Ezek 41:24 - ÎVUKU RÎA ÛVORO MWARO

²⁴ Mîrango îo yarûthîtwe wa mûrango ûrî wa icunjî igîrî, kwoguo mîrango îo yavingûkagîra gatagatî.

Ezek 41:24 ပူးပေါင်းရင်းမြစ်များ

1Atha 6:23

Solomoni nîwarûthire mîvuanano îîrî ya Akerubi ya mbaû cia mîtamaiyû îrîa îciaraga matunda na akîmiga vandû varîa vatheru Mûno. Wa mûvuanano ûmwe warî na ûraca na îgûrû wa mita inya na cendimita mîrongo îîrî.

1Atha 6:34

Kwarî na mîrango îîrî yatumîtwe na mbaû cia mîtî ya mîvondo. Wa mûrango nîwakûnjagwa vamwe.

2Maû 4:22

tûnyamû twa kûnyitîrîra ndambi, ûbani, mbakûri, na mbakûri cia gwîkîrwa ûbani. Indo icio cionthe ciarûthirwe na thaavu ntheri. Nayo mîrango ya hekarû, mîrango ya varîa vatheru mûno na mîrango ya tûnyomba, yonthe yavakîtwe thaavu.

Ezek 40:48

Nîwacokire akîmbira kanyombarî karîa karî kîvingorî gîa gûtonya hekarûrî. Nîwathimire kîvingo na akîona atî Kîamrî na wariî wa mita igîrî na nuthu (2.5) kûthiî na îgûrû na wariî wa mita mûgwanja (7). Nthingo cia kîvingo ciarî cia ûtungu wa mita îmwe na nuthu (1.5) mîena yoîrî.

Gûco 20:19

“Rîrîa mwarigicîria îtûûra îvinda îraca mûkîenda kûrîîgwatîra, mûtigateme mîtî ya matunda îrîa îrî îtûûrarî rîu. Nwa mûrîcage matunda ma mîtî îo, nwatî mûtikamîteme. Mîtî tî nthû cienyu.