Ezek 41:6 - ÎVUKU RÎA ÛVORO MWARO

⁶ Tûnyomba tûu twarî twa ngorova ithatû. Wa ngorova yarî na tûnyomba mîrongo îthatû (30). Rûthingo rwa hekarû na mwena wa nja rwarî rûceke kuuma ngorova îmwe kûthiî îrîa îngî nîguo tûnyomba tûu twîthîrwe tûrî na vinya wana tûtanyitîrîrîtwe nî rûthingo rwa hekarû.

Ezek 41:6 ပူးပေါင်းရင်းမြစ်များ

1Atha 6:10

Tûnyomba tûu twarî mîenarî yonthe ya nthingo cia hekarû twarî na ûraca na îgûrû wa mita igîrî na inji mîrongo îîrî na twanyitithanîtue kûrî hekarû na mbaû cia mîtarakwe.

Ezek 40:17

Mûndû ûcio nîwandonyirie na akînginyia nja ya kîvaro. Rûthingorî rûrîa rwathiûrûrûkîrîtie hekarû kwarî na tûnyomba mîrongo îthatû (30). Mwenarî wa mbere wa tûnyomba tûu kwarî na gacîra kaathondeketwe na mathiga.

Ezek 41:5

Mûndû ûcio nîwacokire akîthima ûtungu wa rûthingo rwa hekarû na akîona atî rwarî rwa mita ithatû (3). Kwarî na tûnyomba twatumîtwe tûthiûrûrûkîrîtie rûthingo rwa hekarû na mwena wa nja. Tûnyomba tûu twarî twa wariî wa mita igîrî (2).

Ezek 42:6

Nyomba cionthe ciatumîtwe irî na ngorova ithatû na itiatirîrîtwe na itugî ta nyomba irîa ciîngî ciarî kîvarorî kîu.

1Pet 1:5

Îgai rîu nî rîenyu, mue arîa na njîra ya wîtîkio mûgitîrîtwe nî vinya wa Ngai nîûndû wa ûvonokio ûrîa ûvarîrîtue gûkaaguûrua îvindarî rîa mûthiia.