegwire mûgambo wa mathagu ma cio magûrûkîte; mûgambo wamo warî ta wa mûrurumo wa manjî meengî, mûgambo ta wa athigari a mbaara eengî, mûgambo ta wa Ngai. Na rîrîa ciarûngama nîciakûnjaga mathagu mau.

Ezek 1:28

Ûkengu ûcio warî na marangi ta ma mûkûngambura. Ûguo nîguo mûvano wa ûkengu wa riiri wa Ngai-Mûnene wekariî. Rîrîa nawonire nînegwîthirie ngîturumithia ûthiû nthî, na ngîgua mûgambo wambarîria.

Ezek 10:4

Naguo riiri wa Ngai-Mûnene nîwaunûkirie umîte kûrî Akerubi ûkîthiî ûkîrûngama kîvingorî Kîam hekarû. Hekarû nîyecûrirwe nî îtu, nayo nja ya hekarû îgîcûra ûkengu wa riiri wa Ngai-Mûnene.

Ezek 11:22

Akerubi nîmaambararirie mathagu nîguo maûmbûke wa vamwe na nthugû irîa ciarî mwena wao. Na riiri wa Ngai wa Isiraeli warî îgûrû rîao.

Ezek 11:23

Naguo riiri ûcio wa Ngai-Mûnene nîwaunûkirie na ûkiuma kûu îtûûrarî na ûkîthiî ûkîrûngama kîrîmarî kîrîa kîrî mwena wa îrathîro wa îtûûra.

Ezek 3:23

Kwoguo nînaûkîrire na ngîthiî kûndû kûrîa kwarî kwaraganu. Nîrî kûu nînonire riiri wa Ngai-Mûnene ûrûngamîte mbere yakwa wata ûrîa noonete rûnjîrî rwa Kebari. Nînacokire ngîturumithia ûthiû wakwa nthî.

Ezek 43:4

Riiri wa Ngai-Mûnene nîwavîtûkîrîre mwîrîgarî wa mwena wa îrathîro ûgîtonya hekarûrî.

Ezek 44:2

Ngai-Mûnene nîwambîrire atîrî, “Mwîrîga ûyû ûgekaraga ûrî mûvinge na ndûkaarugûrwa. Gûtirî mûndû wagîrîrwe nî kûûvûthîra nîûndû nie Ngai-Mûnene, Ngai wa Isiraeli nîndonyerete mwîrîga ûcio. Kwoguo ûgekaraga ûrî mûvinge.

Ezek 9:3

Riiri wa Ngai wa Isiraeli nîwaumîte îgûrû kûrî Akerubi kûrîa wekaraga na ûkathiî kîvingorî gîa hekarû. Ngai nîwacokire agîta mûndû ûrîa wekîrîte nguo mbaro na warî na kîndû gîa kwandîka

Habakuku 2:14

Nîûndû nthî yonthe nîgecûra ûmenyo wa riiri wa Ngai-Mûnene, wata ûrîa manjî mecûraga îriarî.

Habakuku 3:3

Ngai nîaûkîte kuuma Temani, Ngai ûrîa mûtheru aûkîte kuuma kîrîma gîa Parani. Riiri wake ûkunîkîte îgûrû kuonthe; nayo nthî îcûrîte ngumo yake.

Habakuku 3:4

Ûkengu wake wîkariî ta wa riûa, mveni cia ûtheri irauma njararî yake, kûrîa vinya wake ûthithîtwe.

Johana 12:41

Isaia aaugire ûguo nîûndû nîwonire riiri wa Jesû na akîaria ûvoro ûmwîgiî.

Kûguû 1:15

nyarîrî ciake ciakengete ta cuuma ya gîcango îrî ntherie na mwaki, naguo mûgambo wake wagambaga ta ndurumo ya manjî.

Kûguû 14:2

Nanie nînegwire mûgambo kuuma îgûrû wagambaga ta ndurumo ya manjî, na ta mûrurumo mûnene wa ngwa. Mûgambo ûcio wagambaga ta mûgambo ûrîa aini magambagia makîvûra ngita ciao.

Kûguû 18:1

Vuva wa ûndû ûyû nînoonire mûraika wîngî akînyûrûrûka kuuma îgûrû. Mûraika ûcio aarî na vinya nyîngî. Riiri wake nîwatûmire nthî yonthe îgîe na ûtheri.

Kûguû 19:1

Vuva wa ûguo, nînegwire mûgambo wekariî ta wa gîkundi kînene Kîam andû marî kûu îgûrû ûkiuga atîrî: “Ngai arokumua! Ûvonokio, riiri, na vinya nî cia Ngai wetû!

Kûguû 19:6

Ngîcoka ngîgua mûgambo ta wa andû eengî mûno. Mûgambo ûcio wagambaga ta mûgambo wa ndurumo ya manjî meengî mûno, kana mûrurumo mûnene wa ngwa. Nao maaugaga atîrî, “Ngai arokumua! ‘Nîûndû Mwathani, Ngai wetû mwene vinya wonthe, nî mûthamaki!’

Kûguû 21:11

rîgîkengaga nî riiri wa Ngai. Îtûûra rîu rîakengete ta îthiga rîa goro, kana ta gîcicio na rîrî rîtheru ta îra.

Kûguû 21:23

Îtûûra rîu înene rîtiarî na vata wa riûa kana mweri wa kûrîmûrîkîra, nîûndû riiri wa Ngai na wa Gatûrûme nîguo warîmûrîkagîra na taa warî Gatûrûme.