Ezek 40:44 - ÎVUKU RÎA ÛVORO MWARO

⁴⁴ Ndarî ya kîvaro kwarî na tûnyomba twîrî twa aini a nyîmbo. Kamwe kaarî vakuvî na kîvingo Kîam mwena wa rûgûrû kerekerete na mwena wa îveti, na kau kengî kaarî mwena wa îveti kerekerete na mwena wa rûgûrû.

Ezek 40:44 ပူးပေါင်းရင်းမြစ်များ

Ezek 40:10

Tûnyomba tûu twa arangîri, na twarî mîena yoîrî ya gacîra ga kûvîtûkîra nîtweganene, wana nthingo irîa ciatûgaanîtie nîcieganene.

Ezek 40:17

Mûndû ûcio nîwandonyirie na akînginyia nja ya kîvaro. Rûthingorî rûrîa rwathiûrûrûkîrîtie hekarû kwarî na tûnyomba mîrongo îthatû (30). Mwenarî wa mbere wa tûnyomba tûu kwarî na gacîra kaathondeketwe na mathiga.

Ezek 40:23

Mûkîra ûcio wîngî wa kîvaro umîte kîvingorî Kîam mwena wa rûgûrû, kwarî na kîvingo kîngî gîa kûthiî kîvarorî Kîam ndarî wata mwena wa îrathîro. Mûndû ûcio nîwathimire ûraca gatagatî ka ivingo icio cioîrî, ûraca wa vo warî mita mîrongo îtano.

Ezek 40:27

Ava wana vo vaarî na kîvingo gîa kûthiî kîvarorî Kîam mwena wa ndarî. Mûndû ûcio nîwathimire ûraca wa kuuma kîvingorî gîkî kûthiî kîrîa Kîam mwena wa îveti, naguo warî wa mita mîrongo îtano (50).

Ezek 40:29

Tûnyomba twa arangîri tûrîa twarî mîena yoîrî ya gacîra, nyomba îrîa yarî kîvingorî na nthingo ciayo nîcieganene na nthingo cia ivingo irîa ciîngî. Nthingorî cia mwena wa gacîra kwarî na tûtirica wa na kanyombarî karîa kerekerete kîvaro. Ûraca wako warî mita mîrongo îîrî na ithano (25), na wariî wa mita îkûmi na igîrî na nuthu (12.5).

Ezek 40:38

Kîvarorî Kîam mwena wa nja kwarî na kanyomba gaatumîtwe kanyitanîte na gacîra ka gûtonya ka mwena wa ndarî. Mûromo wako waumîrîrîte kanyombarî ka gûtonya kîvarorî. Kanyombarî kau nîkuo kwathambagîrua nyamû irîa ciûragîtwe nîûndû wa magongoona ma kûvîvua.

Ezek 40:43

Kwarî na karûvaû ka wariî wa cendimita inyanya (8) gekîrîtwe kathiûrûrûkîrîtie metha icio kûrîa nyama cia magongoona ciaigagwa.

Ezek 40:7

Wavîtûka kîvingo, kwarî na gacîra. Mîenarî yoîrî yako kwarî na tûnyomba twa arangîri, wa mwena tûnyomba tûthatû. Wa kanyomba kaarî na mîena yeganene yonthe ya ûraca wa mita ithatû. Nthingo irîa ciatûgaanîtie ciarî na ûtungu wa mita igîrî na nuthu (2.5). Na wavîtûka tûnyomba tûu twa arangîri ûthiîte hekarûrî, kwarî na gacîra ka ûraca wa mita ithatû (3). Gacîra kau kaaviraga mûndû kanyombarî karîa keerekerete mûromorî wa hekarû.

Aefeso 5:19

Aranagîriani na ciugo cia thaburi, nyîmbo cia gûkumia Ngai na nyîmbo cia kîîroho. Inagîrani Mwathani na mûmûkumagie na ngoro cienyu cionthe.

Akol 3:16

Tigani ûtonga wa ndûmîrîri ya Kristû wîkarage ngororî cienyu. Tûmagîrani ûûgî wonthe wenyu rîrîa mûkûthomithania na mûgûtaarana mue ene. Inagani thaburi, nyîmbo, nyîmbo cia kîîroho mûrî na ngatho ngororî cienyu.