Ezek 39:9 - ÎVUKU RÎA ÛVORO MWARO

⁹ Andû arîa matûûraga matûûrarî ma Isiraeli nîmakaaumagara makaûnganie indo cia mbaara na maivîvie. Nîmagaakia mwaki na ngo, ûta na mîguî, matumû na njokoma îvinda rîa mîaka mûgwanja.

Ezek 39:9 ပူးပေါင်းရင်းမြစ်များ

Thaburi 46:9

Nîathiragia mbaara kûndû kuonthe gûkû nthî, nîaunangaga mota, na agacûkangia matumû, na nîavîvagia ngo na mwaki.

Isaia 66:24

“Makiuma kûu nîmakoonaga ciimba cia andû arîa maareganire nanie; igunyû irîa ikaairîcaga itigaakucaga, na mwaki ûrîa ûkaaivîvagia ndûkaavorekagia, na ciimba icio ikoonekaga irî na magigi nî andû onthe.”

Ezek 39:10

Matikaathiî kuna ngû mîgûndarî kana mathiî magaiteme mûtitûrî, nîûndû makaavûthagîra indo cia mbaara ta ngû. Nîmagaatava indo cia andû arîa maamatavîte, na makuue indo cia andû arîa maamacunîte indo ciao. Ûguo nîguo nie Mwathani Ngai-Mûnene mbugîte.”

Ezek 39:8

Mwathani Ngai-Mûnene augîte atîrî, “Mûthenya ûrîa naaririe ûvoro waguo, nama nîûgûkinya.

Zakaria 9:10

Ngai mûnene nîakaathengutia ikaari cia mbaara ciume Efiraimu, na athengutie mbarathi cia mbaara ciume Jerusalemu, naguo ûta ûrîa ûvûthagîrwa vîndî ya mbaara nîûkaaunangwa. Mûthamaki nîagaatûma ndûrîrî igîe na thayû, wathani wake ûkaauma îriarî kûthiî nginya îriarî, na kuuma rûnjîrî nginya mîthiia ya nthî.

Malaki 1:5

Namue nîmûkeyonera maûndû mama na metho menyu na muge atîrî, “Ûnene wa Ngai-Mûnene ûkinyîte makîria ya kûrîa mîvaka ya vûrûri wa Isiraeli îkinyîte.”

Josh 11:6

Ngai-Mûnene nîwerire Joshua atîrî, “Ndûgetigîre nîûndû wao. Rûciû thaa ta ino nîngethîrwa mbûragîte athigari aya onthe nîûndû wa andû a Isiraeli. Nawe nîûgaatemanga mîkiva ya magûrû ma mbarathi nîguo iremwe nî kûthiî na ûcoke ûvîvie ikaari cia mbarathi.”